Մէկ նիւթ ներկայացուր, բայց երկու պարբերաթերթերը ձգէ

Մեր պարբերաթերթերէն իւրաքանչիւրը կ’ընդգրկէ զանազան հետաքրքրական նիւթեր։ Փոխանակ ջանալու որ իւրաքանչիւր դուռի առջեւ զանազան նիւթեր ներկայացնենք, ընդհանրապէս նախընտրելի է միայն մէկ նիւթ քննարկել։ Եթէ նկատառու ենք եւ պարբերաթերթերուն նիւթերուն ծանօթ՝ կրնանք Դիտարան–էն կամ Զարթի՛ր–էն ընտրել որեւէ նիւթ, որ տանտիրոջ պիտի հետաքրքրէ։ Օրինակ, եթէ խաղալիքներ տեսնենք տան մէջ կամ անոր շրջակայքը, կրնանք տանտիրոջ ուշադրութեան յանձնել ընտանեկան կեանքի շուրջ յօդուած մը։ Եթէ տղամարդ մը դուռը բանայ, թերեւս ընտրենք նիւթ մը որ կը հետաքրքրէ շատ մը տղամարդոց, ինչպէս՝ լաւ կառավարութիւն։ Թէեւ կրնանք միայն մէկ նիւթ քննարկել, սակայն սովորաբար պէտք է որ երկու պարբերաթերթերն ալ տանտիրոջ քով ձգենք, եթէ ան հետաքրքրութիւն ցուցաբերէ։