Gimong ti Serbisio iti Abril
Lawas ti Abril 1-7
10 min: Dagiti lokal nga anunsio ken Dagiti Pakaammo manipud Ti Ministeriotayo iti Pagarian. Dakamaten ti aniaman a nagpaiduma a report maipapan ti panangrambakyo iti Memorial.
20 min: “Agbalinkayo a ‘Naregta iti Nasayaat nga Ar-aramid’ Bayat ti Abril!” Saludsod ken sungbat a panangsaklaw kadagiti parapo 1-10 babaen ti manangaywan ti serbisio. Ilawlawagyo (1) no ania ti lokal a naiplano a maipaay iti napalawa a serbisio ti tay-ak bayat ti Abril, (2) no kasano a matulongan amin a makiraman, ken (3) no kasano a mairaman dagiti agdadamo ken agtutubo.
15 min: “Biroken Dagidiay Siuumiso a Maikari.” Repasuen dagiti naisingasing a parang sa adda dua a demostrasion no kasanoda a mausar. No ipalubos ti tiempo, isalaysay dagiti sumagmamano a singasing iti panangitukon kadagiti magasin, a masarakan iti Enero 1996 a Ti Ministeriotayo iti Pagarian, panid 5.
Kanta 20 ken pangserra a kararag.
Lawas ti Abril 8-14
15 min: Dagiti lokal nga anunsio. Report ti kuenta; dakamaten ti subalit dagiti donasion a naawat manipud Sosiedad. Pagsaritaan dagiti praktikal a wagas a pangtulong kadagiti damo a timmabuno iti Memorial nga agprogreso iti naespirituan. Repasuen ti Abril 1, 1991, a Pagwanawanan, pinanid 9-12.
15 min: “Ipaay ti Sagrado a Serbisio iti Aldaw ken Rabii.” Saludsod ken sungbat. Basaen dagiti parapo 5 ken 6.
15 min: “Agbalinkayo a ‘Naregta iti Nasayaat nga Ar-aramid’ Bayat ti Abril!” Saludsod ken sungbat a panangsaklaw kadagiti parapo 11-15. Paregtaen amin a mangamiris iti bukodda a kasasaad ken mangsarak kadagiti wagas a mangnayon iti tulongda iti tay-ak ti ministerio.
Kanta 113 ken pangserra a kararag.
Lawas ti Abril 15-21
10 min: Dagiti lokal nga anunsio. Palagipan ti tallaong maipapan ti espesial a palawag publiko inton Abril 21, a napauluan “Panagtalinaed nga Awan Pakababalawanna iti Tengnga ti Nakillo a Kaputotan.” Paregtaen ida a mangigaed a tumulong iti tunggal maysa a tumabuno.
15 min: “Nagbalbaliwen Dagiti Tiempo.” Saludsod ken sungbat. Ipaganetget ti panangiparang iti mensahe ti Pagarian iti wagas a masungbatanna dagiti ad-adda a kasapulan ti tattao. Isingasing a dagiti dadduma nga isyu maipapan iti pamilia, emosion, ken kagimongan ket adda iti panunot dagiti adu a tattao, kas naipakita iti Enero 1, 1994, a Pagwanawanan, pinanid 22-3.
20 min: “Ti Pammati Sumaruno iti Banag a Nangngeg.” Ilawlawag no kasano a mausar dagiti naipaima a magasin a mangparayray iti interes a mangiturong kadagiti panagadal ti Biblia iti libro a Pannakaammo. Mangidemostra iti dua wenno tallo a parang.
Kanta 204 ken pangserra a kararag.
Lawas ti Abril 22-28
15 min: Dagiti lokal nga anunsio. Repasuen dagiti tampok a paset ti espesial a palawag a naited itay napan a ngudo ti lawas. Pagsaritaan no kasano a makagutugot daytoy a balakad kadagiti interesado a tumakder a sititibker iti pudno a panagdayaw. Kasta met, ipalagip a “Rumang-ay iti Umiso a Pannakaammo,” ken igunamgunam ti pateg ti regular nga itatabuno iti Panagadal ti Libro iti Kongregasion.
12 min: “Saludsod.” Palawag ti maysa a panglakayen. Ilawlawag no apay a liklikan koma dagiti kakabsat a mangidadaulo kadagiti gimong ti nasinged a panangawag iti indibidual babaen ti panangawag laeng iti naganda.
18 min: Panagsarita ti maysa a panglakayen ken ministerial nga adipen iti artikulo a napauluan “Dagiti Nadiosan a Pamilia iti Napalabas—Maysa a Pagtuladan iti Kaaldawantayo,” a masarakan iti pinanid 20-3 idiay Setiembre 15, 1995, a ruar Ti Pagwanawanan. Mangted ti praktikal nga aplikasion a manggunggona kadagiti lokal a pamilia.
Kanta 143 ken pangserra a kararag.
Lawas ti Abr. 29-Mayo 5
12 min: Dagiti lokal nga anunsio. Iladawan ti dadduma dagiti Saksi ni Jehova a kas “sekta” wenno “kulto,” a mangtikaw iti sabsabali maipapan iti aktibidad ken panggeptayo. Babaen ti panangusar iti libro a Panakirinnason, panid 375, ilawlawag no kasano a masumra dayta a pammabasol.
15 min: Agpapada a Panangwanas iti Teritoriatayo. Palawag ti manangaywan ti serbisio. Nalabit narasay a maasak dagiti nasayya ken adayo a lugar. Mabalin nga igagara dagiti dadduma a lisian a trabahuen dagiti lugar a nabaknang wenno relihioso unay dagiti tattao. Mabalin a mabaybay-an dagiti teritoria ti negosio. Paregtaen amin a makibinnulig a buyogen ti regget a mangwanas kadagiti di maas-asak a teritoria. Masansan a mangted iti naimbag a gundaway dagiti bulan ti kalgaw tapno matrabaho dagiti adayo nga aw-away. Siguraduenyo a naan-anay a nawanas dagiti teritoria sakbay a maisubli. Mangted iti sabsabali pay a praktikal a singasing a mangipakita no kasano a mabalin a makabadang amin iti kasayaatan a pannakawanas ti teritoriayo.
18 min: Itukon Ti Pagwanawanan ken Agriingkayo! Bayat ti Mayo. Itampok ti saggaysa a kopia wenno suskripsion. Idulinyo ti rekord dagiti amin a naipaima a magasin, a ragpaten nga ipasdek ti ruta ti magasin. Ipaganetget dagiti gunggona ti panagibunong ti magasin a kas maysa a kaepektibuan a pangidanon iti publiko iti mensahe ti Pagarian. Siguraduentayo nga adda abastotayo no intay iti serbisio; itukon dagitoy iti amin a gundaway. Nasayaat a wagas a pangpaadu iti maipaima dagiti personal nga urnos iti linawas nga Aldaw ti Magasin. Ti panagtrabaho iti pagtagilakuan ken panangasaba iti lansangan babaen kadagiti magasin ket nabunga met. Sarunuen ti interes babaen ti panagsarungkar a nairanta a pangirugi kadagiti panagadal, nga usaren ti libro a Pannakaammo. Idemostra ti maysa wenno dua nga ababa a panangiparang kadagiti agdama a ruar, nalabit nga usaren dagidiay masarakan iti Enero 1996 a Ti Ministeriotayo iti Pagarian, panid 3, parapo 3-5; basaen ti parapo 6.
Kanta 195 ken pangserra a kararag.