Մասնաճիւղին Նամակը

Սիրելի՝ Թագաւորութեան Հրատարակիչներ,

«Աստուած աճեցուց»։ (Ա. Կորն. 3։6) Համայն աշխարհի մէջ տեղի ունեցող աճման ականատես ըլլալը ի՜նչ խայտալի է։ 2003–ի ծառայութեան տարուան ընթացքին, միայն Միացեալ Նահանգներուն մէջ աւելի քան 70,000 Աստուածաշունչի նոր ուսումնասիրութիւններ սկսուեցան։ Ասիկա շատ գովելի է։

Եհովա կ’օրհնէ օտարախօս դաշտին մէջ տեղի ունեցող գործունէութիւնը։ Միացեալ Նահանգներուն մէջ Անգլերէնի եւ Սպաներէնի կողքին, 37 այլ լեզուներով ժողովքներ կամ խումբեր հաստատուած են։ Վերջերս, մասնաճիւղի թաղամասին մէջ Ամհարիգերէն ու Ինտոնեզերէն խօսող առաջին ժողովքները կազմուեցան։ Ուստի թող որ ջանանք մեր երկրին մէջ բնակող տասնեակ հազարաւոր օտարախօս անհատներուն հասնիլ։

Հետզհետէ աճող համաշխարհային դաշտին համար գրականութիւններ հայթայթելու համար, Նիւ Եորքի Ուոլգիլի մօտ գտնուող Դիտարանի Ագարակներուն տպարանը ներկայիս կ’ընդարձակուի։ Անոր յաւելեալ 1,4 հեկտար գետնի մակերես ապահովելուն մէջ բաւական յառաջդիմութիւն արձանագրուած է։ Ասիկա հաւասար է միջին չափով 30 Թագաւորութեան Սրահներու։ 2004–ի սկիզբը, շատ արդիական ու հսկայ երկու տպագրամեքենաներ պիտի զետեղուին։ Իւրաքանչիւր տպագրամեքենայ մէկ երկվայրկեանի մէջ մինչեւ 25 պարբերաթերթ պիտի արտադրէ։ 2004–ի ընթացքին, գրքակազմութեան եւ առաքման նոր սարքեր ալ պիտի զետեղուին։ Ասոր արդիւնքը պիտի ըլլայ՝ աւելի մեծ քանակով արտադրութիւն եւ անձնակազմի նուազում։

Մինչ 2004–ի ծառայութեան տարին կը սկսինք, միասնաբար կ’աղօթենք որ Եհովա շարունակէ ‘աճեցնել’։

Ձեր եղբայրները,

ԵՎ