Gimong a Mangtulong Kadatayo nga Agaramid Adalan
LAWAS TI HULIO 8-14
10 min: Lokal nga anunsio ken Dagiti Pakaammo manipud Ti Ministeriotayo iti Pagarian.
20 min: “Situtured a Mangidanon iti Imbitasion nga ‘Umayka’!” Saludsod ken sungbat a diskusion ken demostrasion. Makobrian ti material iti artikulo, a mailawlawag iti aplikasion ti teksto iti tawen, ti Apocalipsis 22:17. Maiparang dagiti dua a demostrasion a mangisingasing iti wagas ti panangitukon iti broshur idiay lokal a teritoria.
15 min: “Makaregular Payunirkayo Kadi Manipud iti Setiembre?” Narayray a palawag iti artikulo babaen ti maysa a panglakayen. Interbio iti maysa wenno dua a nagserbi a kas auxiliary payunir iti daytoy a tawen ken nakaplano nga agregular payunir wenno aniaman nga aramidenda a pangpalawa iti ministerioda iti sumuno a tawen ti serbisio. Dagidiay mayat a mangrugi nga agregular payunir iti Setiembre ti masapul a mangiyawat kadagiti aplikasionda iti Agosto 1.
Kanta 100 ken pangserra a kararag.
LAWAS TI HULIO 15-21
10 min: Lokal nga anunsio. Report iti kuenta. Basaen ti ebkas iti panagyaman ti Sosiedad iti naited a pinansial a suporta.
20 min: “Panangipakita ti Personal nga Interes iti Sabsabali.” Saludsod ken sungbat. Mausig a kadua ti kongregasion no ania dagiti maaramid iti lokal a maiyaplikar dagiti impormasion.
15 min: Diskusion iti “Saludsod” nga imatonan iti manangaywan ti pagadalan.
Kanta 177 ken pangserra a kararag.
LAWAS TI HULIO 22-28
10 min: Lokal nga anunsio. Mailawlawag iti maysa wenno dua a puntos manipud kadagiti agdama a magasina.
20 min: “Panangiparang ti Naimbag a Damag—Babaen ti Magasina iti Masansan a Mawanas a Teritoria.” Saludsod ken sungbat. No mausig iti parapo 3, paidemostra iti maysa a nakasagana a naimbag nga agtutubo ti agdama a magasina no kasano a dagiti agtutubo nga agibumbunannag ket makasaoda dagiti bumalay ken maidatag iti literatura. Mabalinna a kunaen: “Ti naganko ket ______. Immayak a mangyeg iti napateg nga pakaammo maipapan iti [maited ti suheto wenno titulo]. Nagragsakak daytoy a punto. [Ipakita ti masinnunuo a punto wenno mailawlawag iti ilustrasion.] Natulongannak a [mailawlawag no kasano a nagunggonaan], ket patiek a pagragsakanyo met. Ibatik daytoy a magasina kadakayo babaen iti bassit a kontribusionyo.”
15 min: “Ipangpangruna ti Dios iti Biag ti Pamiliayo!” Palawag a naibasar iti Ti Pagwanawanan, Mayo 15, 1991, pinanid 4-7.
Kanta 216 ken pangserra a kararag.
LAWAS TI HUL. 29–AGO. 4
10 min: Lokal nga anunsio. Teokratiko a Damdamag.
20 min: “No Kasano a ti Index Gunggonaanna iti Pamilia.” Saludsod ken sungbat a panangkobre iti material. No mausig iti parapo 2, paidemostra iti agasawa ti panangusar iti Index, a maisitar dagiti nagduduma a subtema a makapainteres iti baba ti paulo a “Marriage.”
15 min: Lokal a kasapulan wenno Importansia iti Impormal a Panangasaba. Interbio iti dua wenno tallo nga agibumbunannag no kasano a naawatda ti kinapudno babaen iti impormal a panangasaba. Maparegta ti kongregasion a naaresga iti gundaway a mangasaba iti impormal.
Kanta 14 ken pangserra a kararag.
LAWAS TI AGOSTO 5-11
10 min: Lokal nga anunsio, agraman dagiti urnos idiay tay-ak ti serbisio.
20 min: Agsaganakayo a Naimbag a Maipaay iti Tay-ak ti Ministerio. Palawag babaen ti maysa a panglakayen nga epektibo iti tay-ak ti ministerio. Malawlawagan iti Efeso 6:18, 19, a maipakita a ni Pablo ket kiniddawna kadagiti kakabsat nga ikararagda a ti abilidad nga agsao ket maited kenkuana. Kasapulan met ti umasping a kararag a maipaay kadatayo ken iti maysa ken maysa. Pagsaritaan ti panagkasapulan iti iskediol ti tiempo a panagsagana, agpadpada iti tunggal maysa ken kas grupo iti pamilia. (1 Cor. 14:40) Addaan dagiti dadduma iti sesion ti panaginsayo a kadua dagiti agdadamo. Kalpasanna, bayat ti panagkukuyogda idiay tay-ak, pagsaritaan dagiti nagduduma a kapadasanda kadagiti situasion. (sg p. 39, par. 3) Usaren ti libro a Panakirinnason a malawagan dagiti introduksion a maitutop iti lokal a teritoria ken dagiti wagas a pangsango kadagiti pangontra. No marigatankayo kadagiti dadduma a benneg ti ministerio, iyurnosyo ti makikuyog kadagiti napnuan kapadasan nga agibumbunannag ken payunir tapno umawatkayo iti tulong.
15 min: Palawag iti “Maragsakankay Kadi iti Adu nga Aramidenyo?” manipud iti Mayo 15, 1991 a Pagwanawanan, pinanid 28-30.
Kanta 72 ken pangserra a kararag.