Ju Angịkịla Ihi

Ang Ọlẹ ká ỊPọlụ Họ

IFIM: ỊPọlụ Ya Ẹla Ohe Je Ala Atẹnsị

1. Yẹ IFIM ọwẹ, lẹe wa Ụkụrwọ nya Alẹrụ 17:22, 23. Ká kụ ẹhị yẹ ịtọ ẹla ileji ịlẹ:

1. Ányị ọ tị́ la ịPọlụ ụka kọ yẹ jaabwọ ká ịgba ọgbagba nya ọnọọkịla lụmẹ Atẹnsị?—Yẹ Ụkụr 17:16.

2. Ọkọkọ nyọka kpa ọnụ bịrị ala Atẹnsị, ányị ịPọlụ à tị́ bwu kpa ang ọlẹ kị myị la ya ẹrụ ọnyịịla jwaa la ihi?

Ẹlịyẹ Ahị Tị́ Jẹ́ Bwu Ẹga nya ỊPọlụ?

2. Angịnyị ka myị-ị́ ke ụrụ wo lahị gụ kori kahị da ọhụ pịlẹẹ chụ ẹla ọlẹ kahị ka ya, jaabwọ kahị ka ya ọnụ nọ yoo bala ụka kọ pwoku kahị ka yoo.

Ba Ọgụ-ẹpẹtẹ nya ỊPọlụ jẹ

3. Ya ẹla ọlẹ kọ ka kpa angịnyị ịnyịrọ nyii. Ọ-chụ pwokwita, ụka ká ja ya ẹla ta ọngọlẹ kọ bwu ugbiyegu ọlẹ kị ri Angịnyị nya ịKịrayịsị ka, a baba nyọka kụ irya jaabwọ ká ka bwu dụbwọ ka ẹpwụ nya ịBayịbụụ lee abwọ ká ka ya ẹla rụ́ iJisọsị.

4. Á chị agaga nwụ ọngịnyị rịrị ka. Ya ẹga da họọ kọ ya ẹla olirya nyamwụ jaabwọ kọ tọọ. Kori kọ ya ẹla ọlẹ kọ pwoku ẹla ọlẹ ká ịBayịbụụ mẹjẹ ka wẹwẹ, maga ká cheji ba hi ọ-ka da ịwẹẹ balọọ. (Jem. 1:19) Bwula ọ-ke ụrụ wo lọọ, a ka jẹ́-ẹ jẹ́ ẹla olirya nyamwụ u-uhye nya ang ọlẹ kọ myị la bala ang odudu kọ myị lọọ.—Etu. 20:5.

5. Myị ju ọngọọwa bala o-joo obe ọhọhọ ụka kọ pwoku. Ọ ka myị bwu ọkịlẹtụ nyamwụ myị́ nyori abwọlẹ ká ọwa nyị wẹẹ bwu gbịgba nyị la kpakpa. Lẹ, maga ká ya ẹla u-uhye nya ang ọlẹ ká anụ angị imimiiye myị ọnụ ju, ene ká ka dọọ ụbwọ dụmwọ-dụmwọ nyọka wo etu nya ang ịlẹ ká ịBayịbụụ mẹjẹ.