Ocheju Ọnyịịla

Ọngọlirya 12:13, 14

ẸLA ỌLẸ KÁ KA HỌ: Ya ẹla ohyẹẹkpẹ nyang ụ-ụgbẹyị ọlẹ kọ́ ka gu angịnyị ọ-ọkịlẹtụ chajị kị ka ye ẹla ọlẹ ká wẹẹ ya myị bala ọ-kpa ẹla ọlẹ kị wẹẹ jẹ́ họ ụkụrwọ.

JAABWỌ KÁ KA BWU HỌ ỊNYỊ:

• Ẹla ocheju nyang a da ori wu egbeju nya ẹla. Ma ahị nya ẹla bala egbeju nya ẹla nyang ya myịmyị.

• Ya ẹla ọlẹ kọ ka gwaa ọ-ọkịlẹtụ. Mẹ ẹla ọlẹ kị ka họ jaa bala o-ya jaa ang o-du kị baba nyọka họ ịnyị. Ya ẹla ụ-ụgbẹyị ọlẹ kọ́ ka mẹjẹ nyori ahụ ayịdang myị ju ẹla ọlẹ ká wẹẹ ya bala o-ri ẹla ọọwa nyị ju apyobwuna.

• Ẹla ocheju nyang a la kpii bala ọ-la gbagbịla. A gba ahị nya ẹla inyeewe kpehe ka. Ya ẹla ohyẹẹkpẹ kọ ka gwaa gbịla kaka kpa ẹla nyang họ ụkụrwọ; ọ tị la gbururu lụmẹ ka.