Միօրեայ մասնաւոր համաժողովի նոր յայտագիր
Նախկին Քրիստոնեաները, սուրբ հոգիով զօրացած, մեծ ջանք թափեցին որ բարի լուրը կարելի եղածին չափ ընդարձակօրէն յայտարարեն։ (Գործք 1։8. Կող. 1։23) 2007–ի ծառայութեան տարուան միօրեայ մասնաւոր համաժողովի յայտագիրը՝ «Անխոնջօրէն խօսքով զբաղեցէք» բնաբանով, մեզի պիտի օգնէ որ անոնց ընտիր օրինակին հետեւինք։—Գործք 18։5, ՆԱ
Աստուծոյ խօսքին վերաբերեալ Դաւիթ թագաւոր ըսաւ. «Տէրոջը վկայութիւնը ճշմարիտ է, տգէտը իմաստուն կ’ընէ»։ (Սաղմ. 19։7) 2007–ի միօրեայ մասնաւոր համաժողովի յայտագիրը, որ բծախնդրաբար պատրաստուած է, հարցերը «շտկելու» մէջ Սուրբ Գրութիւններուն արժէքը պիտի ընդգծէ ու մեզ պիտի քաջալերէ որ քարոզչութեան մէջ Աստուծոյ Խօսքը գործածենք եւ ստիպողականութեան հոգիով ուսուցանենք։ (Բ. Տիմ. 3։16, 17) Նոր յայտագիրը ցոյց պիտի տայ թէ ի՛նչպէս կրնանք որոգայթներէ խուսափիլ եւ անձամբ օգտուիլ, Աստուածաշունչի սկզբունքները առօրեայ կեանքին մէջ կիրարկելով։ Անիկա նաեւ պիտի նշէ թէ Աստուծոյ Խօսքը ի՛նչպէս կրնանք գործածել պատանիներուն ու նորեկներուն օգնելու որ հոգեւորապէս յառաջդիմեն։
Ջանա՛ յայտագիրը չսկսած ներկայ գտնուիլ եւ ուշի–ուշով մտիկ ընել։ Նշումներ ըրէ այն կէտերուն վերաբերեալ, զորս կրնաս անձամբ կիրարկել։ Տրուած ցուցմունքներն ու յիշեցումները գնահատէ ու խորհրդածէ թէ ի՛նչպէս սորված բաներդ պիտի գործադրես։
Միօրեայ մասնաւոր համաժողովի յայտագիրը Աստուծոյ Խօսքին հանդէպ մեր գնահատութիւնը պիտի աւելցնէ, մեզի պիտի յիշեցնէ որ շարունակենք Թագաւորութեան բարի լուրը նախանձախնդրաբար քարոզել, եւ ցոյց պիտի տայ թէ ի՛նչպէս կրնանք ուրիշներուն օգնել նոյնը ընելու։ Ուստի վճռէ՝ այս կերպով Եհովայի հայթայթած հոգեւոր ուղղութենէն ու կրթութենէն լիովին օգտուիլ։—Եսայ. 30։20բ, 21