Gimong ti Serbisio iti Abril
Lawas ti Abril 6-12
5 min: Lokal nga anunsio. Maiyilustrar no kasano a dagiti artikulo ti agdama a magasina ket mausar iti panagmagasina inton Sabado. Maisingasing met dagiti mapagsaritaan a puntos no maitukon ti suskripsion iti Domingo.
15 min: “Panangiparang a Makaallukoy iti Sungbat.” Diskusion babaen ti nasanay a panglakayen ken dua wenno tallo a payunir wenno agibumbunannag. Mausig dagiti nagduduma a praktikal nga iyaasideg iti lokal a teritoria. Maiyurnos ti maysa a maidemostra a presentasion babaen dagiti dua a miembro iti grupo.
15 min: “Ti Kangrunaan nga Aldaw iti 1992.” Saludsod ken sungbat a panangkobre iti artikulo. Narayray a pannakaiparang a mamaregta iti kongregasion a maaddaan ti espiritu iti daytoy kangrunaan nga aldaw ti tawen. Mailawlawag ti importansia iti maaramid nga urnos a sarunuen ti naipakita nga interes dagiti tattao a tumabuno iti Memorial ti umuna a daras. Paregtaen dagiti agibumbunannag a sipapanunot a mangablaaw kadagiti agdadamo a maitukon ti panagadal iti Biblia no awan pay laeng ti mangidadaulo iti dayta kadakuada. Idemostra ti ababa no kasano a maaramid ti naingayyeman nga iyaasideg iti maysa a timmabuno ti Memorial.
10 min: “Aramidenyo Daytoy a Panglaglagip Kaniak.” Palawag ti mangidaulo a manangaywan a makiraman dagiti dumdumngeg. Mairaman ti material iti kahon.
Kanta 15 ken pangserra a kararag.
Lawas ti Abril 13-19
10 min: Lokal nga anunsio ken Dagiti Pakaammo iti Ti Ministeriotayo iti Pagarian. Paregtaen dagidiay nakaplano iti auxiliary payunir inton Mayo a mangalada ti aplikasion ken itedda iti mabiit. Dagidiay aggigimong ti serbisio sakbay iti Biernes masapul nga itedda ti maudi a detalye ti urnos iti Memorial agraman pammaregta kadagiti adu a mabalin a tumabuno.
15 min: “Ipakaammoyo Dagiti Pannakilangen ni Jehova.” Saludsod ken sungbat a diskusion. Sibabara a paregtaen dagiti amin a makitunosda a mangaramid iti Abril ken Mayo kas espesial a bulbulan iti aktibidad. Mainterbio ti maysa wenno dua nga auxiliary payunir iti daytoy a bulan a saludsoden kadakuada no kasano ti panagriknada iti trabahoda. Pilien dagidiay nasayaat iti resulta ti serbisioda.
20 min: “Sarunuen ti Interes nga Awanan Taktak.” Saludsod ken sungbat a diskusion.
Kanta 19 ken pangserra a kararag.
Lawas ti Abril 20-26
10 min: Lokal nga anunsio. Report iti kuenta. Mairaman ti subalit iti Sosiedad kadagiti donasion. Komendaran dagiti kakabsat a nangalagad iti Deuteronomio 16:17. No adda agibumbunannag a saan pay a rimmuar iti serbisio bayat daytoy a bulan, maipaay ti espesial a tulong kadakuada a makiraman sakbay nga agngudo iti Abril.
20 min: “Ania Ti Sawek a Pangtukay iti Mainayon nga Interes?” Maidatag iti dua wenno tallo a nasayaat ti pannakasanayda a demostrasion. Kalpasan iti tunggal maysa, ammuen kadagiti timmabuno no apay a mariknada a ti naiparang ket epektibo a pangpainteres iti bumalay.
15 min: “Pumigsakayo iti Naespirituan, Agtalinaedkayo a Nadalus iti Serbisio ni Jehova.” Saludsod ken sungbat a panangusig iti parapo 1-7 ti insert a mangrugi iti panid 3. No mapagsaritaan ti parapo 3, madakamat iti lokal a timmabuno ti Memorial idi Abril 17 ken maanalisar no kasano nga adu pay iti interesado a mabalin a tulongan a makitimpuyog a regular ken maikari kas agibumbunannag ti naimbag a damag iti masakbayan.
Kanta 123 ken pangserra a kararag.
Lawas ti Abr. 27–Mayo 3
10 min: Lokal nga anunsio. Teokratiko a Damdamag. Maudi a pammaregta ti panangusig nga agserbi kas auxiliary payunir iti Mayo. Palagipan dagiti amin nga iteddan a dagus dagiti reportda ti Abril iti ngudo ti bulan tapno maipatulod iti Sosiedad a saan a naladladaw ngem ti Mayo 6.
15 min: “Pumigsakayo iti Naespirituan, Agtalinaedkayo a Nadalus iti Serbisio ni Jehova.” Saludsod ken sungbat a panangusig iti parapo 8-11 ti insert iti Ti Ministeriotayo iti Pagarian. Maipaganetget ti singgalut iti kinabileg ti naespirituan ken panagtalinaed a nadalus nga agserbi ken Jehova, a mausar dagiti tallo a puntos idiay parapo 11. Maiyaplikar iti lokal.
20 min: Palawag a naibatay iti Nobiembre 1, 1991, nga artikulo ti Pagwanawanan, “Apresiarenyo Kadi ti Naindagaan nga Organisasion ni Jehova?” Pabilgen iti pammati ken talek ti kongregasion iti organisasion.
Kanta 213 ken pangserra a kararag.