ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Ծառայութեան մէջ հմտութիւնդ բարելաւէ. JW.ORG կայքը գործածել
ԻՆՉՈ՛Ւ ԿԱՐԵՒՈՐ Է։ Ուսուցանելու մեր գործիքներու տուփին բոլոր հրատարակութիւնները մարդիկը կ’ուղղեն jw.org կայքին։ Իրականութեան մէջ կայքի քարտին եւ Ո՞ւր կրնանք գտնել կեանքի կարեւոր հարցումներուն պատասխանները թերթիկին գլխաւոր նպատակն է՝ մարդիկը ուղղել մեր կայքին։ Կրնաս jw.org կայքին միջոցաւ հրատարակութիւն ուղարկել e-mail–ով կամ link–ով։ Ասիկա կրնայ գործնական ըլլալ, մանաւանդ երբ կը վկայենք օտարախօս անհատի։ Ասկէ զատ, թերեւս մարդիկ հարցնեն հարցումներ, որոնք ուսուցանելու մեր գործիքներու տուփին մէջ չեն գտնուիր։ Եթէ մեր կայքը շատ գործածող ենք, ծառայութեան մէջ կրնանք աւելի ազդու ըլլալ։
ԻՆՉՊԷ՛Ս ԿԱՅՔԸ ԳՈՐԾԱԾԵԼ։
«BIBLE TEACHINGS» բաժին։ Օրինակ, եթէ կը վկայես ծնողի մը, որ կը փափաքի աւելի տեղեկութիւն առնել զաւակ մեծցնելու մասին։ Նայէ BIBLE TEACHINGS > MARRIAGE & FAMILY։
«ՀՐԱՏԱՐԱԿՈՒԹԻՒՆՆԵՐ» բաժին։ Օրինակ, եթէ անպաշտօն կերպով կը վկայես դպրոցին մէջ եւ կ’ուզես դասընկերոջդ տալ Պատանիները հետաքրքրող 10 հարցումներ գրքոյկը։ Նայէ ՀՐԱՏԱՐԱԿՈՒԹԻՒՆՆԵՐ > ԳԻՐՔԵՐ ԵՒ ԳՐՔՈՅԿՆԵՐ։
«ՄԵՐ ՄԱՍԻՆ» բաժին։ Օրինակ, եթէ կը վկայես գործակիցիդ, որ կ’ուզէ հակիրճ կերպով կարդալ մեր հաւատալիքներուն մասին։ Նայէ ՄԵՐ ՄԱՍԻՆ > ՅԱՃԱԽ ՈՒՂՂՈՒԱԾ ՀԱՐՑՈՒՄՆԵՐ։
ԴԻՏԷ JW.ORG ԿԱՅՔԸ ԳՈՐԾԱԾԵԼ ՎԻՏԷՈՆ ԵՒ ՅԵՏՈՅ ՆԿԱՏԻ ԱՌ ԹԷ ԿԱՅՔԻՆ Ո՛Ր ԲԱԺԻՆԸ ԿՐՆԱՍ ԲԱՆԱԼ ՕԳՆԵԼՈՒ ՀԱՄԱՐ՝
անաստուածի մը
մէկու մը՝ որ վերջերս ցաւալի պարագայէ մը անցած է
անգործունեայ եղբօր կամ քրոջ մը
անհատի մը, որուն կը վերայցելես եւ քեզի կը հարցնէ, որ մեր գործունէութիւնը ինչպէ՛ս կը ֆինանսաւորուի
օտարի մը, որ կ’ուզէ իր երկրին մէջ ժողովի ներկայ գտնուիլ