Gimong a Mangtulong Kadatayo nga Agaramid Adalan
LAWAS TI ABRIL 9-15
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Paregtaen dagiti amin a sumarungkar kadagidiay timmabuno iti Memorial tapno kitaen no mabalin a maipasdek iti panagadal.
20 min: “Dayawenyo ni Jah iti Pananggun-od ti Suskripsion.” Saludsod ken sungbat a pananglawlawag. Idemostra ti pannakausar iti baro Topiko a Pagsasaritaan ken mairaman iti singasing a naaramid idiay parapo 5.
15 min: Palawag ti maysa a panglakayen iti puntos idiay “Saludsod.” Maaramid ti nataktika ken masinnunuo nga aplikasion ti balakad iti lokal a kasasaad kas kasapulan. Maawis dagiti timmabuno iti diskusion.
Kanta 190 ken pangserra a kararag.
LAWAS TI ABRIL 16-22
10 min: Lokal nga anunsio. Report iti kuenta. Basaen iti subalit ti Sosiedad iti kontribusion a naawat bayat ti Marso. Komendaran dagiti kakabsat iti kontribusionda a mangsuporta iti panagibangon a trabaho.
15 min: “Nailadawan Dagiti Nalatak a Magasina.” Palawag ken diskusion iti material agraman sumagmamano a saludsod. Iraman iti sumagmamano a lokal a kapadasan dagiti agibumbunannag a nangipaima ti magasina iti trabaho ti lansangan, impormal a panangasaba, wenno rota ti magasina.
20 min: Praktikal a Singasing iti Panangipaima ti Magasina. Lawlawagan dagiti sumaruno a singasing ken pakomentuan kadgiti agibumbunannag iti balligi a nasagrapda iti panangiyaplikarda kadagitoy: (1) Basaen dagiti magasina ken kabisaduen dagiti artikuloda. (2) Pilien dagiti artikulo a paginteresan iti komunidad. (3) Padasen ti panangasaba iti rumabii babaen ti magasina. (4) Pagsaritaan laeng iti maysa a suheto, ken dakamaten laeng iti maysa a magasina, nga itukon daydiay maysa a kas kakuyogna. (5) Panagsao a nabannayat ken nabatad a buyogen iti naingayyeman a tono ti timek. Paregtaen dagiti amin nga ipakatda dagitoy a praktikal a singasing bayat nga ikagumaanda nga ipaima dagiti magasina iti lokal a teritoria.
Kanta 6 ken pangserra a kararag.
LAWAS TI ABRIL 23-30
10 min: Lokal nga anunsio. Teokratiko a Damdamag. Idinto ta daytoy iti maudi a lawas ti Abril, maparegta dagiti amin a makiraman a naan-anay iti ministerio ken tulongan dagidiay saan pay a nakiraman iti daytoy a bulan.
15 min: “Panangiparang ti Naimbag a Damag—Panangusar iti House-to-House Record.” Saludsod ken sungbat. Basaen dagiti parapo no ipalubos ti tiempo. Maiwayat iti umiso a panangusar iti house-to-house record kadagidiay saan a madanon iti balayda ken iti panagsarungkar. Irepaso kadagiti dumdumngeg iti impormasion a masapul a mailanad iti rekord, ken ilawlawag no apay. Palagipan dagiti amin nga itugotda ti house-to-house record no rummuarda idiay tay-ak ti serbisio.
20 min: “Ipakita iti Talek ken Jehova Babaen ti Panagpayunir.” Narayray a saludsod-ken-sungbat a panangkobre babaen iti manangaywan ti serbisio. Interbio iti maysa wenno dua a payunir, a mailawlawag dagiti rag-o a nagun-odan bayat a naparukma dagiti pakarigatan. Maisarita no ania dagiti naaramidan ti lokal a mangitukon iti praktikal a tulong kadagiti payunir.
Kanta 14 ken pangserra a kararag.
LAWAS TI ABR. 30–MAYO 6
8 min: Lokal nga anunsio. Palagipan dagiti amin nga isubmiteda a nasapa dagiti reportda iti Abril. Maited ti pammaregta kadagiti nagserbi nga auxiliary payunir iti Abril nga usigenda ti panangituloyda agingga iti Mayo ken Hunio no ipalubos ti kasasaadda. Mainterbio ti maysa nga auxiliary payunir a naragsakan iti aktibidad iti Abril ken planona nga itultuloy.
17 min: Panangdanon iti Puso Dagiti Agtutubo. Ilawlawag ti maysa a panglakayen iti apagbiit dagiti puntos manipud kadagiti publikasion a nangruna a nadisenio a tumulong iti agtutubo. Mainayon iti regular a panagadal ti pamilia, magunggonaan dagiti miembro ti pamilia iti espiritual a diskusion no patauden dayta dagiti okasion. Idemostra iti diskusion ti pamilia nga ti ama ket addaan iti nabara a relasion kadagiti annakna. Ti diskusionda isut’ maysa nga impormal a panagsusukat iti komento, saan a saludsod-ken- sungbat a sesion. Maysa nga anak iti pamilia ti agsaludsod no mabalinna ti makiay-ayam iti basketball kadagiti kaarubada nga ubbing. Mapataud ti material iti pinanid 64-7 iti Iyimtuod ti Agtutubo a libro. Iyimtuod ti naganak dagiti makasukisok a saludsod tapno matinung no ti ubing ket maawatanna ken umanamong iti Nainkasuratan a prinsipio a nasaklaw. Maigunamgunam a dagiti nadekket a gagayyem ket saan a kanayon a kaedad. Pilien dagiti agtutubo a nakabasan iti dayta a benneg ti libro, ket ammuen no ania iti obserbasionda. Paitudo kadakuada no apay a makatulong daytoy a material. Maparegta dagiti agtutubo a basaenda daytoy a libro, nga maipaganetget iti panagkasapulan dagiti nagannak ti panangkabisado iti linaonna tapno mabalinda nga iraman dagiti maitutop a puntos iti diskusion ti pamilia.
20 min: “Agmasiribkayo—Iyaplikaryo Dagiti Bambanag a Maadalyo.” Palawag a makiraman dagiti timmabuno babaen iti maysa a makabael a panglakayen. Maigunamgunam iti importansia ti panangipapuso iti maadal ken iyaplikar iti disiplina ti bagi tapno maalagad a personal iti bibiagtayo. No malawlawagan iti parapo 9, idemostra iti ababa no kasano a maaramid ti sarungkar iti timmabuno ti Memorial tapno tulongan a mangiyaplikar iti naadalna. Iti parapo 10, mailawlawag ti lokal nga urnos iti panangtulong kadagiti iregular ken inaktibo.
Kanta 123 ken pangserra a kararag.