Hụ Ike nke Bible!

N’ụzọ dị aṅaa? Site n’ikiri vidio bụ́ The Bible—Its Power in Your Life. Ọ bụ nke atọ n’usoro kaseti vidio a kpọrọ The Bible—A Book of Fact and Prophecy.

Ị̀ chọrọ inwe alụmdi na nwunye na-aga nke ọma? Enyemaka ọ̀ dị gị mkpa iji nagide oge ihe isi ike? Olee otú ndị na-eto eto pụrụ isi tolite ghọọ ndị okenye na-eji ihe akpọrọ ihe? Bible pụrụ inye aka, dị ka vidio a na-egosi. Nụrụ ka ndị mmadụ na-ekwu otú Bible siworo bụụrụ ha ihe mkpali ime ihe dị mma ná ndụ ha. Gee ntị ka ha na-akọwa otú ụkpụrụ ya dị iche iche siworo nyere ha aka ịnagide nsogbu nke ndụ a na-adị n’oge a.

Vidio a bụ ngwá ọrụ bara uru maka inyere ndị ọhụrụ nwere mmasị aka ịhụ abamuru nke iji Okwu Chineke mere ihe nduzi ná ndụ ha. Society nwere The Bible—Its Power in Your Life. Ị pụrụ ịrịọ ka e zitere gị otu site n’aka ohu na-ahụ maka akwụkwọ n’ọgbakọ gị.