Abụ Ọma
Maka onye na-eduzi abụ. Abụ ohu Jehova bụ́ Devid bụkuru Jehova. Ọ bụrụ abụ a n’ụbọchị Jehova napụtara ya n’aka ndị iro ya niile nakwa n’aka Sọl. Ọ sịrị:+
18 Jehova, m hụrụ gị n’anya. Ị bụ ike m.+
2 Jehova bụ nkume m dị elu na ebe m a rụsiri ike na Onye na-anapụta m.+
Chineke m bụ oké nkume m.+ M na-agbaba n’ime ya.
Ọ bụ ọta m na mpi* nke na-azọpụta m.* Ọ bụ ebe m na-agbaba, aka aghara ịkpa m.+
3 M na-akpọku Jehova, onye e kwesịrị ịna-eto.
Ọ ga-anapụta m n’aka ndị iro m.+
4 Ọnwụ kere m ụdọ gburugburu.+
Ndị na-abaghị uru, bụ́ ndị yiri nnukwu idei mmiri, menyere m ụjọ.+
Ọnwụ siri ọnyà n’ihu m.+
6 N’oge m na-ata ahụhụ, m kpọrọ Jehova ka o nyere m aka,
M nọ na-ebesara Chineke m ákwá ka o nyere m aka.
7 Ụwa wee malite ịṅagharị na ịma jijiji.+
Ntọala ugwu dị iche iche mara jijiji,
Ṅagharịakwa n’ihi na a kpasuola Chineke iwe.+
Icheku ọkụ na-eke ọkụ n’ihu ya.
10 Ọ nọ n’elu cherob, fere efe bịa.+
Ọ nọ n’elu nku otu mmụọ ozi, fere ọsọ fedata.+
11 O jizi ọchịchịrị kpuchie onwe ya,+
Jirikwa mmiri rujuru n’ígwé
Kpuchie onwe ya otú ụlọikwuu si ekpuchi mmadụ.+
12 Akụ́ mmiri ígwé na icheku ọkụ
Si n’ìhè nke na-enwu n’ihu ya na-adapụtasị n’ígwé ojii.
13 Jehova wee nọrọ n’eluigwe malite ibigbọ.+
Onye Kacha Elu mere ka a nụ olu ya,+
Akụ́ mmiri ígwé na icheku ọkụ ana-adasịkwa.
14 Ọ gbapụrụ akụ́ ya wee chụsasịa ndị iro ya.+
O mekwara ka àmụ̀mà gbuo, ha agharazie ịma ihe ha ga-eme eme.+
16 O si n’elu matịa aka ya.
O jidere m aka dọpụta m na mmiri miri emi.+
19 Ọ kpọpụtara m kpọba m ebe ihe ọ bụla na-agaghị eme m.*
Ọ napụtara m n’ihi na ihe m masịrị ya.+
20 Jehova na-akwụ m ụgwọ maka na m bụ onye ezi omume.+
Ọ na-akwụ m ụgwọ maka na aka m dị ọcha.+
21 M na-eme ihe dị Jehova mma,
Ahapụghịkwa m Chineke m, nke bụ́ ihe ọjọọ.
22 M na-echeta ihe niile o kpebiri,
Agaghị m eleda ntụziaka ya anya.
25 Ị naghị ahapụ onye jisiri gị aka ike.+
Ị na-egosi onye na-enweghị ihe a ga-eji taa ya ụta na ị bụ onye na-enweghị ihe a ga-eji taa ya ụta.+
26 Ị na-egosi onye na-akwụwa aka ọtọ na ị na-akwụwa aka ọtọ,+
Ma ị ga-egosi onye dị aghụghọ na ị ma ihe.+
27 Ị na-azọpụta ndị ọ na-enweghị ka ọ hà ha.*+
Ma ị na-eweda ndị dị mpako ala.+
29 M ga-alụsoli ìgwè ọ lụọ ọ gbalaga ọgụ maka na ị na-enyere m aka.+
M ga-awụfeli mgbidi n’ihi ike Chineke na-enye m.+
30 Ihe ezi Chineke na-eme zuru okè.+
Chineke bụụrụ ndị niile na-agbaba n’ime ya ọta.+
31 N’ihi na ònye bụ Chineke ma e wepụ Jehova?+
Ònyekwa bụ oké nkume ma e wepụ Chineke anyị?+
33 Ọ na-eme ka ụkwụ m na-awụ ọsọ ka ụkwụ mgbada.
Ọ na-eme ka m guzoro n’ebe dị ezigbote elu.+
34 Ọ na-akụziri m* otú e si alụ agha.
Aka m na-ekweli ụta ọla kọpa.
35 Ị na-enye m ọta gị nke na-azọpụta m.+
Aka gị siri ike* na-akwado m.
Otú i si dị umeala n’obi na-eme ka m bụrụ nnukwu mmadụ.+
36 Ị na-eme ka ụzọ ụkwụ m na-aga saa mbara.
37 M ga-achụ ndị iro m ọsọ chụkwuru ha.
Agaghị m alaghachi azụ ruo mgbe m kpochapụrụ ha.
38 M ga-egweri ha ka ha ghara inwe ike ibili.+
Ha ga-ada, mụ azọkwasị ha ụkwụ.
39 Ị ga-enye m ike m ga-eji alụ agha.
Ị ga-eme ka ndị iro m daa n’ihu m.+
40 Ị ga-eme ka ndị iro m gbaghachi azụ n’ihi m.
M ga-ebibikwa ndị kpọrọ m asị.+
41 Ha na-ebe ákwá ka e nyere ha aka, ma e nweghị onye na-azọpụta ha.
Ha na-ebesadịrị Jehova ákwá, ma ọ naghị atụpụrụ ha ọnụ.
42 M ga-asụri ha ka ha dị ka uzuzu nke ifufe na-ebu.
M ga-awụpụ ha otú e si awụpụ apịtị n’okporo ámá.
43 Ị ga-anapụta m n’aka ndị na-akatọ m.+
Ị ga-eme m onyeisi mba dị iche iche.+
Ndị m na-amaghị ga-ejere m ozi.+
44 Naanị akụkọ ha nụrụ ga-eme ka ha rubere m isi.
Ndị mba ọzọ ga-abịa, jiri ụjọ na-akpọrọ m isiala.+
Ha ga-amara jijiji si n’ebe ha a rụsiri ike na-apụta.
46 Jehova dị ndụ. Ka e too Oké Nkume m.+
Ka a jaa Chineke m mma, bụ́ onye na-azọpụta m.+
47 Ezi Chineke na-abọrọ m ọbọ.+
Ọ na-eme ka ndị dị iche iche nọrọ n’okpuru m.
48 Ọ na-anapụta m n’aka ndị iro m iwe ji.
Chineke, ị na-ebugo m ebe aka ndị na-achọ imesi m ike na-agaghị eru.+
Ị na-anapụta m n’aka onye chọrọ imerụ m ahụ́.
49 Jehova, ọ bụ ya mere m ga-eji nọrọ ná mba dị iche iche too gị.+
M ga-abụkwa abụ iji too aha gị.+