Mẹ Ang Jẹ La Ila Ọchịchị

Ẹla o-ya la ila ọchịchị kaa gu angịkịla gbịla. Ụka kahị ya ẹla la ila ọchịchị ọọwa ka du ká angịnyị kaa tịtọ nyọka ke ụrụ la ẹla ọlẹ kahị wẹẹ ya. Ọọwa tị ka mẹjẹ nyori ẹla ọlẹ kahị wẹ ya ju apyobwuna yẹẹyẹẹ. Ẹ-ẹpwụma nyahị, ịhọhọ nya ẹga ọlẹ kahị bwu lee abwẹla nyahị à ri ẹla ka, ahị wuu ka jẹ́-ẹ ya ẹla la ila ọchịchị. (Rom 12:11) Ányị ọ tị́ ka bwu chịkpẹẹ?

Ọhọhẹ, kụ irya jaabwọ ká ẹla ọlẹ ka kpa ju apyobwuna. A la iwe nyọka “ya ẹrụ ọnyịịla nya Ohe Oluhye.” (Rom 10:15) Oheeye, kụ irya jaabwọ ká ẹrụ ọnyịịla ka jẹ́-ẹ da ọhịhị nya angịlẹ kị wẹẹ ke ụrụ lang ụbwọ. Ị baba nyọka wo ẹla ọlẹ ká la nyọka ya jwaa. (Rom 10:13, 14) Ohyẹẹkpẹ, ya ẹla la ila ọchịchị bwula ọ-kpa abwọ bala ẹhị nyang ya ẹla ụ-ụgbẹyị ọlẹ kọ pwoku.

YẸ IFIM ỌLẸ KỌ RI YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA Ọ-NWA KỊLAHỊ​—MẸ ANG JẸ LA ILA ỌCHỊCHỊ, KANỤ WẸ ỊTỌ ẸLA ILEJI ỊLẸ:

• 

  Ịyẹ à tị́ du ká ịBayịbụụ ọjẹ́jẹ la ila ọchịchị nya Inori ta Agidi gwoo byi?

• 

  Ịyẹ à tị́ da Inori ụbwọ nyọka dọmwụ nya ang ọmẹjẹ nyamwụ la ila ọchịchị myịmyị?

• 

  Ịyẹ à tị́ du kọ há nyahị ọ-ka yẹhị rịrị u-uhye nya abwụma ịnyịịla nya angịlẹ kị wẹẹ ke ụrụ lahị?

• Ịyẹ ang ọmẹjẹ la ila ọchịchị nyahị à tị́ ka họ u-uhye nya angịlẹ kahị kaa jẹ ịBayịbụụ ta bala angịkịla?