14 Ndị Izrel jeere Eglọn eze Moab ozi ruo afọ iri na asatọ.+

6 Ma ndị Izrel malitekwara ime ihe dị njọ n’anya Jehova.+ Jehova wee nyefee ha n’aka ndị Midian ruo afọ asaa.+ 2 Ndị Midian mesiri ndị Izrel ike.+ N’ihi ndị Midian, ndị Izrel gara n’ugwu, n’ọgba, nakwa n’ebe ndị siri ike mbanye rụọ ebe ha ga na-ezo.*+ 3 Ọ bụrụ na ndị Izrel aghaa mkpụrụ, ndị Midian na ndị Amalek+ na ndị si n’Ebe Ọwụwa Anyanwụ+ na-abịa lụso ha agha. 4 Ha na-ama ụlọikwuu ka ha lụso ndị Izrel agha. Ha na-ebibi ihe ala ha mepụtara ruo na Gaza. Ha anaghịkwa ahapụrụ ndị Izrel ihe oriri ọ bụla ma ọ bụ atụrụ ma ọ bụ ehi ma ọ bụ jakị.+ 5 N’ihi na ha na-achịrị anụ ụlọ ha, burukwa ụlọikwuu ha bịa n’ìgwè ka igurube.+ E nweghị ike ịgụta ha na kamel ha ọnụ,+ ha na-abatakwa n’ala ahụ ka ha bibie ya.

27 N’ihi ya, i nyefere ha n’aka ndị iro ha,+ bụ́ ndị nọ na-emesi ha ike.+ Ma ha na-akpọku gị n’oge ha na-ata ahụhụ, gị anọrọ n’eluigwe nụ. Ị na-enye ha ndị ga-azọpụta ha n’aka ndị iro ha n’ihi ebere gị nke dị ukwuu.+