Gimong ti Serbisio iti Oktubre
Lawas ti Oktubre 2-8
10 min: Dagiti lokal nga anunsio. Napili a Pakaammo manipud Ti Ministeriotayo iti Pagarian. Paregtaen ti amin a mangidulin iti kopiada a “Theocratic Ministry School Schedule for 1996” a naikuyog iti daytoy a ruar Ti Ministeriotayo iti Pagarian. Maidulin iti lugar a nalaka a maala agpaay a reperensia bayat ti 1996.
15 min: “Kanayon nga Idayawyo ni Jehova.” Saludsod ken sungbat. Igunamgunam ti aplikasion dagiti naisitar ken naadaw a teksto ti Kasuratan.
20 min: “Itukonyo Dagiti Magasin iti Kada Okasion.” Ilawlawag dagiti kangrunaan a punto, sa repasuen dagiti artikulo kadagiti kaudian a ruar a mabalin a mausar iti pannakaitukonda. Mangiparang iti dua wenno tallo a presentasion.
Kanta 153 ken pangserra a kararag.
Lawas ti Oktubre 9-15
10 min: Dagiti lokal nga anunsio. Report ti kuenta.
15 min: Lokal a kasapulan. Wenno palawag ti maysa a panglakayen iti, “Panangilaksid—Maysa Aya a Naayat a Probision?” a naibasar iti Hulio 15, 1995, a Pagwanawanan, pinanid 25-7.
20 min: “Siririingtayo Kadi—A Manglikliklik Kadagiti Pakasingaan?” Saludsod ken sungbat. No ipalubos ti tiempo, mangaramid iti kanayonan a komento iti Mayo 1, 1992, a Pagwanawanan, pinanid 20-2.
Kanta 128 ken pangserra a kararag.
Lawas ti Oktubre 16-22
10 min: Dagiti lokal nga anunsio. Ipalagip ti maipapan iti bokleta a Good News for AII Nations, a mangipaay kadagiti presentasion iti ruruangan iti 59 a nagduduma a pagsasao. Maiparegta ti panangusar iti daytoy a bokleta no makasaritayo dagiti tattao a ganggannaet ti pagsasaoda iti teritoria.
15 min: Sisasaganakay Koma a Mangliwliwa Kadagiti Agladladingit (naibatay iti pinanid 170-72 [p. 102-4 iti Ingles] iti libro a Panakirinnason). (3 min.) Ilawlawag ti kabsat a makimpaset a saan nga ilaksid dagiti Saksi ni Jehova amin a kustombre a nainaig iti ipapatay. (5 min.) Idemostra no kasano nga ilawlawag ti Saksi iti katrabahuanna no apay a liklikantay dagiti nakayugalian a kustombre a panagdung-aw kadagiti natay, nga ibatay ti panagsasarita iti pinanid 170-71 (p. 102-3 iti Ingles) iti libro a Panakirinnason. (7 min.) Pakisaritaan iti agdengdengngeg ti paset iti babaen ti “No Adda Agkuna—” iti pinanid 171-2 (p. 103-4 iti Ingles).
20 min: “Panagsarungkar nga Addaan Panggep.” Pagsasaritaan ti kalattayo a panagsarungkar. Paiparang kadagiti makabael nga agibumbunannag ti dua a nagduma a presentasion. Pailawlawag iti maysa nga agibumbunannag no kasano a maigastuan daytoy a trabaho.
Kanta 130 ken pangserra a kararag.
Lawas ti Oktubre 23-29
10 min: Dagiti lokal nga anunsio. Teokratiko a Damdamag.
15 min: “Kasapulantayo ti Kongregasion.” Saludsod ken sungbat.
20 min: Iturong ti Interes iti Organisasion. Idauluan ti manangaywan ti serbisio ti panagsasarita dagiti dua wenno tallo nga agibumbunannag, nga usaren ti broshur a Dagiti Saksi ni Jehova—Agkaykaysa a Mangar-aramid ti Pagayatan ti Dios iti Sangalubongan. Ilawlawag no apay a makagunggona a maipaawat kadagiti interesado no kasano nga agandar ti organisasion, no kasano a mayurnos dagiti nagduduma nga aktibidad, ken no kasanoda a mairaman. Repasuen dagiti punto manipud pinanid 14 ken 15 iti “Gimgimong a Mangparegta iti Ayat ken Kadagiti Naimbag nga Ar-aramid.” Idemostra ti grupo iti ababa no kasano a mairaman daytoy a material iti saritaan kadagiti panagsarungkar wenno panangyadal iti Biblia a tumulong iti interesado a mangipateg iti kinanasken ti itatabuno.
Kanta 126 ken pangserra a kararag.
Lawas ti Okt. 30-Nob. 5
10 min: Dagiti lokal nga anunsio. Kadagiti sumungsungad a piesta ti lubong iti Nobiembre ken Disiembre, paregtaen ti amin a pagpampanunotanda ti panagpalista a kas auxiliary payunir.
15 min: Pinadasyo Kadin Dagiti Nayam-ammo a Tattao? Palawag. Nakairugi dagiti dadduma nga agibumbunannag kadagiti panangyadal iti Biblia babaen iti daytoy a wagas: Kalpasan ti sumagmamano a daras a panangyadal iti maysa nga interesado, saludsodenda kenkuana no adda ammona kadagiti gagayyem, kabagian, wenno kaam-ammona a nalabit interesado nga agadal iti Biblia. Masansan nga adda nagnagan a maited. Saludsodenyo no mabalin a dakamaten ti naganna no sarungkaran dagitoy a tattao. No agsarungkarkayo, mabalinyo a kunaen a “Ni Kua ket maragsakan unay a mangad-adal iti Biblia ket napanunotna a nalabit kayatyo met ti magunggonaan manipud iti libre a programami a panangyadal iti Biblia.” Mangted daytoy iti napateg a listaan dagiti panagsarungkar a mabalin a pagtaudan dagiti nabunga a panagadal iti Biblia. Iraman ti maysa wenno dua a kapadasan kadagiti agibumbunannag a nakasarak iti interesado a tattao wenno narugian ti baro a panagadal iti kastoy a wagas.
20 min: Panangitukon iti New World Translation Agraman ti Libro a Ti Biblia—Saot’ Dios wenno iti Tao? Bayat ti Nobiembre. Repasuen dagiti paset ti New World Translation idiay libro a Panakirinnason, pinanid 255-259. Basaen ti “Kayuloganna,” a mangilawlawag no apay a naparnuay. Sungbatanyo dagitoy a saludsod: Aniat’ nakaibatayan daytoy a patarus? Siasino dagiti nagipatarus? Talaga kadi a patarus dagiti eskolar daytoy? Apay a ti nagan a Jehova ket nausar iti Nakristianuan a Griego a Kasuratan? Kalpasanna ilawlawag no apay nga agyamantayo iti kaadda daytoy a patarus. (Kitaen ti libro nga “Amin a Kasuratan,” panid 331, parapo 22 ken 23.) Paidemostra iti makabael nga agibumbunannag ti ababa a parang nga usarenna ti mangiruangan a komento ti kapitulo 14 iti libro a Ti Biblia—Saot’ Dios wenno iti Tao? panid 184. Palagipan ti amin a mangalada kadagiti kopia nga usarenda iti serbisio iti daytoy a lawas.
Kanta 138 ken pangserra a kararag.