Kpachara Anya Ka Ị Ghara Ịna-agbasa Akụkọ Ụgha

Taa e nwere ike isi na redio, tiivi, Ịntanet ma ọ bụkwanụ akwụkwọ e biri ebi kọsaara ọtụtụ nde mmadụ ihe n’egbughị oge ọ bụla. Ndị na-efe “Chineke nke eziokwu” achọghị ịna-agbasa akụkọ ụgha, ma mgbe ha na-amaghị ama. (Ọma 31:5; Ọpụ. 23:1) Ihe na-abụghị eziokwu a kọsaara ndị ọzọ nwere ike ịkpata nnukwu nsogbu. Ị chọọ ịmata ma ihe ị nụrụ ọ̀ bụ eziokwu, jụọ onwe gị sị:

• ‘M̀ tụkwasịrị ebe akụkọ a si obi?’ E nwere ike onye na-akọrọ m ihe a amaghị ihe niile merenụ. A na-etinyekarị akụkọ si n’aka fere n’aka nnu na ose. N’ihi ya, i kwesịrị ịkpachara anya ma ọ bụrụ na ị maghị ebe akụkọ ahụ si malite. Ebe ọ bụ na a tụkwasịrị ndị okenye ọgbakọ obi, ha kwesịrị ịkpachara anya karịchaa gbasara ịkọrọ ndị ọzọ ihe ha na-amaghị ma ọ̀ bụ eziokwu

• ‘Akụkọ a ò nwere ike imebi aha mmadụ?’ Ọ bụrụ na ọ ga-emebi aha mmadụ ma ọ bụ aha ụfọdụ ndị, ọ kacha mma ka ị ghara ịkọsara ya ndị ọzọ.—Ilu 18:8; Fil. 4:8

• ‘Akụkọ a ọ̀ dara ka eziokwu?’ Kpachara anya ma ị nụ akụkọ ndị na-atọ ụtọ ná ntị

LEENỤ VIDIO BỤ́ GỊNỊ GA-ENYERE M AKA ỊKWỤSỊ ỊGBA ASỊRỊ? ZAAKWANỤ AJỤJỤ NDỊ A:

• 

  Dị ka e kwuru n’Ilu 12:18, olee nsogbu ihe mmadụ kwuru nwere ike ịkpata?

• 

  Olee otú Ndị Filipaị 2:4 nwere ike isi nyere anyị aka ịma ihe anyị ga-ekwu gbasara ndị ọzọ?

• 

  Olee ihe anyị kwesịrị ime ma ọ bụrụ na mmadụ ejiri mmadụ mewe ihe ọchị ma ọ bụ kwuwe ihe ọjọọ gbasara onye ahụ?

• 

  Tupu anyị amalite ikwu gbasara ndị ọzọ, olee ajụjụ ndị anyị kwesịrị ịjụ onwe anyị?