LIBRARI ONLINE Watchtower
Watchtower
LIBRARI ONLINE
Iban
  • BUP KUDUS
  • LITARICHA
  • GEMPURU
Litaricha Iban (1993-2025)
Log Out
Log In
LIBRARI ONLINE Watchtower
Watchtower
LIBRARI ONLINE
Selamat Datai.
Tu perengka kena mansik litaricha ke dikeluarka Saksi-Saksi Jehovah dalam mayuh bengkah bansa jaku.
Kena download litaricha, lawa meh jw.org.
Jaku Gerah
Bisi bansa jaku baru: Mbum
  • Seharitu

Hari Dua, 29 Julai

Aku gaga ati ke nuan.—Luk. 3:22.

Bup Kudus madahka: ‘Jehovah gaga ati ke nembiak Iya.’ (Mas. 149:4) Endaka jaku tu ngelantangka ati kitai? Tang kekadang, bisi sekeda bala menyadi ke berasai kakang ati. Sida engka berunding, ‘Kati Jehovah lantang ati enggau aku?’ Kebendar iya, mayuh ari nembiak Jehovah ke tetap ati kelia menya kala ngembuan runding ti sama. (1 Sam. 1:​6-10; Jop 29:​2, 4; Mas. 51:11)Bup Kudus enggau terang nunjukka, mensia ti enda sempurna ulih ngagaka ati Jehovah. Baka ni? Kitai patut arapka Jesus Kristus sereta dibaptisa. (Jhn. 3:16) Enggau nya, kitai nunjuk ngagai orang bukai, kitai udah nesal ati ke dosa kitai sereta udah ngaga semaya deka ngereja peneka Petara. (SKR. 2:38; 3:19) Lebuh kitai ngereja semua utai nya ngambika ulih ngembuan kaul ti rapat enggau Iya, Jehovah berasai amat gaga ati. Enti kitai enggau bebendar ngamatka semaya kitai ke deka nyembah Iya, Jehovah deka lantang ati enggau kitai lalu ngumbai kitai kaban rapat Iya.—Mas. 25:14. w24.03 26 ¶1-2

Meresa Ayat Bup Kudus Ninting Hari—2025

Hari Tiga, 30 Julai

Kami enda ulih ngetu bejaku pasal utai ke udah dipeda sereta didinga kami.—SKR. 4:20.

Kitai ulih neladan bala murid Jesus. Kitai deka terus nginjil taja pan piak perintah ngasuh kitai badu agi nginjil. Kitai ulih andal Jehovah deka nulung kitai nembuka pengawa nginjil kitai. Kitai ulih besampi minta pemerani sereta penemu-dalam. Minta tulung ari Jehovah kena tan taja pan napi penanggul. Mayuh ari kitai merinsa ketegal bisi penyakit tauka napi penanggul ba emosi, lenyau orang ke dikesayau, penanggul ba diri sebilik, diperinsa, tauka penanggul ke bukai. Lalu utai baka pandemik enggau perang udah ngasuh kitai tusah agi tan napi penanggul nya. Padahka enggau nyemetak ngagai Jehovah pasal asai ati nuan. Padah ngagai Iya pasal situasi nuan sama baka chara nuan bejaku enggau siku kaban ti rapat. Lalu pechaya meh, Jehovah “deka nulung nuan.”(Mas. 37:​3, 5) Majak besampi ulih nulung kitai ‘betan lebuh napi penusah.’ (Rom. 12:12) Jehovah nemu utai ke benung ditapi bala penyembah Iya. Bup Kudus madahka: “Iya ninga sabak sida.”—Mas. 145:​18, 19. w23.05 5-6 ¶12-15

Meresa Ayat Bup Kudus Ninting Hari—2025

Hari Empat, 31 Julai

Terus meh nentuka utai ti ngelantangka ati Tuan.—Eps. 5:10.

Lebuh kitai patut ngaga pemutus ti penting, kitai patut “meretika peneka Jehovah” lalu ngereja utai sejalai enggau nya. (Eps. 5: 17) Lebuh kitai ngiga prinsip Bup Kudus ti ngena enggau situasi kitai, kitai kebendar iya benung ngiga runding Petara pasal pekara nya. Udah nya, seraya kitai nitihka prinsip Iya, kitai ulih ngaga pemutus ti manah. Munsuh kitai, Sitan, dekaka kitai kisuk enggau utai ba dunya tu nyentukka kitai nadai awak nyembah Petara. (1 Jhn. 5:19) Siku orang Kristian engka berengkah ngenuluka duit, pelajar, tauka kereja sekular, ari ke befokus ba peluang gawa ke Jehovah. Lalu enti iya ngereja nya, tu nunjukka iya berengkah berunding baka orang ba dunya tu. Endang amat, duit, pelajar, tauka kereja sekular nya enda salah, tang kitai enda patut nejuka utai tu nyadi utai ti pemadu penting ba pengidup kitai. w24.03 24 ¶16-17

Meresa Ayat Bup Kudus Ninting Hari—2025
Selamat Datai.
Tu perengka kena mansik litaricha ke dikeluarka Saksi-Saksi Jehovah dalam mayuh bengkah bansa jaku.
Kena download litaricha, lawa meh jw.org.
  • Iban
  • Kunsi
  • Pilih
  • Copyright © 2025 Watch Tower Bible and Tract Society of Pennsylvania
  • Syarat Ngena
  • Polisi Penerang Diri
  • Setting Privasi
  • JW.ORG
  • Log In
Kunsi