Gimong ti Serbisio iti Pebrero
Lawas ti Pebrero 3-9
10 min: Dagiti lokal a pakaammo ken Dagiti Pakaammo iti Ministeriotayo iti Pagarian. Teokratiko a Damdamag.
15 min: “Makiraman iti Trabaho a Saanton a Maulit.” Saludsod ken sungbat.
20 min: “Sigaganat a Panangiparang iti Naimbag a Damag.” (Parapo 1-5) Kalpasan ti ababa a komento iti parapo 1, ti kabsat a nakaitedan daytoy a paset ken ti dua wenno tallo nga agibumbunannag pagsasaritaanda ti parapo 2-5. Repasuenda dagiti kangrunaan a punto kadagiti naisingasing a presentasion ken komentuanda no apay a mabalin nga usaren dagitoy iti lokal a teritoria. Agsisinnublat dagiti agibumbunannag a mangensayo kadagiti presentasion. Mangted ti tserman iti komendasion, sa mangipaay kadagiti espesipiko nga ideya no kasano nga irugi ti panagadal iti libro a Pannakaammo.
Kanta 34 ken pangserra a kararag.
Lawas ti Pebrero 10-16
5 min: Dagiti lokal a pakaammo. Report ti kuenta. Paregtaen ti amin a tumabuno iti miting inton Domingo, Pebrero 16, para kadagiti agpalplano nga ag-auxiliary pioneer.
10 min: “Sigaganat a Panangiparang iti Naimbag a Damag.” (Parapo 6-8) Idemostra dagiti presentasion iti parapo 6-7.
30 min: “Kasapulan—20,000 nga Auxiliary Pioneer.” Saludsod ken sungbat a panangsaklaw ti manangaywan iti serbisio. Itampok ti kahon iti panid 3. Repasuen dagiti pagtuladan nga eskediul iti panid 6. Personal ken nainkararagan nga usigen koma ti tunggal bautisado nga agibumbunannag no kabaelanna ti agpalista iti maysa a bulan wenno nasursurok pay. Dagiti di bautisado nga agibumbunannag mabalinda a parang-ayen ti ministerioda babaen ti panangikeddeng no mano nga oras ti kalatda kada bulan.
Kanta 43 ken pangserra a kararag.
Lawas ti Pebrero 17-23
15 min: Dagiti lokal a pakaammo. Ilawlawag ti artikulo a “Tulong iti Umiso a Tiempo,” a dakamaten dagiti napateg a punto iti tunggal baro a publikasion.
15 min: “Ti Memorial—Maysa a Nagpateg nga Okasion!” Saludsod ken sungbat. Paregtaen dagiti dumdumngeg a pagbalinenda nga espesial ti intero a bulan ti Marso babaen ti panag-auxiliary pioneer.
15 min: Panangirugi iti Panagadal iti Biblia iti Pagtaengan. Kadagiti kallabes a bulan, ginasut a ribu a libro ti naipaima. Mangipaay daytoy iti pangibatayan ti panangirugi iti adu pay a panagadal iti Biblia. Paregtaen dagiti agibumbunannag a sublianda dagiti amin a nangipakita iti interes. Paisalaysay iti sumagmamano nga agibumbunannag no ania ti espesipiko nga inaramidda tapno makairugi kadagiti baro a panagadal iti Biblia iti pagtaengan. Ipaganetget a nagpateg a paset ti annongentayo ti panangaramid kadagiti adalan. (Mat. 28:19, 20) Sieepektibo a maaramidan daytoy no ikagumaantayo nga iyaplikar dagiti singasing a naituyang iti suplemento ti Hunio 1996 a Ti Ministeriotayo iti Pagarian.
Kanta 47 ken pangserra a kararag.
Lawas ti Peb. 24–Marso 2
15 min: Dagiti lokal a pakaammo. Iyanunsio ti nagnagan dagiti amin nga auxiliary pioneer iti Marso. Ilawlawag a saan pay a naladaw tapno iyawat ti aplikasion. Paregtaen ti amin a makiraman a naan-anay iti serbisio iti tay-ak inton Sabado, Marso 1.
15 min: “Dagiti Ngay Kabagianyo?” Pagsaritaan ti agassawa ti artikulo ken ikeddengda no kasanoda nga iranud ti naimbag a damag kadagiti di manamati a kabagianda.—Kitaenyo ti Pebrero 15, 1990, a Pagwanawanan, panid 25-7.
15 min: Repasuen ti Literatura a Tukon iti Marso—Ti Sekreto ti Kinaragsak iti Pamilia. Ilawlawag iti apagbiit dagiti makagapu iti panagrakaya ti pamilia iti moderno a kagimongan. (Kitaenyo ti Oktubre 15, 1992, a Pagwanawanan, panid 4-7.) Repasuen dagiti linaon ti libro, iti panid 3. Awisen dagiti dumdumngeg a mangpili kadagiti kapitulo a mabalin a pangibatayan iti presentasion. Ipakita ti makatulong a kahon a pangisuro nga agparang iti ngudo ti tunggal kapitulo. Paidemostra iti makabael nga agibumbunannag no kasano nga iparang ti libro.
Kanta 48 ken pangserra a kararag.