SEPTEMBA 16-22

AKỤ̀ NDỊ SI N’OKWU CHINEKE

Ebe Eze Devid ji obi ya niile na-ekpe ekpere.

1. Ekpere Na-enyere Anyị Aka Ịtachi Obi

(Nkeji 10)

Rịọ Jehova ka o mee ka ị na-enwe ọṅụ (Ọma 86:4)

Rịọ Jehova ka o nyere gị aka ịna-erubere ya isi (Ọma 86:11, 12; w12 5/15 25 ¶10)

Ka obi sie gị ike na Jehova ga-aza ekpere gị (Ọma 86:6, 7; w23.05 13 ¶17-18)

JỤỌ ONWE GỊ, SỊ: ‘Ọnwụnwa bịara m, m̀ na-ekpechikwu ekpere anya ma na-ekpete ya aka?’—Ọma 86:3.

2. Ihe Anyị Mụtara n’Okwu Chineke

(Nkeji 10)

Ọma 86:11—Gịnị ka ekpere Devid na-akụziri anyị banyere obi mmadụ? (it-1 1058 ¶5)

Azịza gị
Gịnị ka ị mụtara n’ọgụgụ Baịbụl nke izu a ị ga-achọ ịkọ?

Azịza gị

3. Ọgụgụ Baịbụl

(Nkeji 4) Ọma 86:1–87:7 (th ihe ọmụmụ nke 12)

MỤTAKWUO IZI OZI ỌMA NKE ỌMA

4. Ịmalite Mkparịta Ụka

(Nkeji 3) ỊGBA ÀMÀ N’OGE A NA-ANỌGHỊ N’OZI. Gwa ya otú anyị na ndị mmadụ si amụ Baịbụl nakwa na ị chọrọ ka gị na ya mụwa Baịbụl. (lmd isi nke 3 nọmba nke 5)

5. N’Oge Ọzọ

(Nkeji 4) ỊGBA ÀMÀ N’OGE A NA-ANỌGHỊ N’OZI. Gwa onye sịburu gị na ihe ndị na-eme n’ụwa na-echu ya ụra ka gị na ya mụwa Baịbụl. (lmd isi nke 7 nọmba nke 4)

6. Ime Ka Ha Bụrụ Ndị Na-eso Ụzọ Jizọs

(Nkeji 5) lff isi nke 15 nọmba nke 5. Gị na onye ị na-amụrụ Baịbụl kwurịta ndokwa i mere ka ọ mụọ ihe mgbe ị na-agaghị anọ ya n’izu ọzọ. (lmd isi nke 10 nọmba nke 4)

OTÚ NDỊ KRAỊST SI EBI NDỤ

7. Ike Agwụla Gị

(Nkeji 5) Okwu ndị na-ege ntị ga-etinyetụ ọnụ.

Kpọnye VIDIO. Jụzie ụmụnna ajụjụ ndị a:

Olee ihe ndị nwere ike ime mgbe ụfọdụ ka ike ịga ozi ọma chọwa ịgwụ anyị?

Azịza gị
Gịnị mere na anyị ekwesịghị ikwe ka ike gwụ anyị?

Azịza gị

8. Nọgide Na-agwa Ndị Mmadụ Ka Gị na Ha Mụwa Baịbụl

(Nkeji 10) Okwu ndị na-ege ntị ga-etinyetụ ọnụ.

Ebe otu nwanna nwaanyị na-ezi otu nwaanyị ozi ọma n’ebe a na-abanye n’ụgbọala.

Ebe otu di na nwunye kwụ n’akụkụ ihe a na-akwagharị akwagharị nke ha ji na-akọsa banyere “Baịbụl Anyị Na-amụrụ Ndị Mmadụ n’Anaghị Ha Ego.” Otu nwaanyị nke na-agafe ebe ahụ lere anya n’ihe ahụ a na-akwagharị akwagharị.

Ebe otu di na nwunye gara ozi ọma ụlọ n’ụlọ. Ha na-enye otu nwoke broshọ “Na-enwe Obi Ụtọ Ruo Mgbe Ebighị Ebi.”

Ị̀ malitela iji broshọ Na-enwe Obi Ụtọ Ruo Mgbe Ebighị Ebi na-amụrụ ndị mmadụ Baịbụl n’ọnwa a anyị na-eme mkpọsa pụrụ iche? Ọ bụrụ otú ahụ, ọ ga-abụrịrị na obi atọgbuola gị. Ọ ga-abụkwa na obi dị ndị ọzọ ụtọ. Ma, ọ bụrụ na e nwebeghị onye ị maliteere ọmụmụ Baịbụl, o nwere ike ịbụ na ị na-eche ma mbọ ị na-agba ọ̀ bakwadịrị uru? Olee ihe ị ga-eme ma ọ bụrụ na obi na-ada gị mbà maka na e nwebeghị onye ị malitere ịmụrụ Baịbụl?

Kpọnye VIDIO bụ́ “Anyị Na-eme Ka A Mata na Anyị Bụ Ndị Ozi Chineke . . . Anyị Na-enwe Ndidi”—Mgbe Anyị Nọ n’Ozi Ọma. Jụzie ụmụnna ajụjụ ndị a:

Olee otú 2 Ndị Kọrịnt 6:4, 6 ga-esi enyere anyị aka ma o yie ka ozi anyị anaghị aga nke ọma?

Azịza gị
Olee mgbanwe ndị i nwere ike ime ma i chee na mbọ ndị ị na-agba ịmalite ịmụrụ ndị mmadụ Baịbụl enwebeghị isi?

Azịza gị

Cheta na ihe na-eme ka anyị na-enwe ọṅụ abụghị mmadụ ole anyị maliteere ọmụmụ Baịbụl ma ọ bụ mmadụ ole anyị na-amụrụ Baịbụl. Kama, ihe na-eme ka anyị na-enwe ọṅụ bụ ịmara na mbọ anyị na-agba na-eme Jehova obi ụtọ. (Luk 10:17-20) N’ihi ya, akwụsịla iso na-eme mkpọsa a pụrụ iche ebe ị ma na ‘ọrụ Onyenwe anyị ị na-arụsi ike abụghị na nkịtị.’—1 Kọr. 15:58.

9. Ọmụmụ Baịbụl Ọgbakọ

(Nkeji 30) rr isi nke 14 ¶21-25, igbe 14A