Ẹñwu ajẹñwu akwọra unyi kinẹ ẹdọ-ẹbọ?

ALU KI BAIBUL KA

“Abo ku ma gbọ ọla Ọjọ kuma la ñọ fude [“nẹdọ-ẹbọ,” nwt] tule!—Luku 11:28, Ọtakada Ọla Ọjọ.

ILE KI DEFU ÑWU WẸ

Ẹli ufẹdọ ochochi.—Abo Ẹfẹsọs 5:28, 29.

Ẹjojima ọmẹmẹlẹ.—Abo Ẹfẹsọs 5:33.

Ẹmi tọkọọ.—Mak 10:6-9.

ANEKE KẸDỌNO ỌLA KI BAIBUL KA?

Eee, inyagbẹ todu ẹñwu meji-i:

• Ọjọ chẹnẹ ki Chẹtẹ akwọra unyi ejodudu. Baibul kakini-i “unyi duu . . . kodu kwu gbo Jihofa Ọjọ.” (Abo Ẹfẹsọs 3:14, 15) Eyi duña, k’akwọra unyi duu dọmọ todu ki ch’Ọjọ nyi. Abile kọlai chogbogaga?

  Gu jiwei: Ichẹñwu ku jẹñwu kuma hi che rinyọ aluwẹ, kẹla tene kẹma ẹñwu idọrọ kuma ñọnyu, ẹnẹ ẹtene? Chai ẹnẹ ki hi ujẹñwu lẹ.

  Abẹlẹ, takawa kima amẹñwu kia jẹñwu akwọra unyi ki nẹdọ ẹbọ efu ọlai wa, kejuru Jihofa ẹnẹ ki chẹtẹ akwọra unyi duu.—Abakwanẹ 2:18-24.

• Ọjọ akwula wẹ. Ichẹñwu ugbeju ñwu akwọra unyi duu kia gbibe kwu gbo Jihofa kia du ñwu wa kwefu ọla ñwu. Todu ẹñwu? Todu “kia kwula wẹ” (1 Pita 5:6, 7) Jihofa nibe ọmẹmẹlẹ ñwẹ, ibe kia du ñwonẹ la chukọlọ iko duu!—Ita, Ita 3:5, 6; Aizaya 48:17, 18.