Կրնա՛ս Եհովայի բարեկամը ըլլալ

Եհովան կ’ուզէ որ զինք աւելի լաւ ճանչնաս։ Ինչո՞ւ։ Ան կը յուսայ որ երբ իր անձնաւորութեան, իր ճամբաներուն եւ իր նպատակին մասին աւելի գիտնաս, աւելի պիտի ուզես իր բարեկամը ըլլալ։ Իրապէս կրնա՞ս Աստուծոյ բարեկամը ըլլալ (կարդա՛ Սաղմոս 25։14)։ Ի՞նչ կրնաս ընել, որ իր բարեկամը ըլլաս։ Սուրբ Գիրքը այս հարցումներուն կը պատասխանէ եւ ցոյց կու տայ, թէ ինչո՛ւ Եհովայի հետ բարեկամութիւնը ամէնէն կարեւոր փոխյարաբերութիւնը կամ կապն է, որ կրնաս ունենալ։

1. Եհովան քեզի ի՞նչ հրաւէր կու տայ

«Աստուծոյ մօտեցէ՛ք ու անիկա ձեզի պիտի մօտենայ» (Յակոբոս 4։8)։ Ասիկա ի՞նչ կը նշանակէ։ Եհովան քեզ կը հրաւիրէ որ իր բարեկամը ըլլաս։ Ոմանց համար դժուար է երեւակայել, որ կրնան բարեկամ ըլլալ մէկու մը հետ, որ չեն տեսներ, ալ ո՛ւր մնաց Աստուծոյ հետ։ Սակայն իր Խօսքին՝ Սուրբ Գիրքին մէջ, Եհովան կը գիտցնէ իր անձնաւորութեան մասին մեզի պէտք եղած ամէն բան, որպէսզի կարենանք իրեն մօտենալ։ Երբ Սուրբ Գիրքին մէջ կը կարդանք մեզի ուղղուած Աստուծոյ պատգամը, իրեն հետ մեր բարեկամութիւնը կը զօրանայ, թէեւ զինք բնաւ չենք տեսած։

2. Ինչո՞ւ Եհովան ամենալաւ Բարեկամն է, որ կրնաս ունենալ

Ո՛չ մէկը քեզ կը սիրէ Եհովա Աստուծմէ աւելի։ Ան կ’ուզէ որ ուրախ ըլլաս եւ իրեն դիմես որեւէ ատեն, երբ օգնութեան պէտք ունենաս։ Կրնաս ‘ամէն հոգդ անոր վրայ ձգել, վասն զի անիկա քեզի համար կը հոգայ’ (Ա. Պետրոս 5։7)։ Եհովան միշտ պատրաստ է իր բարեկամներուն օգնելու, մտիկ ընելու եւ զիրենք մխիթարելու (կարդա՛ Սաղմոս 94։18, 19)։

3. Եհովան իր բարեկամներէն ի՞նչ կը սպասէ

Եհովան մարդիկը կը սիրէ, բայց «անոր մտերմութիւնը արդարներուն հետ է» (Առակաց 3։32)։ Ան իր բարեկամներէն կը սպասէ, որ ջանք թափեն որ ընեն այն բաները, որոնք լաւ կը նկատէ, եւ չընեն այն բաները, որոնք գէշ կը նկատէ։ Ոմանք կը խորհին թէ բնա՛ւ չեն կրնար Եհովայի չափանիշներուն,– ճիշդ եւ սխալ վարուելակերպի մասին իր դրած օրէնքներուն,– համաձայն ապրիլ։ Սակայն Եհովան մե՜ծ սիրտ ունի եւ կ’ողորմի։ Ան կ’ընդունի ոեւէ անհատ, որ զինք իրապէս կը սիրէ եւ իր լաւագոյնը կ’ընէ Զինք հաճեցնելու (Սաղմոս 147։11. Գործք 10։34, 35)։

ԱՒԵԼԻ՛ ՊՐՊՏԷ

4. Աբրահամ Եհովայի բարեկամն էր

Ինչ որ Սուրբ Գիրքը կը պատմէ Աբրահամին մասին (նաեւ կը կոչուի՝ Աբրամ), մեզի գաղափար մը կու տայ, թէ ի՛նչ կը նշանակէ Աստուծոյ բարեկամը ըլլալ։ Աբրահամին մասին կարդացէ՛ք Ծննդոց 12։1-4–ին մէջ։ Ետքը, քննարկեցէ՛ք այս հարցումները.

• Եհովան Աբրահամէն խնդրեց, որ ի՞նչ ընէ։

• Եհովան անոր ի՞նչ խոստացաւ։

• Աբրահամ ի՞նչ ըրաւ։

5. Եհովան իր բարեկամներէն ի՞նչ կը խնդրէ

Մենք սովորաբար մեր բարեկամներէն որոշ բաներ կը սպասենք։

• Ինչպէ՞ս կ’ուզես որ բարեկամներդ քեզի հետ վարուին։

Կարդացէ՛ք Ա. Յովհաննէս 5։3 եւ քննարկեցէ՛ք այս հարցումը.

