Tulongan Dagiti Marakarnero a Tattao a Maibangon iti Natibker Pundasion
1 Ti panangbangon iti balay kasapulanna ti naannad a plano ken naipamaysa a regta. Kalpasan a madisenio ti balay, masapul a maisagana iti pagtakderanna ken mapuesto ti natibker a pundasionna. Naprogreso a matubay ti proyekto agingga nga iti kamaudiananna ket makompleto. Kaaspingna, masapul a tulongan dagiti marakarnero a tattao a makaadal ti kinapudno a sipoprogreso. Ikagumaantayo a riingen ti interesda iti umuna a sarungkar. Kalpasanna, agsublitayo, nga ipuesto ti pamuon babaen iti pamunganayan a sursuro maipapan iti Dios ken ti panggepna iti sangatauan.—Luc. 6:48.
2 Bayat ti bulan iti Nobiembre itukontayo ti libro nga “Agbiag nga Agnanayon” kadagiti interesado a tattao. Ti kalattayo isut’ saan laeng a maipaima iti literatura ngem apaman a naibatitayo ti maysa a banag iti maysa a tao, tract wenno sabali a publikasion masapul nga interesadotayo a sumubli tapno maisaad ti pundasion. No agsarungkartayo kayattayo a maadda ti masinunuo a puntos iti panunot, ken sipoprogreso nga ipasdek ti pamuon. Iti kada sarungkar ti pannakaammo iti bumalay isut’ umadu ket ti pammatina iti Dios ti rumang-ay.
3 No makapaimakayo ti “Agbiag nga Agnanayon” a libro ket agsarungkarkayo mabalinyo a kunaen:
◼ “Maragsakanak a nakadanon kadakayo iti taengyo. Mabalin a malagipyo pay a daydi naudi a diskusiontayo, nausigtayo maipapan iti panagbahada ti interes iti Dios ditoy lugaryo. Sibabatad iti panangituyang ti Dios iti interesna a maipaay ti sangatauan ket dagiti nalinteg iti mabendisionanto babaen ti Pagarian. [Basaen ti Mateo 6:9, 10.] Babaen iti Pagarian, ti kinalinteg ken kinahustisia isudat’ agrangpaya.” Basaen ti Isaias 11:3-5, kalpasanna awisen iti asikaso ti bumalay idiay umuna a dua a parapo iti kapitulo 1 ti Agbiag nga Agnanayon a libro. Idemostra no kasano a maadal ti material.
4 No ti Natalna a Baro a Lubong a tract ket naipaima iti umuna a sarungkar, ti kangrunaan a puntos a nausig iti napalabas, ti mabalin a marepaso. Maigunamgunam nga tapno agbiagtayo iti maysa a baro a lubong, masapultayo ti gumun-od iti umiso a pannakaammo. Basaen ti Juan 17:3. Mailawlawag a kalpasan a magun-odan ti kasta a pannakaammo, masapul nga aramiden iti pagayatan ti Dios. Basaen ti 1 Juan 2:17. Awisen iti asikaso ti bumalay iti masinunuo a puntos manipud panid 5 ti tract.
5 No ti suheto iti biag ti pamilia isut’ malawagan no ipaima iti “Agbiag nga Agnanayon” a libro, no sumarungkarkayo, mabalinyo a kunaen:
◼ “Iti daydi damo nga iyaayko, nalawagantayo iti suheto maipapan ti biag iti pamilia. Naganamongantayo a tapno maadda ti naragsak a biag iti pamilia, ti giya a masarakan iti Biblia ti masapul a masurot. Ania ti pagarupenyo a kasapulan tapno agballigi iti panagasawa?” Palubosan a sumungbat. Mailawlawag dagiti matudo a puntos manipud ti salaysay a naibalabala iti pinanid 243-6 iti Agbiag nga Agnanayon a libro. Kiddawen iti bumalay ti komentona kadagiti ilustrasion ken napili a puntos kas maiparbeng.
6 No makaibatikayo iti Tagiragsaken ti Biag iti Pamilia a tract, inton sarungkaranyo repasuenyo dagiti panulbek a prinsipio ti Biblia a naibinsabinsa iti pinanid 4 ken 5. No mangipakita iti interes, itukon ti Agbiag nga Agnanayoin a libro. Itudo iti kapitulo 29, “Panamagballigi ti Biag ti Pamilia,” ken ipakita no kasano a daytoy ket mausig a kadua ti bumalay ken iti pamiliana.
7 Amintayo ti masapul a maaddaan ti regular a paset iti panagsarungkar. Sarunuen dagiti amin a maipakita nga interes babaen ti maaramid nga epektibo a panagsarungkar bayat ti Nobiembre.