Ihe I Nwere Ike Ikwu

Ụlọ Nche Febụwarị 1

“Anyị bịara ka anyị nye gị traktị a anyị na-enye ndị agbata obi anyị taa. O kwuru otú Baịbụl si enyere anyị aka ná ndụ. Lee nke gị. [Nye onye ị bịara na nke ya traktị bụ́ Olee Ihe I Chere na Baịbụl Bụ?] Ụfọdụ ndị amaghị ma ihe Baịbụl kwuru ọ̀ ga-enyere ha aka n’ọrụ ha. Lee ihe amaokwu Baịbụl a kwuru gbasara ọrụ. [Gụọ Ekliziastis 3:13.] Ụlọ Nche a kwuru ihe ụfọdụ Baịbụl kwuru ga-eme ka ọrụ anyị na-eme anyị obi ụtọ. Gbalịa gụọ ya.”

Teta! Jenụwarị-Febụwarị

“Ọtụtụ ndị chere na naanị otú mmadụ ga-esi na-adị ọcha bụ ịna-eme ụdị ihe a e sere ebe a. [Gosi ya foto dị na peeji nke 8.] Jụzie ya, sị, ‘Ì chere na naanị otú mmadụ ga-esi na-adị ọcha bụ idewe ahụ́ ya na ebe o bi ọcha?’ [Chere ka ọ zaa. Ya zachaa, gị agụzie 2 Ndị Kọrịnt 7:1.] Iwu Chineke kwuru na anyị kwesịrị ịna-edewe ahụ́ anyị ọcha, na-efe Chineke otú ọ chọrọ, na-akpakwa àgwà dị mma. O kwukwara na anyị ekwesịghị ịna-eche ihe ọjọọ. Ihe a niile gosiri na Chineke chọrọ ka ihe gaziere anyị. Isiokwu a kwuru uru anyị ga-erite ma anyị mee ihe Chineke kwuru gbasara ịdị ọcha.”