Gimong ti Serbisio iti Marso
Lawas ti Marso 2-8
8 min: Dagiti lokal a pakaammo. Dagiti napili a Pakaammo iti Ministeriotayo iti Pagarian.
15 min: “Itultuloyyo nga Aramiden Daytoy kas Panglaglagip Kaniak.” Palawag ti panglakayen. Komentuan iti apagbiit ti libro a Ti Ministeriotayo, panid 80-1, nga ipaganetget ti kinapateg ti itatabuno iti Memorial.
22 min: “Ipasagepsepyo Kadagiti Sabsabali ti Namnama a Biag nga Agnanayon.” Panagsasarita ti tallaong iti artikulo. Ilawlawag iti apagbiit no kasano a mausar a sieepektibo dagiti saludsod a pangituloy iti saritaan. Mangipaay iti sumagmamano a pagarigan kadagiti mangiwanwan ken punto de vista a salsaludsod a mabalin nga usaren iti presentasion. (Kitaenyo ti Giya ti Eskuelaan, panid 52-3, parapo 10-12.) Paidemostra iti makabael nga agibumbunannag ti maysa kadagiti naisingasing a presentasion iti damo a pannakisarita agraman ti isasarungkar, nga ipakita ti pannakairugi ti panagadal iti Biblia.
Kanta 88 ken pangserra a kararag.
Lawas ti Marso 9-15
8 min: Dagiti lokal a pakaammo. Report ti kuenta.
15 min: Magunggonaan a Naan-anay iti 1998 Yearbook. Irepaso ti ama dagiti panid 3-6, 31 iti pamiliana, a mangitampok kadagiti teokratiko a gapuanan iti sangalubongan iti napalabas a tawen. (No awan Yearbook, usaren dagiti numero iti tsart ti Enero 1, 1998 a Pagwanawanan.) Usigenda dagiti gunggona a tinagiragsak ti pamilia iti panangbasa ken panangusigda a sangsangkamaysa iti inaldaw a teksto ken paspaset ti Yearbook kabayatan ti pannangan, a determinadoda a mangaramid iti kasta iti intero a tawen.
22 min: “Maaramidantay Kadi Manen?” (Parapo 1-11) Saludsod ken sungbat. Isalaysay dagiti tampok iti kampania a panag-auxiliary pioneer itay napan a tawen, kas naireport iti 1998 Yearbook. Dakamaten ti bilang dagiti nag-auxiliary pioneer iti lokal iti dayta a tiempo. Dakamaten dagiti aktual a personal a magunggona iti panagpayunir, ken ipakita no kasano a makatulong daytoy a kanayonan a panagregget iti irarang-ay ti kongregasion. Ibalabala dagiti lokal nga urnos iti serbisio a naiplano kabayatan ti Abril ken Mayo tapno ad-adu pay ti matulongan nga agpayunir. Mabalin a mangala dagiti agibumbunannag kadagiti aplikasion kalpasan ti gimong.
Kanta 195 ken pangserra a kararag.
Lawas ti Marso 16-22
8 min: Dagiti lokal a pakaammo. Awisen amin nga interesado a tumabunoda iti espesial a palawag publiko inton Marso 29. Napauluan ti palawag iti “No Apay a Mabalinyo ti Agtalek iti Biblia.”
15 min: Lokal a kasapulan.
22 min: “Maaramidantay Kadi Manen?” (Parapo 12-19) Saludsod ken sungbat. Repasuen dagiti kualipikasion a naibalabala iti libro a Ti Ministeriotayo, panid 113-14. Ilawlawag no kasano a ti panag-auxiliary pioneer isaganana ti maysa tapno makapag-regular pioneer. Mangawis iti sumagmamano a nag-auxiliary pioneer itay napan a tawen tapno ibagada no kasanoda nga inyurnos ti eskediulda tapno maragpatda ti makalikaguman nga 60 nga oras. Ania kadagiti eskediul iti maudi a panid ti suplemento ti kasayaatan kadakuada? No adda pay oras, mangisalaysay kadagiti kapadasan iti 1987 Yearbook, panid 48-9, 245-6. Paregtaen dagiti agibumbunannag a mangalada kadagiti aplikasion kalpasan ti gimong.
