Ọla Wẹ Ki Kpa N

Ẹn̄wu ki Pọl Che

VIDIO: Ọla Pọl Kpa N̄w Uchẹnyo Ejẹ Ẹfẹsọs N

1. Go VIDIO, abẹk’ẹ gba Ẹwn̄ 19:8-10. Ubilẹ kpibe oji am’ene-i:

1. Talu k’amonẹ na d’ihianyi n̄wu Pọl, abu i kwu t’uchẹnyọ ejẹ r’abo kuma atene gbọ?

2. Ẹrẹ onu m’onu Pọl dabi dejudo abo kia n̄eju ọla uchẹnyọ, ẹgba i la dejudo ma kade?

Ẹn̄wu A Kọchẹ Kwugbo Pọl?

2. A dukpẹ ka d’iko tane nyọnyọ, ka la ja ka neke d’ẹdọ ẹnẹ ka dabi dejudo kwanẹ, ka neke chanẹ ukọchẹ Baibul kp’own̄.

Ch’awọli Pọl

3. F’ọla mu kẹ dejudo ẹnẹ lẹ iko ki nyọ n̄wu tule. T’ọla wẹ ene: ‘Ẹgba kpai ugbo anyọ n̄wu ki ch’ukọchẹ Baibul? Iko i an’ẹn̄a ka ch’oluka dama?’ F’ọla mu kẹ bọ kp’ẹrẹ dagba k’iko lẹ ma lọla n̄wẹ n.

4. T’ẹnẹ lẹ ene iko kẹ neke ch’oluka kp’own̄. Iko duu ku mẹ kpoji oluka, t’ẹnẹ lẹ ene iko kẹ neke dabi ch’oluka kp’own̄ gẹ. Ja kẹ dabi dejudo iko ku mẹ ka tẹ.

5. Na n’ukibeno. Ma kaki ẹnẹ ki ma cha d’unyi iko duu n abẹk ẹnẹ k’ọwọ n̄w chẹ gbaji neke tene eneti. (1 Kọr. 13:4, 7) Ọla wẹ ki kpa egbẹrẹ amonẹ n ama ẹ na d’iko wẹ chekwu nyọnyọ.—1 Kọr. 9:26.