Olee Otú Ha Dị n’Anya?

Onye ọ bụla kwesịrị ịjụ onwe ya ajụjụ a mgbe ọ bụla ọ chịlitere akwụkwọ anyị ndị ọ chọrọ iji aga ozi ọma. Akwụkwọ ọ bụla kara nká, nke chanwụrụ achanwụ, nke unyi tere, ma ọ bụkwanụ nke dọkara adọka adịghị mma iji aga ozi ọma. Ụdị akwụkwọ a na-akọ nzukọ Jehova ọnụ, ọ ga-emekwa ka ndị anyị gara na nke ha ghara iji ozi na-enye ndụ anyị ji bịakwute ha kpọrọ ihe.

Olee ihe anyị nwere ike ime iji hụ na akwụkwọ ndị anyị ji aga ozi ọma dị mma n’anya? Ọtụtụ ndị na-etinye akwụkwọ ndị ha ji aga ozi ọma n’akpa ha otú ha ga-adị n’usoro. Dị ka ihe atụ, ha nwere ebe ha na-etinye akwụkwọ, nwee ebe ha na-etinye magazin na broshuọ, nweekwa ebe ha na-etinye traktị na ihe ndị ọzọ. Ha zichaa mmadụ ozi ọma, ha edeghachi Baịbụl ha na akwụkwọ ọ bụla ha wepụtara n’ebe ha kwesịrị ịdị, ka ha ghara ịdọka. Ụfọdụ ndị nkwusa na-etinye magazin ha n’ime akpa wọta pruf na-acha ọcha ma tinye ya n’akpa ozi ọma ha. N’agbanyeghị otú anyị kpebiri isi na-achị akwụkwọ anyị, anyị ekwesịghị inye ndị mmadụ akwụkwọ na-adịghị mma n’anya n’ihi na ọ ga-eme ka ha hụta mmejọ n’ozi anyị.—2 Kọr. 6:3.