Եհովայի Վերյիշեցումները Մեզ Հոգեւոր Գետնի Վրայ Կ’ոգեւորե՞ն

¹ Սաղմոսերգուն Եհովան փառաբանեց, ըսելով. «Քու վկայութիւններդ [վերյիշեցումներդ (ՆԱ)] իմ մտածութիւնս են»։ (Սաղմ. 119։99) «Վերյիշեցումներ» թարգմանուած Եբրայերէն բառը կը հաղորդէ այն գաղափարը թէ Եհովա ետ կը բերէ մեր միտքը ինչ որ նշուած է իր օրէնքներուն, իր հրամաններուն, իր կանոններուն եւ իր պատուիրաններուն մէջ։ Եթէ ընդառաջենք, անոնք մեզ հոգեւոր գետնի վրայ պիտի ոգեւորեն եւ ուրախ դարձնեն։—Սաղմ. 119։2, ՆԱ։

² Որպէս Եհովայի ժողովուրդ, մենք կանոնաւորաբար խրատներ կը ստանանք։ Անոնց մեծամասնութիւնը նախապէս լսած ենք։ Թէեւ կը գնահատենք այս քաջալերութիւնը, մոռնալու հակում ունինք։ (Յակ. 1։25) Եհովա համբերութեամբ կը հայթայթէ սիրալիր վերյիշեցումներ։ Պետրոս առաքեալ այս վերյիշեցումներէն մի քանի հատը արձանագրեց, որպէսզի ‘մեր անկեղծ միտքը արթնցնէ որ Տիրոջ պատուէրները մտքերնիս բերենք’։—Բ. Պետ. 3։1, 2

³ Կրկնակիօրէն մեր ուշադրութեան կը յանձնուի անձնական ուսումնասիրութեան եւ ժողովներու ներկայ ըլլալու կարեւորութիւնը։ Պատճառը այն է որ այս գործունէութիւնները շատ կենսական են մեր հոգեւոր բարօրութեան։—Ա. Տիմ. 4։15. Եբր. 10։24, 25

⁴ Ոմանց համար մեծագոյն մարտահրաւէրն է կատարել քարոզելու Քրիստոնէական յանձնարարութիւնը։ Ան կը պահանջէ ջանք, հաստատամտութիւն եւ յարատեւութիւն։ Թէեւ ատիկա մեզմէ շատ բան կը պահանջէ, ‘հաստատուն կենալու’ համար օգնութիւն կը ստանանք ‘մեր ոտքերուն ամրացնելով խաղաղութեան աւետարանին պատրաստութիւնը’։—Եփ. 6։14, 15

⁵ Մեր ծառայութեան շարժառիթը պէտք չէ ըլլայ միայն մտային ըմբռնումը Եհովայի պահանջներուն։ Պօղոս առաքեալ մեր ուշադրութեան կը յանձնէ թէ սիրտը կը հայթայթէ այն շարժառիթը որու կարիքը ունինք ‘հանրապէս յայտարարութիւն ընելու փրկուելու համար’։ (Հռովմ. 10։10, ՆԱ) Եթէ զօրաւոր հաւատք ունինք եւ մեր սիրտը Եհովայի վերյիշեցումներուն հանդէպ հակում ունի, պիտի մղուինք համարձակութեամբ իր անունը փառաբանելու։—Սաղմ. 119։36, ՆԱ. Մատթ. 12։34

⁶ Երբ ծանր աշխատելով բարի գործեր կը կատարենք, իրաւացիօրէն կ’ակնկալենք ուրախութիւն քաղել։ (Ժող. 2։10) Պօղոս ուրախութիւնը կը բնորոշէ որպէս Եհովայի հոգիին մէկ պտուղը, եւ մենք պէտք է ջանանք մեծապէս զայն ցուցաբերել։ (Գաղ. 5։22) Պետրոս աւելցուց թէ մեր «ջանքեր»ը պիտի վարձատրուին պտղաբեր ծառայութեամբ մը, որ ուրախութիւն կ’արտադրէ։—Բ. Պետ. 1։5–8

⁷ Երբ մարտահրաւէր մը կը դիմագրաւենք, պէտք է յիշենք առաքեալներուն հաստատ կեցուածքը երբ յայտարարեցին. «Մենք զայն որ տեսանք ու լսեցինք՝ չենք կրնար չխօսիլ»։ (Գործք 4։20) Մենք յարատեւելու համար կը զօրանանք երբ կը յիշենք որ ‘այդպէս ընելով՝ մենք մեզ պիտի ապրեցնենք ու զանոնք ալ, որոնք մեզի մտիկ կ’ընեն’։—Ա. Տիմ. 4։16

⁸ Յարատեւաբար վերյիշեցումներ ստանալուն պատճառաւ, մենք չենք նեղուիր կամ դժգոհիր։ Փոխարէն, անոնց գերազանց արժէքը խորապէս կը գնահատենք։ (Սաղմ. 119։129, ՆԱ) Այս դժուարին ժամանակներուն, շնորհապարտ ենք որ Եհովա կը շարունակէ մեզի վերյիշեցումներ ղրկել, հոգեւոր գետնի վրայ մեզ ոգեւորելու եւ մեզ դրդելու որ բարի գործերու մէջ նախանձախնդիր ըլլանք։—Բ. Պետ. 1։12, 13