ỌKTOBA 6-12

EKLIZIASTIS 5-6

Abụ nke 42 na Ekpere | Okwu Mmeghe (1 nkeji)

AKỤ̀ NDỊ SI N’OKWU CHINEKE

Ebe ndị Izrel nọ n’akụkụ ọnụ ụzọ ámá obodo na-ege ntị ka onye nchụàjà na-ekwu okwu. O ji akwụkwọ mpịakọta n’aka. — Ebe ndị Izrel na-ege ntị nke ọma mgbe onye nchụàjà na-akọwa Iwu Mosis

1. Otú Anyị Si Egosi na Anyị Na-akwanyere Chineke Ukwu Anyị Ezigbo Ùgwù

(Nkeji 10)

Anyị na-egosi na anyị na-akwanyere Chineke ùgwù n’ọmụmụ ihe anyị ma anyị yiri uwe dị mma bịa, dịrị mma n’anya ma na-ege ntị (Ekli. 5:1; w08 8/15 15-16 ¶17-18)

Anyị na-echebara ekpere anyị na-ekpe n’ihu ọha echiche, na-ekpekwa ya otú gosiri na anyị na-akwanyere Chineke ùgwù, ọ bụghị ikpe ya ka ọ dị ogologo (Ekli. 5:2; w09 11/15 11 ¶21)

Anyị na-emezu nkwa anyị kwere Chineke n’oge anyị nyefere ya onwe anyị (Ekli. 5:4-6; w17.04 6 ¶12)

Ebe ụmụnna nwoke na ụmụnna nwaanyị, ma ụmụaka ma ndị torola eto, na-ege ntị nke ọma mgbe a na-amụ ihe n’Ụlọ Nzukọ Alaeze.

2. Ihe Anyị Mụtara n’Okwu Chineke

(Nkeji 10)

Ekli. 5:8—Olee otú amaokwu a ga-esi akasi anyị obi ma e megbuwe anyị? (w20.09 31 ¶3-5)

Azịza gị
Gịnị ka ị mụtara n’ọgụgụ Baịbụl nke izu a ị ga-achọ ịkọ?

Azịza gị

3. Ọgụgụ Baịbụl

(Nkeji 4) Ekli. 5:1-17 (th ihe ọmụmụ nke 12)

MỤTAKWUO IZI OZI ỌMA NKE ỌMA

4. Ịmalite Mkparịta Ụka

(1 nkeji) OZI ỤLỌ N’ỤLỌ. Onye ahụ chọrọ ka unu rụwa ụka. (lmd isi nke 4 nọmba nke 5)

5. Ịmalite Mkparịta Ụka

(Nkeji 2) ỊGBA ÀMÀ N’OGE A NA-ANỌGHỊ N’OZI. Kụziere mmadụ otu n’ime “Eziokwu Ndị Na-amasị Anyị Ịkụziri Ndị Ọzọ” nke dị n’ihe ndị ọzọ a kọwara nke A na broshọ bụ́ Hụ Ndị Mmadụ n’Anya. (lmd isi nke 1 nọmba nke 3)

6. N’Oge Ọzọ

(Nkeji 3) OZI ỤLỌ N’ỤLỌ. Gosi onye ahụ otu vidio si n’Ihe Ndị Anyị Ji Akụziri Ndị Mmadụ Ihe. (lmd isi nke 7 nọmba nke 3)

7. Ime Ka Ha Bụrụ Ndị Na-eso Ụzọ Jizọs

(Nkeji 5) lff okwu mmalite isi nke 17 na nọmba nke 1-3 (lmd isi nke 11 nọmba nke 3)

OTÚ NDỊ KRAỊST SI EBI NDỤ

Abụ nke 160

8. Ị̀ Na-eji “Eziokwu Ndị Na-amasị Anyị Ịkụziri Ndị Ọzọ” Ezi Ozi Ọma?

(Nkeji 15) Okwu ndị na-ege ntị ga-etinyetụ ọnụ.

Ebe di na nwunye na-ekwusa ozi ọma ụlọ n’ụlọ. Ha na-agụrụ nwa okorobịa Baịbụl.

Kemgbe e wepụtara broshọ bụ́ Hụ Ndị Mmadụ n’Anya, Mee Ka Ha Bụrụ Ndị Na-eso Ụzọ Jizọs, o nyerela anyị aka imekwu nke ọma n’otú anyị si akpanyere ndị mmadụ ụka. Ihe mere e ji nwee nkebi bụ́ Ihe Ndị Ọzọ A Kọwara Nke A bụ ka o nyere anyị aka ịkụziri ndị mmadụ eziokwu ndị na-ataghị akpụ dị na Baịbụl ma anyị na ha kparịtawa ụka. (Hib. 4:12) Ị̀ matala ihe ndị e kwuru n’isiokwu itoolu e nwere ná nkebi ahụ a kpọrọ “Eziokwu Ndị Na-amasị Anyị Ịkụziri Ndị Ọzọ”?

Olee otú anyị nwere ike isi bido ịkụziri mmadụ eziokwu na-ataghị akpụ n’oge kwesịrị ekwesị ka anyị na ya na-akparịta ụka?—lmd ihe ndị ọzọ a kọwara nke A

Azịza gị
Olee isiokwu ndị kacha amasị ndị bi n’ókèala unu?

Azịza gị
Gịnị ka ị ga-eme ka amaokwu Baịbụl ndị dị n’ihe ndị ọzọ a kọwara nke A dokwuo gị anya?

Azịza gị

Amaokwu Baịbụl ndị a ga na-edokwu anyị anya ma anyị jiri ha na-ekwusa ozi ọma. Ma, ọ bụrụ na anyị chọrọ iji ha na-ezi ndị mmadụ ozi ọma ugboro ugboro, anyị ga-ebugodị ụzọ chọta ndị anyị ga-ezi ozi ọma n’ókèala anyị.

Kpọnye VIDIO Bụ́ “A Na-eji Ígwè Amụcha Ígwè”—Ịchọtakwu Ndị A Ga-ezi Ozi Ọma. Jụzie ụmụnna ajụjụ a:

Gịnị ga-enyere anyị aka ịchọtakwu ndị mmadụ n’ókèala anyị?

Azịza gị

9. Ọmụmụ Baịbụl Ọgbakọ

(Nkeji 30) lfb isi nke 24-25