Maysa nga Apocalipsis ken Juan
2 “Isuratmo iti anghel+ ti kongregasion idiay Efeso:+ Dagitoy ti imbaga daydiay mangig-iggem iti pito a bituen iti kannawan nga imana ken magmagna iti nagbabaetan ti pito a balitok a kandelero:+ 2 ‘Ammok dagiti aramidmo, ti panagbannog ken panagibturmo, ken saanmo nga ipalubos nga agtalinaed kenka dagiti dakes a tattao, ken subokem dagidiay mangibagbaga nga apostolda+ ngem saanda met a kasta, ket natakuatam nga ulbodda. 3 Agib-ibturka met ken nagan-anuska gapu iti naganko+ ket saanka a nabannog.+ 4 Ngem daytoy ti diak kayat kenka: saanen a kas idi damo ti ayatmo.
5 “‘Lagipem ngarud no sadino ti nakatnagam, ket agbabawika+ ken aramidem dagiti inaramidmo idi damo. No saan, umayakto kenka, ket ikkatekto ti kandelerom+ iti ayanna, malaksid no agbabawika.+ 6 Ngem adda met naimbag kenka: kaguram dagiti aramid ti sekta ni Nicolas+ a kagurak met. 7 Denggen koma ti asinoman nga adda lapayagna ti ibaga ti espiritu kadagiti kongregasion:+ Daydiay agballigi+ ket palubosakto a mangan iti kayo ti biag+ nga adda iti paraiso ti Dios.’
8 “Isuratmo iti anghel ti kongregasion idiay Smirna: Dagitoy ti imbaga daydiay ‘Umuna ken Maudi,’+ a natay idi ngem sibibiagen:+ 9 ‘Ammok ti rigat ken kinapanglawmo—ngem nabaknangka+—ken ti panangpadpadakes dagidiay mangibagbaga a Judioda ngem saanda nga agpayso a Judio, no di ket sinagoga ida ni Satanas.+ 10 Dika mabuteng kadagiti dandanimon sagabaen.+ Kitaem! Itultuloy ti Diablo nga ipisok ti dadduma kadakayo iti pagbaludan tapno naan-anay a masubokkayo, ken agrigatkayto iti 10 nga aldaw. Paneknekam a matalekka uray agingga ken patay, ket itedkonto kenka ti korona ti biag.+ 11 Denggen koma ti asinoman nga adda lapayagna+ ti ibaga ti espiritu kadagiti kongregasion: Daydiay agballigi+ ket dinanto pulos mapadasan ti maikadua nga ipapatay.’+
12 “Isuratmo iti anghel ti kongregasion idiay Pergamo: Dagitoy ti imbaga daydiay addaan iti natadem, atiddog, ken dua ti tademna nga espada:+ 13 ‘Ammok ti pagnanaedam, wen, iti ayan ti trono ni Satanas; ngem napudnoka latta iti naganko,+ ken saanmo nga inlibak ti pammatim kaniak,+ uray pay idi tiempo ni Antipas, ti matalek a saksik,+ a napapatay+ iti abaymo a pagnanaedan ni Satanas.
14 “‘Ngem adda sumagmamano a diak kayat kenka, ta adda dita dagidiay mangsursurot iti sursuro ni Balaam,+ a nangisuro ken Balak+ a mangikabil iti pakaitibkolan iti sanguanan ti annak ti Israel, tapno manganda kadagiti naidaton iti idolo ken agaramidda iti seksual nga immoralidad.*+ 15 Adda met kenka dagiti mangsursurot iti sursuro ti sekta ni Nicolas.+ 16 Isu nga agbabawika. Ta no saan, darasek ti umay kenka, ket gubatek ida babaen ti atiddog nga espada nga adda iti ngiwatko.+
17 “‘Denggen koma ti asinoman nga adda lapayagna ti ibaga ti espiritu kadagiti kongregasion:+ Daydiay agballigi+ ket ikkakto iti sumagmamano a nailemmeng a manna+ ken maysa a bassit a puraw a bato a nasuratan iti baro a nagan nga awan ti makaammo no di laeng daydiay umawat iti dayta.’
18 “Isuratmo iti anghel ti kongregasion idiay Tiatira:+ Dagitoy ti imbaga ti Anak ti Dios, a dagiti matana ket kasla gumilgil-ayab nga apuy+ ken dagiti sakana ket kasla puro a gambang:+ 19 ‘Ammok dagiti aramidmo, ti ayatmo, ti pammatim, ti panagserbim, ken ti panagibturmo, ken ad-adu ti inaramidmo iti naud-udi ngem iti immun-una.
20 “‘Nupay kasta, adda diak kayat kenka: konkonsintirem dayta a babai a Jezebel,+ nga aw-awaganna ti bagina a propeta, ken isursuro ken al-allilawenna dagiti adipenko tapno agaramidda iti seksual nga immoralidad*+ ken mangan iti naidaton kadagiti idolo. 21 Inikkak iti tiempo nga agbabawi, ngem dina kayat ti agbabawi iti seksual nga immoralidadna.* 22 Kitaem! Dandanikon pagsakiten nga uray la maidalit, ken mangyegakto iti nakaro a rigat kadagidiay makikamkamalala kenkuana malaksid no pagbabawyanda dagiti inaramidna. 23 Patayekto dagiti annakna iti makapapatay a didigra, tapno maammuan ti amin a kongregasion a siak daydiay mangsuksukimat iti kaunggan a pampanunot* ken puso, ket supapakak ti tunggal maysa kadakayo sigun iti aramidna.+
24 “‘Ngem ibagak iti dadduma pay kadakayo dita Tiatira, iti amin a saan a mangsursurot iti daytoy a sursuro, kadagiti saan a nakaammo iti maaw-awagan iti “nauneg a bambanag ni Satanas”:+ Saankayo a pabpabaklayan iti sabali pay nga awit. 25 Kas iti dati, pagtalinaedenyo dagiti adda kadakayo agingga nga umayak.+ 26 Daydiay agballigi ken mangsurot kadagiti ar-aramidek agingga iti panungpalan ket ikkakto iti autoridad kadagiti nasion,+ 27 a kas iti inawatko ken Amak, ket ipastorannanto dagiti tattao babaen ti sarukod a landok+ tapno marumekrumekda a kas kadagiti damili a banga. 28 Itedkonto met kenkuana ti bituen ti agsapa.+ 29 Denggen koma ti asinoman nga adda lapayagna ti ibaga ti espiritu kadagiti kongregasion.’