Ներկայացնենք Մեծ Ուսուցիչէն Սորվեցէք Գիրքը

◼ «Կը խորհի՞ք որ աշխարհը աւելի լաւ տեղ մը պիտի ըլլար, եթէ մարդիկ այս խօսքին համաձայն ապրէին։ [Կարդացէք Մատթէոս 7։12ա։ Ապա թոյլ տուէք որ պատասխանէ։] Այս գիրքը կը բովանդակէ ցարդ ապրած մեծագոյն ուսուցիչին սորվեցուցած շատ մը դասերը»։ Աչքառու դարձուցէք 17–րդ գլուխին պատկերներն ու խորագիրները։

◼ «Ծնողներէն շատեր կը ջանան իրենց զաւակներուն մէջ բարոյական արժէքներ քանդակել։ Կը խորհի՞ք որ ասիկա կարեւոր է։ [Թոյլ տուէք որ պատասխանէ։ Ապա կարդացէք Առակաց 22։6–ը։] Նկատեցէք որ ծնողներուն քաջալերութիւն տրուած է որ սկսին իրենց զաւակները մարզել մինչ անոնք շատ փոքր են։ Այս գիրքը ծրագրուած է ծնողներուն օգնելու որ ասիկա ընեն»։ Աչքառու դարձուցէք 15, 18 կամ 32–րդ գլուխի պատկերներն ու խորագիրները։

◼ «Զաւակներուն հարցուցած հարցումները յաճախ կը զարմացնեն ծնողները։ Կարգ մը հարցումներու պատասխանելը կրնայ դժուար ըլլալ, այնպէս չէ՞։ [Թոյլ տուէք որ պատասխանէ։ Ապա կարդացէք Բ. Տիմոթէոս 3։14, 15–ը։] Տիմոթէոսի մայրը եւ մեծ մայրը իր մանկութենէն սորվեցուցին իրեն թէ Սուրբ Գրութիւնները ի՛նչ կ’ըսեն։ Այս գիրքը կրնայ ծնողներուն օգնել որ իրենց զաւակներուն նոյնը ընեն»։ Ցցուն դարձուցէք 11 եւ 12–րդ, կամ 34-36–րդ գլուխներուն կարգ մը պատկերներն ու խորագիրները։