Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • w99 4/15 p. 30
  • Malagipyo Kadi?

Awan video-na ti napilim.

Pasensiakan, adda problema iti pannakai-load ti video.

  • Malagipyo Kadi?
  • Ti Pagwanawanan Mangibumbunannag iti Pagarian ni Jehova—1999
  • Umasping a Material
  • Addaanka Kadi iti Imortal nga Espiritu?
    Ti Pagwanawanan Mangibumbunannag iti Pagarian ni Jehova—2001
  • Addaanka Aya iti Imortal nga Espiritu?
    Addanka Aya iti Imortal nga Espiritu?
  • Itan ti Aldaw ti Pannakaisalakan!
    Ti Pagwanawanan Mangibumbunannag iti Pagarian ni Jehova—1998
  • Mangisalakan ni Jesus—Kasano?
    Ti Pagwanawanan Mangibumbunannag iti Pagarian ni Jehova—2001
Kitaen ti Ad-adu Pay
Ti Pagwanawanan Mangibumbunannag iti Pagarian ni Jehova—1999
w99 4/15 p. 30

Malagipyo Kadi?

Naragsakankay kadi a nangbasa kadagiti kallabes a ruar ti Pagwanawanan? Bueno, kitaentayo no masungbatanyo dagiti sumaganad a saludsod:

◻ Apay a maitutop kadagiti napulotan a Kristiano ti sasao ni Pablo nga “embahador a mangisunsuno ken Kristo”? (2 Corinto 5:20)

Idi un-unana a panawen, maibaon dagiti embahador kangrunaanna kadagiti tiempo ti panagbinnusor tapno maammuan no malapdan ti gubat. (Lucas 14:31, 32) Tangay naisina iti Dios ti managbasol a lubong ti sangatauan, ibabaonna dagiti napulotan nga embahadorna tapno ipakaammoda kadagiti tattao dagiti kondisionna iti pannakikappia, nga idagdagadagda kadakuada a makikappia iti Dios.​—12/15, panid 18.

◻ Ania ti uppat a banag a nangpabileg iti pammati ni Abraham?

Umuna, impakitana ti pammatina ken Jehova babaen ti panagimdengna idi nagsao ti Dios (Hebreo 11:8); maikadua, naisinggalut ti pammatina iti namnamana (Roma 4:18); maikatlo, masansan a nakisao ni Abraham ken Jehova; ken maikapat, sinaranay ni Jehova ni Abraham idi sinurotna ti nadiosan a pannarabay. Dagita met laeng a banag ti mangpabileg iti pammatitayo ita.​—1/1, panid 17,18.

◻ Ania ti kayat a sawen ti sasao a, “Dinakam iyeg iti pannakasulisog”? (Mateo 6:13)

Idawdawattayo iti Dios a dina koma ipalubos a mapaaytayo no masulisogtayo nga agsukir kenkuana. Maiwanwannatayo ni Jehova tapno saantay a tumulok ken dinatay magundawayan ni Satanas, “daydiay nadangkes.” (1 Corinto 10:13)​—1/15, panid 14.

◻ Ania ti masapul nga aramiden ti maysa tapno pakawanen ti Dios ti basolna?

Ti panagpudno iti Dios ket nasken a mapakuyogan iti ladingit ken “kadagiti bungbunga a maitutop iti panagbabawi.” (Lucas 3:8) Ti panagbabawi ken tarigagay a mangilinteg iti dakes nga aramid tignayenna met ti maysa a dumawat iti naespirituan a tulong dagiti Kristiano a panglakayen. (Santiago 5:13-15)​—1/15, panid 19.

◻ Apay nga ikagumaantay koma ti agbalin a napakumbaba?

Napasensia ken naanus ti tao a napakumbaba, ken saan a nangato ti panangipapanna iti bagina. Ti kinapakumbaba allukoyenna dagiti pudno a gagayyem a mangay-ayat kenka. Napatpateg pay, mangyeg dayta iti pammendision ni Jehova. (Proverbio 22:4)​—2/1, panid 7.

◻ Ania ti dakkel a nagdumaan ti ipapatay ni Jesus ken ti ipapatay ni Adan?

Maikari a matay ni Adan, ta sipapakinakem a sinukirna ti Namarsua kenkuana. (Genesis 2:16,17) Iti kasupadina, naan-anay a di maikari a matay ni Jesus, ta “saan a nakaaramid iti basol.” (1 Pedro 2:22) Isu nga idi natay, addaan ni Jesus iti nagpateg a banag nga awan ken Adan idi natay​—ti kalintegan iti perpekto a natauan a biag. No kasta, naidaton ni Jesus ken patay tapno masubbot ti sangatauan.​—2/15, panid 15,16.

◻ Iti naimpadtuan a sirmata ni Ezequiel, ania ti iladladawan ti siudad?

Tangay adda ti siudad iti tengnga ti natulawan (di sagrado) a daga, naindagaan la ketdi daytoy. No kasta, agparang nga iladladawanna ti naindagaan nga administrasion a pakagunggonaan dagiti amin a mangbukel iti nalinteg a kagimongan ditoy daga.​—3/1, panid 18.

◻ Apay a binugguan ni Jesus ti saka dagiti adalanna idi rinambakanda ti Paskua idi 33 K.P.?

Saan a nangipasdek ni Jesus iti ritual a panangbuggo iti saka. Imbes ketdi, tultulonganna idi dagiti apostolna a mangbaliw iti panagpampanunotda​—agpakumbabada ken madadaanda a mangaramid iti kanunumuan a trabaho a maipaay kadagiti kakabsatda.​—3/1, panid 30.

◻ Iti panangisurotayo kadagiti sabsabali, ania ti napatpateg ngem kadagiti natural nga abilidad?

Dagiti kababalin nga ik-ikutantayo ken dagiti naespirituan nga ugali a napatanortayo a mabalin a tuladen dagiti iyad-adalantayo. (Lucas 6:40; 2 Pedro 3:11)​—3/15, panid 11, 12.

◻ Kasano a mapasayaat dagiti pumapalawag iti publiko ti panagbasada kadagiti Kasuratan?

Babaen ti panagensayo. Wen, babaen ti maulit-ulit a panagbasa iti napigsa agingga a sumayud ti panagbasada. No adda dagiti audiocassette ti Biblia, nasayaat nga imutektekan ti panangipaganetget ti agbasbasa ken ti panagbaliwbaliw ti tonona ken timuden no kasano ti pannakaibalikas dagiti nagan ken di gagangay a sasao.​—3/15, panid 20.

◻ Kasano nga ‘agsubli ti espiritu iti Dios’ no matay ti tao? (Eclesiastes 12:7)

Tangay ti espiritu ket puersa ti biag, “agsubli iti pudno a Dios” iti anag nga interamente nga agpannuray itan iti Dios ti aniaman a namnama iti masanguanan a biag para iti dayta a tao. Ti laeng Dios ti makaisubli iti espiritu, wenno puersa ti biag, a mangbiag manen iti tao. (Salmo 104:30)​—4/1, panid 17.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share