Թագաւորութեան Սրահի Միջազգային Շինարարութիւն Կարգ մը Եւրոպական Երկիրներու Մէջ
1 Վերջին տասնամեակներուն, Եհովայի Վկաներուն գործունէութեան վրայ արգելքներ դրուեցան կարգ մը եւրոպական երկիրներու մէջ, ի ներառեալ Արեւելեան Եւրոպա։ Շատ մը պարագաներուն, արգելքները չափազանց խիստ էին։ Հրապարակաւ ժողովներ գումարելը դժուար էր, իսկ Թագաւորութեան Սրահ մը գործածելը գրեթէ անկարելի էր։ Սակայն, վերջին քանի մը տարիներուն, «Տէրը մեզի համար մեծ բաներ ըրաւ ու մենք ուրախացանք»։—Սաղմ. 126։3
2 1983–էն սկսեալ, Եհովայի Վկաներուն վրայ բանեցուած ճնշումը սկսաւ թեթեւնալ։ 1989–ին, Լեհաստան եւ Հունգարիա օրինաւոր ճանաչում շնորհեցին Եհովայի Վկաներուն։ 1991–ին, Եհովայի Վկաները Ռուսաստանի մէջ պաշտօնականօրէն գրանցուեցան։ Անկէ ի վեր, Ռուսաստանի եւ նախկին Սովետական Միութեան հանրապետութիւններուն մէջ գործը բարգաւաճած է։ Մարտ 1996–էն մինչեւ Հոկտեմբեր 1998, Կառավարիչ Մարմինը եւրոպական 11 երկիրներու վրայ վերահսկող մասնաճիւղերու հաւանութիւն տուաւ, որ 359 Թագաւորութեան Սրահներ կառուցանելու համար փոխատուութիւններ ստանան։
3 Մինչ այս յաւելուածականին մէջի պատկերները կը դիտէք, խոկացէք այն մեծ ու հոյակապ բաներուն վրայ, զորս Եհովա ըրած է իր ժողովուրդին ի նպաստ։ (Սաղմ. 136։4) Պիտի ուրախանաք գիտնալով թէ համաշխարհային եղբայրութեան նուիրատուութիւնները լաւագոյն կերպով կը գործածուին, ապացուցանելով Յովհաննու 13։35–ի մէջ արձանագրուած Յիսուսի ըսածը. «Ասով ամէնքը պիտի գիտնան թէ իմ աշակերտներս էք, եթէ իրարու վրայ սէր ունենաք»։
4 Սահմանափակ եկամուտ ունեցող երկիրներու մէջ Թագաւորութեան Սրահներ կառուցանելու կարգադրութենէն օգտուող եւրոպական երկիրներէն մէկը՝ Ռումանիան է, ուր Յուլիս 2000–էն ի վեր 36 Թագաւորութեան Սրահներ շինուած են։ Իրենց գրեթէ բոլոր Թագաւորութեան Սրահներուն համար համանման յատակագիծ գործածելով, Ուքրանիա 2001–ին 61 սրահ շինեց, իսկ 2002–ին՝ յաւելեալ 76 սրահներ։ Թագաւորութեան Սրահներու Հիմնադրամին նուիրուած գումարներով, հարիւրաւոր Թագաւորութեան Սրահներ կառուցուեցան՝ Խրուաթիոյ, Մակեդոնիոյ, Մոլտավիոյ, Պուլկարիոյ, Ռուսաստանի, եւ Սերպիա եւ Մոնթենեկրոյի մէջ։
5 Կարգ մը երկիրներու մէջ Թագաւորութեան Սրահներ կառուցանելը դիւրին չէ եղած, եւ շատ ջանք պէտք է թափուի շինարարութիւն մը սկսելէ առաջ։ Յաճախ գործընթացը երկար ժամանակ կը տեւէ։ Իսկ Եւրոպայի այդ մասին մէջ Թագաւորութեան Սրահ մը կառուցանելու ծախսը շատ աւելի է, քան՝ Ափրիկէի կամ Հարաւային Ամերիկայի շատ մը շրջաններու մէջ։ Սակայն, քանի որ Եհովայի երկրպագուներուն թիւը մեծ յաւելում արձանագրած է, տակաւին հարիւրաւոր Թագաւորութեան Սրահներու կարիքը կայ՝ սահմանափակ եկամուտ ունեցող եւրոպական երկիրներուն մէջ։
6 Որքա՜ն հոյակապ է տեսնել այս արագ յաւելումը Թագաւորութեան Սրահներու կառուցման մէջ։ Ինչպէս բազմաթիւ փորձառութիւններ ցոյց կու տան, սքանչելի վկայութիւն մը տրուած է այն շրջաններուն մէջ, ուր սրահներ կառուցուեցան։ Կարգ մը շրջաններու մէջ, տեղական իշխանութիւնները հիացած են շինարարական ուղեգծերուն հետեւելու մէջ ցուցաբերուած համագործակցութեան վրայ։
7 Եսայի տեղին ըլլալով մարգարէացաւ՝ այս ժամանակին ճշմարիտ պաշտամունքին մէջ տեղի ունեցող յաւելումին մասին։ Մարգարէին բերնով Աստուած նախագուշակեց. «Ես՝ Տէրս պիտի փութացնեմ ասիկա իր ժամանակին»։ (Եսայ. 60։22, Արեւմտահայերէն՝ Վերագրումներով) Վստահաբար, անցեալ տասնամեակը Եհովայի ժամանակն էր որ Արեւելեան Եւրոպայի մէջ յաւելումներ ըլլան։ Թող Եհովա շարունակէ առատապէս օրհնել մեր ջանքերը, շատ մը երկիրներու մէջ Թագաւորութեան Սրահներու շինարարութիւնը արագացնելու համար, մինչ Թագաւորութեան Սրահներու Հիմնադրամին աւելի թիկունք կը կանգնինք։ Ասիկա յառաջ պիտի բերէ յաւելեալ Թագաւորութեան Սրահներ, սահմանափակ եկամուտ ունեցող երկիրներու մէջ։ Ասիկա Եւրոպայի շատ մը շրջաններուն մէջ մաքուր պաշտամունքին աճման պիտի նպաստէ, եւ աւելի մեծ վկայութիւն պիտի տայ «մինչեւ երկրին ծայրերը»։—Գործք 13։47
[Նկարներ՝ էջ 3]
Թագաւորութեան Սրահի Համալիր Մոսկուա, Ռուսաստան
[Նկարներ՝ էջ 4-6]
Նոր Թագաւորութեան Սրահներ Արեւելեան Եւրոպայի Մէջ
Սդրումիցա, Մակեդոնիա
Տառուվար, Խրուաթիա
Պիթոլա, Մակեդոնիա
Սոքալ, Լվիֆ Նահանգ, Ուքրանիա
Սօֆիա, Պուլկարիա
Քրասնոգիթեապրիսքի, Միքոփի Շրջան, Ռուսաստան
Պաչքա Փեթրովաց, Սերպիա եւ Մոնթենեկրօ
Փլովտիֆ, Պուլկարիա
Թլումաք, Իւանօ–Ֆրանքիվսք Նահանգ, Ուքրանիա
Ռաւա–Ռուսքա, Լվիֆ Նահանգ, Ուքրանիա
Սթարա Փազովա, Սերպիա եւ Մոնթենեկրօ
Զենիցա, Պոսնիա եւ Հերցեկովինիա
Սոքալ, Լվիֆ Նահանգ, Ուքրանիա
Զիտաչիվ, Լվիֆ Նահանգ, Ուքրանիա