ỌKTOBA 20-26
EKLIZIASTIS 9-10
Abụ nke 30 na Ekpere | Okwu Mmeghe (1 nkeji)
1. Na-ele Ọnwụnwa Ndị Na-abịara Gị Anya Otú Kwesịrị Ekwesị
(Nkeji 10)
Anyị ma na ọnwụnwa ndị na-abịara anyị apụtaghị na Jehova na-ewere anyị iwe (Ekli. 9:11; w13 8/15 14 ¶20-21)
Anyị anaghị atụ anya na ihe niile ga na-agaziri anyị n’ụwa Setan a (Ekli. 10:7; w19.09 4 ¶10)
Anyị kwesịrị ịna-ewepụta oge anyị ga-eji jiri ihe ọma ndị Jehova nyere anyị na-eme onwe anyị obi ụtọ, ma n’oge ihe siiri anyị ike (Ekli. 9:7, 10; w11 10/15 8 ¶1-2)
2. Ihe Anyị Mụtara n’Okwu Chineke
(Nkeji 10)
Ekli. 10:12-14—Olee aka ná ntị amaokwu ndị a na-adọ anyị gbasara ịgba asịrị? (it “Ịgba Asịrị, Ikwutọ Mmadụ” ¶4, 8)
Gịnị ka ị mụtara n’ọgụgụ Baịbụl nke izu a ị ga-achọ ịkọ?
3. Ọgụgụ Baịbụl
(Nkeji 4) Ekli. 10:1-20 (th ihe ọmụmụ nke 11)
4. Ịmalite Mkparịta Ụka
(Nkeji 3) IKWUSA OZI ỌMA N’EBE NDỊ MMADỤ NA-ANỌKARỊ. Malite ịkpanyere onye ihu na-adịchaghị mma ụka. (lmd isi nke 3 nọmba nke 4)
5. Ịmalite Mkparịta Ụka
(Nkeji 4) ỊGBA ÀMÀ N’OGE A NA-ANỌGHỊ N’OZI. Kụziere onye na-echegbu onwe ya n’ihi otú ihe si sie ike otu n’ime “Eziokwu Ndị Na-amasị Anyị Ịkụziri Ndị Ọzọ.” Jiri ihe e kwuru n’ihe ndị ọzọ a kọwara nke A na broshọ bụ́ Hụ Ndị Mmadụ n’Anya mee ya. (lmd isi nke 4 nọmba nke 4)
6. Ime Ka Ha Bụrụ Ndị Na-eso Ụzọ Jizọs
(Nkeji 5) lff nchịkọta isi nke 17, ajụjụ ndị e ji echeta ihe a mụrụ, na ihe ị ga-agba mbọ mee. (lmd isi nke 12 nọmba nke 3)
Abụ nke 47
7. Jehova Ga-enyere Gị Aka n’Oge Nsogbu
(Nkeji 15) Okwu ndị na-ege ntị ga-etinyetụ ọnụ.
Ọnwụnwa na nsogbu dị iche iche na-abịara anyị kwa ụbọchị. Ma, ụfọdụ ọnwụnwa na-abịara anyị na mberede, ha nwekwara ike ime ka obi gbawaa anyị nke na ike ga-agwụcha anyị, obi adaa anyị mbà, ya adịkwa anyị ka anyị na Jehova adịghịzi ná mma. Ònye ga-enyere anyị aka ma ọ dị anyị otú a? Oleekwa ihe anyị kwesịrị ime?
N’agbanyeghị ụdị ọnwụnwa bịaara anyị, Jehova ka ‘na-echebe anyị.’ (Aịza. 33:6) Ihe ga-enyere anyị aka ịtụkwasị Jehova obi bụ ịdị umeala n’obi na imeru ihe n’ókè. (Ilu 11:2) Ọ bụrụ na ọdachi adakwasị anyị, o nwere ike ịdị mkpa ka anyị wepụta oge lebara onwe anyị ma ọ bụ onye anyị hụrụ n’anya anya, mee mkpebi dị mma, ma ọ bụkwanụ wepụta oge ruo uju.—Ekli. 4:6.
Ebe ọ bụ na Jehova na-eji ụmụnna anyị akasi anyị obi, anyị kwesịkwara ịdị njikere ịgwa ha ka ha nyere anyị aka ma ọ bụ nabata aka ha ga-enyere anyị. Na-echeta na ụmụnna gị hụrụ gị n’anya nke ukwuu, obi ga-atọkwa ha ụtọ inyere gị aka.
Gụọ 2 Ndị Kọrịnt 4:7-9. Jụzie ụmụnna ajụjụ a:
Gịnị mere anyị ji kwesị ịgbasi mbọ ike na-eme ihe ndị anyị na-eme n’ofufe anyị na-efe Jehova, ma n’oge ọ na-esiri anyị ike ime otú ahụ?
Kpọnye VIDIO Bụ́ Jehova Nọ Ndị Obi Ha Tiwara Etiwa Nso. Jụzie ụmụnna ajụjụ ndị a:
Olee otú Jehova si nyere Nwanna Septer na nwunye ya aka?
Olee otú ụmụnna anyị si nyere ha aka?
Olee ihe ọzọ ị mụtara n’ihe ha mere?
8. Ọmụmụ Baịbụl Ọgbakọ
(Nkeji 30) lfb isi nke 28, okwu mmalite nkebi nke 6, na isi nke 29