Նոյեմբերի ընթացքին Զարթի՛ր–ի մասնայատուկ թիւ մը պիտի բաշխենք

¹ Շատեր Աստուածաշունչի արժէքին նկատմամբ անկեղծ հարցումներ ունին։ Եթէ մարդիկ գրած են զայն, անիկա ի՞նչպէս կրնայ Աստուծոյ Խօսքը կոչուիլ։ Ի՞նչ պատճառներ կան որ իմ քայլերուս առաջնորդութիւնը անոր վստահիմ։ Եթէ Աստուածաշունչը կարդամ եւ ուսումնասիրեմ, ժամանակս ու ջանքս ի՞նչպէս պիտի վարձատրուին։ Աստուածաշունչի ո՞ր թարգմանութիւնը պէտք է գործածեմ։ Ասոնք կարգ մը հարցումներ են որոնց պատասխանները կը գտնուին Զարթի՛ր–ի Նոյեմբերի մասնայատուկ թիւին մէջ, որուն բնաբանն է՝ «Կրնա՞ս Աստուածաշունչին վստահիլ»։

² Պիտի փափաքինք Զարթի՛ր–ի այս մասնայատուկ թիւը մեր թաղամասին մէջ լայնօրէն բաշխել։ Եթէ կարելի է, Նոյեմբերի ընթացքին ամէն Շաբաթ օր ժողովքին հետ տունէ տուն ծառայութեան մասնակցէ։ Այս Զարթի՛ր–ը ցոյց տուր ազգականներուդ, դրացիներուդ, գործակիցներուդ, ուսուցիչներուդ, դպրոցակիցներուդ եւ վերայցելութիւններուդ։ Զայն հետդ ունեցիր երբ գնումի կ’երթաս կամ կը ճամբորդես։ Երէցները յաւելեալ օրինակներ ապսպրած են, որպէսզի ժողովքը բաւարար քանակ ունենայ։

³ Աստուածաշունչի ուսումնասիրութիւն մը սկսէ. Եթէ պարբերաթերթ մը տեղաւորես, խօսակցութիւնդ եզրափակելէ առաջ կրնաս Աստուածաշունչի ուսումնասիրութեան մը համար ճամբան հարթել։ Օրինակ, կրնաս ըսել. «Յաջորդ անգամ կը փափաքիմ քեզի ցոյց տալ թէ Աստուածաշունչը ի՛նչպէս կը պատասխանէ սա հարցումին՝ ‘Ի՞նչ է Աստուծոյ նպատակը երկրի համար’»։ Ապա վերադարձիր Աստուածաշունչը կը սորվեցնէ գիրքը հետդ տանելով, եւ տանտիրոջ ցոյց տուր էջ 4-5–ը, կամ նկատի առ 3–րդ գլուխին 1-3–րդ պարբերութիւնները։ Ուրիշ ընտրանք մըն է ըսել. «Յաջորդ անգամ կը փափաքիմ Աստուածաշունչի մարգարէութիւն մը նկատի առնել որ հիմա իսկ կը կատարուի»։ Երբ վերադառնաս, տանտիրոջ ցոյց տուր գրքին 9–րդ գլուխը եւ միասնաբար նկատի առ 1-3–րդ պարբերութիւնները։ Կամ թերեւս կրնաս տանտիրոջ պարզապէս ըսել. «Շատեր Աստուածաշունչէն իրենց կարդացածը հասկնալու դժուարութիւն ունին։ Յաջորդ անգամ կ’ուզեմ քեզի ցոյց տալ թէ ի՛նչպէս կրնաս Աստուածաշունչդ աւելի լաւ հասկնալ»։ Վերայցելութեան, Աստուածաշունչը կը սորվեցնէ գիրքը ներկայացուր եւ ուսումնասիրութիւն մը ցուցադրէ։

⁴ Միայն Աստուածաշունչը «սուրբ գրքերը» կը բովանդակէ, որոնք կրնան մեզ ‘իմաստուն ընել փրկուելու համար’։ (Բ. Տիմ. 3։15) Հետեւաբար, բոլորս ալ պիտի ուզենք այս մասնայատուկ Զարթի՛ր–ը նախանձախնդրաբար բաշխել, որպէսզի մարդոց օգնենք որ Աստուածաշունչին հանդէպ վստահութիւն կերտեն։