Isaganayo ti Panangiparangyo iti Marso
1 No itukonyo ti Saludsod iti Agtutubo a libro las-ud ti Marso, nalabit a maseknankayo no kasano a mausar ti maysa a nainkasuratan a tema a mangiyammo iti daytoy. Awan duadua a masarakanyo a praktikal nga adalen iti maysa wenno amin dagitoy sumaganad a panangiparang.
2 Ti Daga—Manayon a Taeng ti Tao: No kayatyo a rugian ti saritaan kadagiti agtutubo a maseknan maipapan iti daga ken ti aglawlawna, padasenyo daytoy tema a “Ti Daga nga Agtalinaed ti Agnanayon kas Taeng iti Sangatauan.” Dagiti kasuratan a mabalinyo nga usaren isut’ Isaias 45:18 wenno Eclesiastes 1:4. Ti tema ken dagiti kasuratan isudat’ masarakan idiay Saludsod iti Agtutubo a libro iti pinanid 306-7, parapo 3-5.
3 Kalpasan a maiyammoyo ti bagiyo, mabalinyo a kunaen:
◼ “Simmarungkarak iti apagbiit tapno mailawlawagko kadakayo ti maysa a banag a pakaseknantayo unay. Ti daga isut’ taengtayo, ket awan duadua a maseknankayo maipapan iti pannakadadaelna. Adda kadi makitayo a solusion iti dayta a problema? [Agsarimadengkayo a maipaay iti komentona.] Iti ababa, kayatko nga ipakita kadakayo no ania ti makuna iti Biblia maipapan ti masanguanan iti daga ditoy Eclesiastes 1:4.” Basaen ti teksto, ken maipakita dagiti komento idiay parapo 3 aginggat’ 5 iti pinanid 306-7 ti Saludsod iti Agtutubo a libro.
4 Maikkat ti Kinadakes: Tapno maallukoy dagiti tattao a maseknan maipapan ti krimen ken kinaranggas, mabalinyo nga usaren iti tema a “Maikkat iti Kinadakes Tapno Dagidiay Agayat ti Dios ket Masagrapda iti Biag ken Talna.” Usaren ti Salmo 37:2, 9-11, parapo 4, iti Saludsod iti Agtutubo a libro.
5 Sumaruno iti introduksionyo, mabalinyo a kunaen:
◼ “Pagarupenyo kadi a dumteng ti tiempo a saantayon nga agsagaba iti krimen ken kinaranggas? [Palubosanyo a sumungbat.] Itudo ti Biblia iti agnanayon a solusion ditoy Salmo 37:2, 9-11.” Basaen ti teksto ken ukagen iti panid 216 idiay Saludsod iti Agtutubo a libro tapno basaen ti parapo 4.
6 Ti Namnama a Panagungar: Idinto ta masansan nga adda dagiti pumusay nga ay-ayaten, makaliwliwa no pagsaritaan iti topiko a “Ti Turay iti Pagarian Isublina ti Biag Dagiti Ingongoten a Minatay iti Sidong ti Paraiso a Kasasaad.” Mabalinyo a dakamaten iti Juan 5:28, 29 wenno Aramid 17:31 ken ipakita dagiti komento ti topiko ken kasuratan idiay Saludsod iti Agtutubo a libro, panid 132, parapo 1.
7 Mabalinyo a rugian idiay maikadua nga introduksion iti baba ti “Kinalakay/Ipapatay” iti “Panakirinnason” a libro ken kunaenyo:
◼ “Sagpaminsan a malagiptayo dagiti ingongotentayo a pimmusay. Ngem mariknayo aya a makitayo manen ida iti masakbayan? [Palubosanyo nga agkomento.] Adu a tattao ti masdaaw a makaadal nga iti Sao ti Dios inkarina iti panagungar ditoy mismo a daga.” Kalpasanna usarenyo ti Juan 5:28, 29 wenno Aramid 17:31, ken parapo 1 idiay panid 132 ti Saludsod iti Agtutubo a libro.
8 Agsagana ken usarenyo iti maysa wenno amin dagitoy a panangiparang bayat daytoy a bulan. No bassit ti maipakita nga interes, itukonyo iti maysa a tract a naglaon ti maikanatad a suheto.