Ներկայացումի նմոյշներ
Դիտարան 1 սեպտեմբեր
«Երբեք հարց տուա՞ծ էք թէ Եհովայի վկաներ անունը ուրկէ՛ եկած է։ [Թոյլ տուր որ պատասխանէ։] Պատասխանը կը գտնենք Աստուածաշունչին մէջ, ուր Աստուած իր անունը կը յայտնէ։ [Կարդա՛ Սաղմոս 83։18։] Եհովա Աստուծոյ վկաները ըլլալով, մենք մարդոց կը յայտնենք Աստուծոյ մասին ուրախ լուրեր եւ մարդկութեան նկատմամբ անոր նպատակը։ Դիտարան–ի այս թիւը մեր մասին շատ մը սխալ կարծիքներ կը ճշդէ»։
Զարթի՛ր սեպտեմբեր
«Մարդոց մեծամասնութիւնը կը համաձայնի թէ ապրելու համար դրամի պէտք ունինք։ Բայց չէ՞ք կարծեր թէ դրամին գերի դառնալը վտանգաւոր է։ [Թոյլ տուր որ պատասխանէ։] Նկատեցէք թէ Աստուածաշունչը ի՛նչ զգուշացում կու տայ։ [Կարդա՛ Ա. Տիմոթէոս 6։9։] Այս պարբերաթերթը կը բացատրէ, թէ դրամի նկատմամբ ինչպէ՛ս կրնանք հաւասարակշռուած տեսակէտ զարգացնել»։