ANG ỌJẸ́JẸ 13

Mẹjẹ Jaabwọ Kị ka Kpa Ẹla Ọjẹ́jẹ Họ Ụkụrwọ

Etu 3:21

ẸLA ỌLẸ KÁ KA HỌ: Da angị ke ụrụ lang ụbwọ nyọka jẹ́ jaabwọ ká ẹlẹwẹ gu ọhịhị nyaa, ká mẹ jaa jaabwọ kị ka họ la ẹla ọlẹ kị jẹ́.

Kpa angịlẹ kị wẹẹ ke ụrụ wo lang i-irya. Kụ irya u-uhye nya ang odudu kị baba nya ẹla ọwẹ, bala ẹla ọlẹ kọ ka daa ụbwọ gụgụụgụ.
Bwu ọmwụ ọdada gbee ka pwụ ocheju, mẹ jaa jaabwọ kị ka kpa ẹla ọọwa họ ụkụrwọ. Bwu ọmwụ ọdada nya ẹla oyaya nyang, ọng myị́ ọng chịla kọ ka byi ịlọmwụ yẹkẹẹ, ‘Ẹlẹwẹ gum am ayịdang.’ Jaabwọ ká wẹẹ da egbeju nya ẹla ọnyọnyọọnyị wụlẹ, mẹ jaa jaabwọ kị ka kpa họ ụkụrwọ. Gba ẹhị nya ẹla kpehe kọ la kpụrụrụ.

Mẹ jaa ẹ-ẹpwụ nya ọháha jaabwọ kị ka kpa ẹla ọlẹpwụ nya ịBayịbụụ họ ụkụrwọ, kị yẹ nyori a jẹ́ jaabwọ kọ laa ọ-ọkịlẹtụ. Maga ká ju ọháha bala ọmyịmyị nyaa ọngịrị ẹ-ẹga nya iJihova, ọkọkọ nyọka họ ká ọkịlẹtụ ka laa eje, ká dahịhile nyori ọháha bala ọmyịmyị ọla ọkịlẹtụ nyaa ka gwaa gbịla kaka kpa ẹla ọlẹ ká wẹẹ ya họ ụkụrwọ.