EPREL 1-7
ABỤ ỌMA 23-25
Abụ nke 4 na Ekpere | Okwu Mmeghe (1 nkeji)
1. “Jehova Bụ Onye Na-azụ M Dị Ka Atụrụ”
(Nkeji 10)
Jehova na-edu anyị (Ọma 23:1-3; w11 5/1 31 ¶3)
Jehova na-echebe anyị (Ọma 23:4; w11 5/1 31 ¶4)
Jehova na-enye anyị nri (Ọma 23:5; w11 5/1 31 ¶5)
Jehova na-elekọta ndị na-efe ya otú ahụ onye ọzụzụ atụrụ hụrụ atụrụ ya n’anya si elekọta ha.
JỤỌ ONWE GỊ, SỊ: ‘Olee otú Jehova sirila lekọta mụnwa?’
2. Ihe Anyị Mụtara n’Okwu Chineke
(Nkeji 10)
Ọma 23:3—Olee ihe bụ́ ‘ụzọ ziri ezi,’ oleekwa ihe ga-enyere anyị aka ka anyị ghara ịhapụ ya? (w11 2/15 24 ¶1-3)
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Ọma 23:1–24:10 (th ihe ọmụmụ nke 5)
4. Ịmalite Mkparịta Ụka
(Nkeji 3) ỊGBA ÀMÀ N’OGE A NA-ANỌGHỊ N’OZI. Gụọrọ otu onye gwara gị na otú e si emebisị ụwa anyị a na-ewute ya otu amaokwu Baịbụl ga-agba ya ume. (lmd isi nke 2 nọmba nke 5)
5. N’Oge Ọzọ
(Nkeji 4) OZI ỤLỌ N’ỤLỌ. Gosi onye natara broshọ Na-enwe Obi Ụtọ Ruo Mgbe Ebighị Ebi otú anyị na ndị mmadụ si eji ya amụ Baịbụl. (lmd isi nke 9 nọmba nke 3)
6. Ime Ka Ha Bụrụ Ndị Na-eso Ụzọ Jizọs
(Nkeji 5) lff isi nke 14 nọmba nke 4 (lmd isi nke 11 nọmba nke 3)
Abụ nke 54
7. Anyị Anaghị Ege Ndị Anyị Na-amaghị Olu Ha Ntị
(Nkeji 15) Okwu ndị na-ege ntị ga-etinyetụ ọnụ.
Atụrụ nkịtị na-amata olu onye na-azụ ya, na-esokwa ya. Ma, ha na-agbara onye ha na-amaghị ọsọ maka na ha amaghị olu ya. (Jọn 10:5) Anyị na-ege ntị n’olu Jehova na Jizọs bụ́ ndị anyị tụkwasịrị obi, ndị hụkwara anyị n’anya ma na-azụ anyị ka atụrụ. (Ọma 23:1; Jọn 10:11) Ma anyị anaghị ege ndị anyị na-amaghị olu ha ntị, bụ́ ndị na-eji “ụgha” agbalị ime ka okwukwe anyị gharazie isi ike.—2 Pita 2:1, 3.
Jenesis isi nke atọ mere ka anyị mata oge mbụ a nụrụ olu onye a na-amaghị onye ọ bụ n’ụwa. Setan ji aghụghọ gakwuru Iv otú Iv na-agaghị amata onye ọ bụ n’eziokwu. O mere ka à ga-asị na ọ hụrụ Iv n’anya, ya arọgharịa ihe Jehova kwuru, kwuokwa na Jehova eburughị Iv ihe ọma n’obi. Ọ dị mwute na Iv gere ya ntị, kpataziere ya na ezinụlọ ya nnukwute nsogbu.
Taa, Setan na-agbalị ime ka anyị nwewe obi abụọ gbasara Jehova na nzukọ ya. Otú o si eme ya bụ ịkọsa akụkọ ndị na-adịghị mma, akụkọ ndị e tinyere nnu na ose, na akụkọ ndị bụ́ okpookpo ụgha. Anyị nụ olu onye anyị na-amaghị, anyị kwesịrị iri mbọmbọ. Ige onye ahụ ntị, ọ bụrụgodị obere oge, maka na anyị chọrọ ịnụ ihe ọ ga-ekwu, nwere ike ịkpatara anyị nsogbu. Okwu ole ka Setan kwuru tupu ya eduhie Iv mgbe ha nọ na-akparịta ụka? (Jen. 3:1, 4, 5) Ma, gịnị ka anyị ga-eme ma ọ bụrụ na onye hụrụ anyị n’anya anyị ma ama eburu ihe ọma n’obi na-achọ ịkọrọ anyị ihe na-adịghị mma gbasara nzukọ Jehova?
Kpọnye VIDIO bụ́ Ka Anyị Ghara Ige ‘Ndị Anyị Na-amaghị Olu Ha’ Ntị. Jụzie ụmụnna ajụjụ a:
Gịnị ka ị mụtara n’ihe Joy mere mgbe mama ya chọrọ igosi ya akụkọ ndị na-adịghị mma gbasara nzukọ Jehova?
8. Ọmụmụ Baịbụl Ọgbakọ
(Nkeji 30) rr nkebi nke 3, isi nke 8 ¶1-7 na vidio kọwara isiokwu a na-amụ