• Եհովան իր բարեկամներէն ի՞նչ կը սպասէ։

Եհովային հնազանդելու համար, թերեւս պէտք ըլլայ որ մեր վարքին կամ անձնաւորութեան մէջ փոփոխութիւններ մտցնենք։ Կարդացէ՛ք Եսայի 48։17, 18 եւ քննարկեցէ՛ք այս հարցումը.

• Եհովան ինչո՞ւ իր բարեկամներէն կը խնդրէ, որ կարգ մը փոփոխութիւններ ընեն։

6. Եհովան իր բարեկամներուն օգնելու համար ի՞նչ կ’ընէ

ՎԻՏԷՕ. Եհովան ինծի համար շատ բաներ ըրած է (3։20)

• Եհովան վիտէոյին մէջի կնոջ ինչպէ՞ս օգնեց, որ իր ժխտական մտածելակերպին եւ զգացումներուն հետ գլուխ ելլէ։

Կարդացէ՛ք Եսայի 41։10, 13 եւ քննարկեցէ՛ք այս հարցումները.

• Եհովան կը խոստանայ ի՞նչ ընել իր բոլոր բարեկամներուն համար։

• Քու կարծիքովդ, Եհովան կրնա՞յ լաւ Բարեկամ ըլլալ։ Ինչո՞ւ։

7. Եհովայի բարեկամը ըլլալու համար պէտք է իրեն խօսիս եւ մտիկ ընես

Բարեկամները իրարու հետ կը մտերմանան, երբ կը խօսակցին։ Կարդացէ՛ք Սաղմոս 86։6, 11 եւ քննարկեցէ՛ք այս հարցումները.

• Ինչպէ՞ս կրնանք Եհովային խօսիլ։

• Եհովան ինչպէ՞ս մեզի կը խօսի։

ԱՄՓՈՓՈՒՄ

Եհովան կ’ուզէ Բարեկամդ ըլլալ եւ քեզի պիտի օգնէ որ իրեն մօտենաս։

Վերաքաղ

• Եհովան ինչպէ՞ս իր բարեկամներուն կ’օգնէ։

• Եհովան ինչո՞ւ իր բարեկամներէն կը խնդրէ, որ փոփոխութիւններ ընեն։

• Կը կարծե՞ս թէ շատ դժուար է Եհովայի բարեկամը ըլլալ։ Ինչո՞ւ այդպէս կ’ըսես։

ԱՒԵԼԻ՛Ն ԳԻՏՑԻՐ

Աստուծոյ հետ բարեկամութիւնը ինչպէ՞ս կրնայ կեանքիդ ազդել։

«Եհովա Աստուած ճանչնալով պիտի օգտուիս» (յօդուած՝ Դիտարան–ին մէջ)

Տե՛ս թէ ինչպէ՛ս կրնաս Աստուծոյ հետ բարեկամութիւնդ զօրացնել։

«Ինչպէ՞ս կրնամ Աստուծոյ բարեկամը ըլլալ» (Պատանիները կը հարցնեն. գործնական պատասխաններ, հատոր Բ., գլուխ 35, արաբ.)

Նկատի առ թէ կին մը ինչո՛ւ կը զգայ, թէ Եհովայի հետ իր բարեկամութիւնը իր կեանքը փրկած է։

«Չուզեցի մեռնիլ» (Դիտարան 2017–ի թիւ 1)

Պատանիներ Եհովայի հանդէպ իրենց զգացումները կը պատմեն։ Մտիկ ըրէ թէ ի՛նչ կ’ըսեն։

Ի՞նչ ըսել է Աստուծոյ բարեկամը ըլլալ (1։46)

6. Մկրտուելով՝ Եհովայի ընտանիքին մէկ մասը կ’ըլլանք

Երբ մկրտուինք, միացած եւ համաշխարհային ընտանիքի մը մէկ մասը կ’ըլլանք։ Թէեւ տարբեր տեղերէ եւ ենթահողերէ կու գանք, բոլորս նոյն բաներուն կը հաւատանք եւ նոյն բարոյական օրէնքներուն համաձայն կ’ապրինք։ Կարդացէ՛ք Սաղմոս 25։14 եւ Ա. Պետրոս 2։17 ու քննարկեցէ՛ք այս հարցումը.

• Երբ անհատը կը մկրտուի, ինչպիսի՞ փոխյարաբերութիւն կ’ունենայ Եհովայի եւ զինք պաշտողներուն հետ։

2. Ինչպէ՞ս կրնանք հիմա իմաստալից կեանք ունենալ

Եհովան մեզ ստեղծած է հոգեւոր պէտքով, այսինքն՝ զինք ճանչնալու եւ պաշտելու փափաքով (կարդա՛ Մատթէոս 5։3-6)։ Ան կ’ուզէ որ իրեն հետ մտերիմ բարեկամութիւն ունենանք, ‘իր ճամբաներուն մէջ քալենք, զինք սիրենք’ եւ ‘մեր բոլոր սրտով’ իրեն ծառայենք (Բ. Օրինաց 10։12. Սաղմոս 25։14)։ Եթէ այդպէս ընենք, կրնանք իրապէս ուրախ ըլլալ, թէեւ խնդիրներ ունինք։ Եհովան պաշտելը մեր կեանքին իմաստ ու նպատակ կու տայ։