Kanta 224 ken pangserra a kararag.
Lawas ti Marso 23-29
10 min: Dagiti lokal a pakaammo. Paregtaen dagiti amin a rugiandan ti agawis kadagiti interesado a tumabuno iti Memorial, inton Abril 11. Mangipakita iti maysa a kopia ti imbitasion, ken idagadag kadagiti amin a mangalada iti abastoda ket irugidan ti agiwaras iti daytoy a lawas. Iyanunsio ti nagnagan dagiti amin nga ag-auxiliary pioneer iti Abril. Ilawlawag a mabalin pay ti agaplikar. Ibalabala ti intero nga eskediul dagiti taripnong para iti serbisio a naiplano iti Abril.
20 min: Tulongan Dagiti Kabbaro iti Panagserbi iti Tay-ak. Palawag ken pagsasaritaan a kadua ti tallaong. Dagidiay mangyad-adal iti libro a Pannakaammo usigenda koma ti panangtulongda iti iyad-adalanda a makiraman iti tay-ak ti serbisio. Ipakita ti nadakamat iti libro a Pannakaammo, panid 105-6, parapo 14, ken panid 179, parapo 20. Repasuen dagiti wagas a nadakamat iti Nobiembre 15, 1988, a Pagwanawanan, panid 16-17, parapo 7-10, no kasano a mabigbig dagiti kabbaro kas di bautisado nga agibumbunannag. Usigen dagiti singasing iti suplemento ti Hunio 1996 a Ti Ministeriotayo iti Pagarian, parapo 19, maipapan iti panangtulong kadagiti kabbaro a di bautisado nga agibumbunannag a mangrugi a mangasaba.
15 min: “Saludsod.” Saludsod ken sungbat. Repasuen ti panglakayen ti material iti libro a Ti Ministeriotayo, panid 131, parapo 1 ken 2.
Kanta 47 ken pangserra a kararag.
Lawas ti Marso 30–Abr. 5
12 min: Dagiti lokal a pakaammo. Ipalagip iti isuamin nga itedda dagiti reportda iti tay-ak ti serbisio para iti Marso. Ipakita dagiti agdama a ruar ti magasin, isingasing no aniada nga artikulo ti mabalinyo nga itampok no itukon dagitoy, ken mangdakamat iti sumagmamano nga espesipiko a punto a mapagsasaritaan. Repasuen “Dagiti Palagip iti Memorial,” ken ibalabala dagiti lokal nga urnos iti Memorial. Rumbeng a mangaramidtay amin kadagiti masnup a plano tapno matulongan dagiti estudiante iti Biblia ken dadduma pay nga interesado a tumabuno. Ipalagip iti amin a siguraduenda a suroten ti eskediul iti panagbasa iti Biblia iti Memorial para iti Abril 6-11, kas naibalabala iti Panangsukimat Kadagiti Kasuratan iti Inaldaw-aldaw.
13 min: “Annak—Pagrag-oandakayo!” Saludsod ken sungbat. Isalaysay ti kapadasan iti Agosto 1, 1987, a Pagwanawanan, panid 25.
20 min: Dagiti Pamay-an a Pangparmek iti Naespirituan a Panagkapuy. Pagsaritaan ti dua a panglakayen ti kahon iti Enero 15, 1986, a Pagwanawanan, panid 19. Iti kada “Sintomas iti Panagkapuy,” ilawlawag segun iti Kasuratan no kasano a magunggonaan ti maysa iti kaibatoganna a “Dagiti Katulongan iti Panagibtur.” Kalpasanna pagsaludsodan ti dua nga agibumbunannag nga agkomento no kasano a ti panangyaplikar kadagita a punto natulonganna ida a nangtaginayon iti naespirituan a pigsada.
Kanta 140 ken pangserra a kararag.