• Սուտ կրօնքները ինչպէ՞ս մարդիկը Աստուծմէ կը հեռացնեն
    Կեանքը վայելէ յաւիտեա՛ն. Սուրբ Գիրքի դասընթացք

    • 2. Սուտ կրօնքները ինչպէ՞ս մարդիկը Աստուծմէ կը հեռացնեն իրենց ըրածներով

      Սուտ կրօնքները մարդոց հետ չեն վարուիր ինչպէս Եհովան կը վարուի։ Սուրբ Գիրքը կ’ըսէ որ սուտ կրօնքներուն ‘մեղքերը մինչեւ երկինք հասած են’ (Յայտնութիւն 18։5)։ Հարիւրաւոր տարիներէ ի վեր, կրօնքները քաղաքական հարցերու խառնուած են, պատերազմներու մէջ դեր ունեցած են եւ պատճառ եղած են կամ համաձայնած են, որ մեծ թիւով մարդիկ մեռցուին։ Կարգ մը կրօնական առաջնորդներ իրենց հետեւորդներուն հաշւոյն մեծահարուստի կեանք կ’ապրին։ Իրենց այս ըրածներէն յայտնի կ’ըլլայ, որ նոյնիսկ Աստուած չեն ճանչնար. ուրեմն իրաւունք չունին զինք ներկայացնելու (կարդա՛ Ա. Յովհաննէս 4։8)։

  • Եհովային հաւատարիմ մնա՛
    Կեանքը վայելէ յաւիտեա՛ն. Սուրբ Գիրքի դասընթացք

    • Դիտեցէ՛ք ՎԻՏԷՈՆ։

      ՎԻՏԷՕ. Մեծ Բաբելոնէն դուրս եկէ՛ք (5։06)

      Տեսարան մը՝ «Մեծ Բաբելոնէն դուրս եկէ՛ք» վիտէոյէն։ Աստուածաշունչը սերտող մը եկեղեցիին մէջ իր գործը ձգելով՝ քահանայի մը գրասենեակէն կը հեռանայ։

      Կարդացէ՛ք Ղուկաս 4։8 եւ Յայտնութիւն 18։4, 5 ու քննարկեցէ՛ք այս հարցումները.

      • Սուտ կրօնքին հետ ունեցած բոլոր կապերս կտրա՞ծ եմ։

      • Կը պատկանի՞մ կազմակերպութեան մը, որ սուտ կրօնքին հետ կապ ունի։

      • Գործովս՝ որեւէ կերպով սուտ կրօնքին թիկունք կը կանգնի՞մ։

      • Կեանքիս մէջ տակաւին բան մը կա՞յ որ կ’ընեմ, որ սուտ կրօնքին հետ կապ ունի։

      • Եթէ այս հարցումներէն որեւէ մէկուն «այո» պատասխանեցի, ի՞նչ փոփոխութիւններ պէտք է ընեմ։

      Բոլոր պարագաներուն, որոշում մը առ, որ խիղճդ մաքուր կը ձգէ եւ ցոյց կու տայ որ Եհովային հաւատարիմ ես։

      Քոյր մը եւ իր տղան հանրախանութէ մը դուրս կ’ելլեն։ Անոնք կնոջ մը քովէն կ’անցնին, որ կրօնական հաստատութեան մը համար նուիրատուութիւններ կը հաւաքէ։

      Ի՞նչ պիտի ընես, եթէ քեզմէ խնդրուի կրօնական հաստատութեան մը նուիրատուութիւն ընել

      ՈՄԱՆՔ Կ’ԸՍԵՆ. «Պէ՛տք է գիտնամ որ հաւատուրացները Եհովայի վկաներուն մասին ի՛նչ կ’ըսեն, որպէսզի ճշմարտութիւնը պաշտպանեմ»։