Gimong ti Serbisio iti Agosto
Lawas ti Agosto 10-16
10 min: Maitutop a Dagiti Pakaammo manipud Ti Ministeriotayo iti Pagarian ken lokal nga anunsio. Mailawlawag met iti dua a masinnunuo a mapagsaritaan a puntos a mausar no maidatag iti kaudian a Ti Pagwanawanan.
20 min: “Aramatenyo Dagiti Broshur a Mangiranud iti Namnama ti Pagarian.” Saludsod ken sungbat a diskusion; demostrasion. Pakaammuan ti kongregasion iti maala a broshur idiay stock, ken kiddawen iti komento manipud timmabuno maipapan iti broshur a maitutop unay idiay lokal a teritoria. No mausig iti parapo 9, idemostra no kasano a maitutop ti broshur a maitukon nga impormal iti maysa a kaaruba, ti maysa a katrabaho, ken iti uray sadino. Kas ipalubos ti tiempo, maaddaan kadagiti nasakbay a natudingan nga agibumbunannag a mangistoria iti kapadasanda a nangusar ti broshur. Sirarayray a maparegta dagiti kakabsat a maaddaan ti naan-anay a pannakiraman a mangitukon kadagiti broshur bayat ti Agosto.
15 min: Amin a Tiempo a Serbisio—Naimbag a Gundaway a Makipagna iti Dios. (Mik. 6:8) Makabael a panglakayen wenno ministerial nga adipen, a no mabalin adda iti amin a tiempo a serbisio, ti mangted iti makaparegta a palawag maipapan ti panagpayunir. Mabalin nga usaren ti kapadasan iti maysa a kabsat a babai idiay Italia iti artikulo a “Ti Panangsapulko iti Kinabituen kas Sumasala” iti Agriingkayo! a Hunio 22, 1992 a kas pammaregta ti panagpayunir. Interbio iti maysa wenno dua a payunir tapno makaalada ti praktikal a singasing a tumulong kadagiti agibumbunannag ti kongregasion nga agpanunot a serioso maipapan iti panagpayunir. Ti baro a tawen iti serbisio ti kasayaatan a tiempo a mangrugi. Dagidiay mangrugi iti Setiembre 1, 1992, mabalin a maikarida a tumabuno iti Pioneer Service School iti 1993.
Kanta 165 ken pangserra a kararag.
Lawas ti Agosto 17-23
10 min: Dagiti lokal nga anunsio. Report iti kuenta. Teokratiko a Damdamag. Palagip iti kongregasion maipapan ti urnos a maipaay iti tay-ak ti serbisio.
20 min: “Panangisilpo ti Introduksiontayo iti Literatura.” Ababa a palawag ken demostrasion. Maiyurnos ti agtutubo nga agibumbunannag a mangidemostra iti Nainkasuratan a presentasion a mausar ti singasing a naiwayat iti parapo 2. No maiyammo ti Isaias 65:21-23, usaren ti iyaasideg a naituyang iti parapo 5. Sabali nga agibumbunannag ti mabalin a mangidemostra iti “Adtoy!” a broshur, a maisinggalut dagiti singasing idiay parapo 3 ken 4. Iti agpada a kaso igunamgunam ti tserman no kasano a maisilpo iti presentasion idiay tukon a literatura. Iti maysa a demostrasion maipakita no kasano nga agtultuloy ti agibumbunannag no awan iti aniaman nga interes nga ipakita ti bumalay. Maipalagip iti kongregasion nga alaenda dagiti abastoda a broshur ken magasina kalpasan iti gimong.
15 min: Saludsod Maipapan ti Armagedon. Palawag a nangkobre ti material manipud Panakirinnason a libro, pinanid 41-6.
Kanta 137 ken pangserra a kararag.
Lawas ti Agosto 24-30
15 min: Dagiti lokal nga anunsio. Malawagan ti report iti serbisio ti kongregasion idi Hulio, a maited ti komendasion ken kasapulan a pammaregta iti panagrang-ay. Maitudo no kasano a maisarming ti teksto iti tawen ken dagiti konteksto a tumulong kadatayo a mangsarak iti pudno a ragsak bayat a makiramantayo iti serbisio ti tay-ak ken makitimpuyog iti kongregasion. (Roma 12:9-16) No ipalubos ti tiempo, maisingasing iti maysa wenno dua a maiparbeng a puntos a mausar a pagsaritaan idiay tay-ak ti serbisio bayat iti ngudo ti lawas.
15 min: “Ituktukonyo Aya iti Panagadal ti Biblia?” Saludsod ken sungbat a diskusion a sarunuen dagiti napili a kapadasan a mangipakita no kasano a ti panagadal iti Biblia ket mairugi bayat ti umuna a dupag wenno inton maaramid iti sarungkar.
15 min: Dagiti lokal a kasapulan. wenno interbio iti tallo wenno uppat nga agibumbunannag maipapan iti no ania ti nakaallukoyanda iti kinapudno. Mabalinda nga iraman dagiti lapped a naparukmada.
Kanta 184 ken pangserra a kararag.
Lawas ti Ago. 31–Set. 6
10 min: Dagiti lokal nga anunsio. “Saludsod.” Mabalin a ti manangaywan iti serbisio ti madutokan a mangimaton iti daytoy a paset.
20 min: “Panangkultibar ti Interes iti Damag ti Pagarian.” Kalpasan ti ababa nga introduksion, maidemostra ti panagsarungkar iti (1) tao a nangawat iti broshur a Gobierno, (2) tao a nangipakita ti interes ngem saan a nangala iti literatura, ken (3) tao a nangawat iti “Adtoy!” a broshur. Iti kada kaso maipasdek ti pundasion iti sabali a sarungkar.
15 min: Palawag iti artikulo nga “Agimtuod Dagiti Agtutubo . . . Apay Nasken a Naidumaak?” iti Agriingkayo! a Hunio 8, 1992, pinanid 16-18. Masapul nga iturong ti ispiker a nangnangruna daytoy kadagiti agtutubo idiay pagadalan, a tulongan ida a saan a paallukoy iti gartem a panagbalin a popular kadagiti kaadalan ngem imbes a kasta ipakitada iti naimbag a kondukta no kasano nga agtignay ti pudno a Kristiano, a ti prinsipio a nailawlawag ket agaplikar iti amin a Kristiano, saan laeng a dagiti agtutubo.
Kanta 157 ken pangserra a kararag.