Panangirugi ti Saritaan no Agsarungkarkayo
1 Tapno epektibokayo a makisao iti maysa a tao a nangipakita ti interes, padasenyo a nayonan daydi napagsaritaan idi damo nga ipapanyo. Ti panggep isut’ panangtulong iti tao a mangipateg ti kapanunotan ken literatura a naibati kenkuana iti napalabas.
2 Itiempoyo ti agsagana a maipaay iti sarungkar. Pilienyo dagiti makaallukoy ti interes a komento nga adda iti publikasion a dakamatenyo. Tingitingenyo dagiti sumaruno a tema no agsarungkarkayo kadagiti naipaimayo a Worldwide Security a libro.
3 Ania a kasasaad iti masanguanan ti manamnama ditoy daga no isut’ agnanayon a taeng ti tao? Daytoy a diskusion ti naibasar iti Isaias 11:6-9 ken 65:25, kas nailawlawag iti Worldwide Security a libro iti pinanid 172-5.
Ti saritaan isut’ mairugi babaen ti panagkuna:
◼ “Idi damo a simmarungkarak, napagsaritaantayo no kasano a pinanggep ti Dios daytoy daga nga agtaeng iti agnanayon. Ngem nangibatiak idi ti saludsod a pagpanunotanyo nga: Anianto a kasasaad iti agrangpaya sadiay? Ragsakek nga iranud iti apagbiit kadakayo no ania ti maisungbat iti Biblia.”
4 No aniat’ aramiden tapno masagrap ti biag iti sidong ti Pagarian ti Dios. Daytoy a tema ti mabalin a maputar babaen iti panangusar ti Juan 17:3 ken Jeremias 31:34, kas nailawlawag idiay Worldwide Security a libro iti pinanid 119-20.
Kas pangrugi, mabalinyo a kunaen:
◼ “Maragsakanak iti saritaantayo maipapan ti kari iti Dios a mamagpatingga ti kinadakes. [Kiddawen iti bumalay nga iruarna ti Worldwide Security a librona.] Ti maysa a saludsod a pakaseknan iti tunggal maysa kadatayo isu daytoy, Ania ti aramiden tapno magunggonaantayo manipud iti daytoy a panagbalbaliw? Siputanyo no ania ti nakuna ni Jesus iti Juan 17:3, kas nakotar iti libroyo dita panid 120.”
5 Ania a kasapulan ti mapennek idiay Paraiso a daga? Mabalinyo nga usaren ti Salmo 65:9-13 ken 72:16 wenno Isaias 11:6-9 ken 65:25. Naaramid ti maitutop a komento idiay Worldwide Security a libro iti pinanid 174-5.
Ti panglukatyo a sasao ti mabalin a kastoy:
◼ “Idi addaak ditoy iti napalabas [maited ti aldaw], napagsaritaantayo iti kari ti Dios a pagungarenna dagiti natay iti Paraiso a daga. Ania ti sumagmamano a bendision a malak-aman sadiay? Ibaga kadatayo dayta libroyo.” Basaen iti maysa wenno dua a teksto manipud Biblia ken ti komento manipud iti libro, nalabit idiay parapo 7-10.
6 Adu dagiti tattao a mangipakita ti interes iti damag ti Pagarian nga ikasabatayo. Gapuna, sarungkaranyo amin dagidiay addaan ti interes, ken padasenyo nga isuro kadakuada iti kinapudno.—Mat. 10:11; 28:19, 20; Juan 21:17; Apoc. 22:17.