Աստուածաշունչի ուսումնասիրութիւն մը վարելը նպատակակէտ դիր

¹ «Աչքերնիդ վերցուցէ՛ք ու արտերուն նայեցէ՛ք։ Արդէն ճերմկած ու հնձուելու պատրաստ են»։ (Յովհ. 4։35) Յիսուս Քրիստոսի այս խօսքերը վստահաբար կը կիրարկուին Քրիստոնեայ քարոզիչներուն դիմագրաւած ներկայ պարագային։

² Տակաւին կը գտնենք Եհովայի ճամբաները սորվիլ փափաքող պարկեշտամիտ անհատներ։ Ասիկա բացայայտ է ամէն տարի՝ մկրտուող նոր աշակերտներու թիւէն։ Եթէ Աստուածաշունչի ուսումնասիրութիւն մը վարելով իրապէս հետաքրքրուած ես, ի՞նչ կրնաս ընել։

³ Նպատակակէտ դիր. Նպատակադրէ Աստուածաշունչի ուսումնասիրութիւն մը սկսիլ եւ վարել։ Մինչ դաշտի ծառայութեան կը մասնակցիս, նպատակակէտդ ի մտի ունեցիր։ Քանի որ մեր քրիստոնէական յանձնարարութիւնը քարոզչութեան կողքին ուսուցում ալ կը պարփակէ, բոլորս պէտք է ջանանք Աստուածաշունչի ուսումնասիրութեան գործունէութեան մէջ յաւելեալ բաժին բերել։—Մատթ. 24։14. 28։19, 20

⁴ Ի մտի ունենալիք այլ կէտեր. Թագաւորութեան հրատարակիչներուն համար սրտանց աղօթելը պայման է։ Երբեմն կը գտնենք անհատներ որոնք հոգեւոր օգնութեան համար աղօթած են։ Ի՜նչ օրհնութիւն է Եհովայի կողմէ գործածուիլ՝ այսպիսիներ գտնելու եւ ուսուցանելու համար։—Անգէ 2։7. Գործք 10։1, 2

⁵ Քոյր մը Աստուածաշունչի ուսումնասիրութեան համար աղօթք ըրաւ, ապա իր գործատեղիին մէջ Կը փափաքէի՞ք Աստուածաշունչին մասին աւելին գիտնալ թերթիկէն օրինակներ ցուցադրեց։ Երբ կին մը թերթիկը վերցուց, զայն ծայրէ ծայր կարդաց եւ սկսաւ կտրօնը լեցնել, քոյրը անոր հետ խօսեցաւ եւ կրցաւ Աստուածաշունչի ուսումնասիրութիւն մը սկսիլ։

⁶ Աստուածաշունչի ուսումնասիրութիւններ սկսելու եւ վարելու մէջ ատակ եղող հրատարակիչներ կրնան քեզի օգնել որ Աստուածաշունչի ուսումնասիրութիւն մը վարելու նպատակդ իրագործես։ Ջերմեռանդօրէն աղօթէ որ ուսումնասիրութիւն մը գտնես, եւ այս նպատակակէտին հասնելու համար մատչելի եղած օժանդակութենէն օգտուէ։ Թերեւս մօտ ատենէն Աստուածաշունչի ուսումնասիրութիւն մը վարելու ուրախութիւնը վայելես։