Ինչպէ՞ս կրնանք ցոյց տալ, որ Եհովան կը սիրենք

Սուրբ Գիրքը սերտելու սկսելէդ ի վեր, Աստուծոյ աւելի մօտիկ կը զգա՞ս։ Կը փափաքի՞ս շարունակել իրեն հետ բարեկամութիւնդ զօրացնել։ Եթէ այո, յիշէ՛ որ Եհովան ո՛րքան աւելի տեսնէ թէ իրեն հանդէպ սէրդ կ’աճի, ա՛յնքան աւելի քեզ պիտի սիրէ եւ հոգայ։ Ինչպէ՞ս կրնաս իրեն ցոյց տալ, որ զինք կը սիրես։

1. Եհովային ինչպէ՞ս ցոյց կու տանք, որ զինք կը սիրենք

Եհովային հանդէպ մեր սէրը ցոյց կու տանք՝ իրեն հնազանդելով (կարդա՛ Ա. Յովհաննէս 5։3)։ Ան մէ՛կը չի ստիպեր, որ իրեն հնազանդի։ Փոխարէնը, ան մեզի առիթը կու տայ, որ մե՛նք ընտրենք եթէ կ’ուզենք իրեն հնազանդիլ կամ ոչ։ Ինչո՞ւ։ Քանի որ Եհովան կ’ուզէ որ իրեն ‘սրտանց հնազանդինք’ (Հռովմայեցիս 6։17)։ Ուրիշ խօսքով, ան կ’ուզէ որ իրեն հնազանդիս, ոչ թէ առ ի պարտականութիւն, հապա քանի որ զինք կը սիրես։ Այս գիրքին Մաս 3–ը եւ Մաս 4–ը պատրաստուած են քեզի օգնելու, որ Եհովային հանդէպ սէրդ ցոյց տաս՝ ընելով այն ինչ որ կը սիրէ եւ չընելով այն ինչ որ չի սիրեր։

2. Ինչո՞ւ կրնայ դժուար ըլլալ, որ Եհովային հանդէպ մեր սէրը ցոյց տանք

«Արդարին նեղութիւնները շատ են» (Սաղմոս 34։19)։ Բոլորս մեր անկատարութիւններուն դէմ կը պայքարինք։ Եւ թերեւս կը տառապինք դրամական խնդիրներէ, անարդարութենէ եւ ուրիշ դժուարութիւններէ։ Երբ նեղութիւններու մէջ ըլլանք, թերեւս մեզի համար դիւրին չըլլայ ընել ինչ որ Եհովան մեզմէ կը խնդրէ։ Ինչո՞ւ։ Քանի որ սխալ ճամբուն հետեւիլը կրնայ աւելի դիւրին ըլլալ։ Բայց երբ Եհովային ուզածը սրտանց կ’ընես, իրեն ցոյց կու տաս, որ զինք ամէն բանէ աւելի կը սիրես։ Ասկէ զատ, կը փաստես որ իրեն հաւատարիմ ես։ Ինքն ալ իր կարգին քեզի հաւատարիմ պիտի ըլլայ։ Ան ‘բնաւ քեզ երեսէ պիտի չձգէ’ (Եբրայեցիս 13։5)։

4. Եհովային սիրտը ուրախացուր

Կարդացէ՛ք Առակաց 27։11 եւ քննարկեցէ՛ք այս հարցումները.

• Երբ իմաստութեամբ կը վարուիս եւ Եհովային կը հնազանդիս, ան ի՞նչ կը զգայ։ Ինչո՞ւ։

5. Կրնա՛ս Եհովային հաւատարիմ ըլլալ

ՎԻՏԷՕ. Հաւատքդ պաշտպանէ հակառակութեան դիմաց (5։09)

• Ատեններ քեզի համար դժուար կ’ըլլա՞յ ուրիշներուն խօսիլ Եհովային մասին։

• Վիտէոյին մէջ, ի՞նչ բան Ճէյսընին օգնեց որ իր վախին հետ գլուխ ելլէ։

Աւելի դիւրին է Եհովային հաւատարիմ ըլլալ, երբ կը սիրենք ի՛նչ որ կը սիրէ եւ կ’ատենք ի՛նչ որ կ’ատէ։ Կարդացէ՛ք Սաղմոս 97։10 եւ քննարկեցէ՛ք այս հարցումները.

• Մինչեւ հիմա սորվածներուդ հիման վրայ, Եհովան ի՞նչ կարգ մը բաներ կը սիրէ։ Ի՞նչ կարգ մը բաներ կ’ատէ։

• Ինչպէ՞ս կրնաս սորվիլ բարին սիրել ու չարը ատել։

6. Եհովային հնազանդելով կ’օգտուինք

Եհովային հնազանդիլը միշտ ամենալաւ բանն է։ Կարդացէ՛ք Եսայի 48։17, 18 եւ քննարկեցէ՛ք այս հարցումները.

• Կը կարծե՞ս որ կրնանք վստահութիւն ունենալ, թէ Եհովան միշտ գիտէ թէ մեզի համար լաւագոյնը ի՛նչ է։ Ինչո՞ւ։

• Մինչեւ հիմա ինչպէ՞ս օգտուած ես Սուրբ Գիրքը սերտելով եւ ճշմարիտ Աստուծոյն՝ Եհովային մասին գիտնալով։

ԱՄՓՈՓՈՒՄ

Կրնաս ցոյց տալ որ Եհովան կը սիրես՝ իրեն հնազանդելով եւ հաւատարիմ մնալով, հակառակ դժուարութիւններուն։

Վերաքաղ

• Ի՞նչ սորվեցար Յոբին օրինակէն։

• Ինչպէ՞ս պիտի փաստես, որ Եհովան կը սիրես։

• Ի՞նչ բան քեզի պիտի օգնէ, որ Եհովային հաւատարիմ մնաս։

ԱՒԵԼԻ՛Ն ԳԻՏՑԻՐ

Տե՛ս թէ ինչպէ՛ս կրնաս հաւատարիմ ըլլալ Եհովային եւ ժողովքին։

«Հաւատարիմին հետ հաւատարիմ կ’ըլլաս» (16։44)

Աւելի՛ գիտցիր մարդոց դէմ Սատանային ըրած ամբաստանութիւններուն մասին։

«Յոբ իր ուղղամտութիւնը կը պահէ» (Աստուածաշունչը. ի՞նչ է անոր պատգամը մաս 6)

Նկատի առ թէ ինչպէ՛ս նոյնիսկ պզտիկները կրնան ցոյց տալ, որ Եհովան կը սիրեն։

Եհովան ուրախացուր (8։16)

Պատանի մը ինչպէ՞ս կրնայ հաւատարմօրէն Եհովային ուզածը ընել, նոյնիսկ երբ ուրիշ պատանիներ կը փորձեն զինք ստիպել, որ սխալ բան մը ընէ։

Ընկերներուդ ճնշումին տեղի մի՛ տար (4։00)