Ի՛նչ կը Պահանջէ Գրքոյկը կը Գործածէ՞ք Ուսումնասիրութիւններ Սկսելու Համար

¹ Գիտէի՞ք որ եթէ կանոնաւորաբար ու հետեւողական կերպով սուրբ գրային հակիրճ զրոյցներ ունենաք հետաքրքրուած անհատի մը հետ եւ յանձնարարուած գրականութիւններէն մէկուն նիւթերը քննարկէք, Աստուածաշունչի ուսումնասիրութիւն մը վարած կ’ըլլաք։ Արդարեւ, ասիկա Աստուածաշունչի ուսումնասիրութիւն մըն է, նոյնիսկ եթէ անիկա դրան առջեւ կամ հեռաձայնով տեղի կ’ունենայ։ Ինչո՞ւ մասնայատուկ ջանք չթափէք Մայիսի ու Յունիսի ընթացքին այսպիսի ուսումնասիրութիւն մը սկսելու համար, գործածելով Ի՛նչ կը Պահանջէ գրքոյկը։

² Յաջողութիւն Գտնելու Համար Պատրաստուեցէք. Երբ Ի՛նչ կը Պահանջէ գրքոյկը կը ներկայացնէք, յստակօրէն ձեր մտքին մէջ ունեցէք ձեր խօսելիք նիւթը։ Եթէ վերայցելութիւն կ’ընէք, առաջին հանդիպումին ձեր ունեցած խօսակցութեան մասին մտածեցէք։ Դուք ձեզի հարց տուէք՝ ‘Գրքոյկին ո՞ր պարբերութիւններուն կրնամ ուշադրութիւն դարձնել, որպէսզի այդ խօսակցութեան վրայ կերտեմ եւ Աստուածաշունչի ուսումնասիրութիւն մը հաստատեմ’։ Եթէ տունէ տուն կը ծառայէք, նկատի առէք թէ ո՛ր նիւթերը դեռատիի, տարեցի, տղամարդու կամ կնոջ մը սրտին կրնան խօսիլ։ Վերաքաղ ըրէք գրքոյկին բնաբանները, եւ ընտրեցէք հետաքրքրական նիւթ մը։ Մօտեցում մը որոշելէ ետք, զայն քանի մը անգամ փորձ ըրէք։ Ասիկա յաջողութեան բանալիներէն մէկն է։

³ Յունուար 2002 Մեր Թագաւորութեան Ծառայութիւնը թերթիկին յաւելուածականը կու տայ ութը «Թելադրութիւններ՝ Ի՛նչ կը Պահանջէ Գրքոյկը Ներկայացնելու Համար»։ «Ուղղակի Մօտեցումը» շրջագիծը ցոյց կու տայ գրքոյկը ի՛նչպէս գործածել ուսումնասիրութիւններ սկսելու համար։ Կրնաք առաջին թելադրութիւնը յարմարցնել հետեւեալ կերպով.

◼ «Գիտէի՞ք որ միայն քանի մը վայրկեան տրամադրելով, կրնաք կարեւոր հարցումի մը պատասխանը առնել Աստուածաշունչէն։ Օրինակի համար, ինչո՞ւ Քրիստոնէութիւն դաւանող այսքան շատ կրօնքներ կան։ Երբեք հարց տուա՞ծ էք ասոր մասին»։ Անհատը պատասխանելէ յետոյ, բացէք 13–րդ դասը եւ նկատի առէք առաջին երկու պարբերութիւնները։ Ժամանակին ներած չափով, կարդացէք ու քննարկեցէք մէկ կամ երկու համար։ Ապա, կարդացէք էջին վերը գտնուող վերջին հարցումը, եւ ըսէք. «Դասին մնացեալ մասը աչքառու կը դարձնէ ճշմարիտ կրօնքը բնորոշող հինգ յատկանիշներ։ Ուրախ պիտի ըլլամ վերադառնալով եւ զանոնք ձեզի հետ նկատի առնելով»։

⁴ Յարատեւեցէք. Ամէն պատեհութիւն օգտագործեցէք Աստուածաշունչի ուսումնասիրութիւն մը ցուցադրելու համար Ի՛նչ կը Պահանջէ գրքոյկով։ Եհովայի օրհնութիւնը խնդրեցէք։ (Մատթ. 21։22) Ձեր ջանքերուն մէջ յարատեւելով, կրնաք համտեսել այն ուրախութիւնը որ յառաջ կու գայ անհատի մը օգնելէն որ բարի լուրին ընդառաջէ։