Gimong ti Serbisio iti Mayo
Lawas ti Mayo 3
8 min: Lokal a pakaammo. Dagiti napili a Pakaammo iti Ministeriotayo iti Pagarian. Teokratiko a Damdamag.
17 min: “Isuroyo Dagiti Sabsabali Tapno Magunggonaanda.” Limitaran ti introduksionyo iti kurang a maysa a minuto, a sarunuen ti saludsod ken sungbat a panangusig. Usaren ti kapitulo 13 ti libro a Pannakaammo, iyilustrar no kasano a magunggonaan dagiti tattao iti praktikal a wagas babaen ti panangadal, panangtarus, ken panangyaplikar kadagiti prinsipio ti Biblia.
20 min: “Dagiti Pamay-an Tapno Mapalawa ti Ministerioyo.” Pagsaritaan ti dua a panglakayen ti artikulo kas sungbat kadagiti saludsod ti nagduduma a kakabsat iti tallaong. Agsaludsod ti maysa a tin-edyer nga agibumbunannag, maysa a pagassawaan, ken maysa a retirado a kabsat a lalaki, maipapan kadagiti pamay-an tapno mapalawada ti ministerioda. Idatag dagiti praktikal a singasing manipud iti artikulo ken kapitulo 9 ti libro a Ti Ministeriotayo, nga ipamaysa iti “Ania Dagiti Naespirituan a Kalatyo iti Masanguanan?,” panid 116-18. Iyebkas dagiti agibumbunannag ti apresasionda iti makatulong nga impormasion nga ipapaay ti Sosiedad a mangipakita no kasano ti agplano para iti nalawlawa a panagserbi iti masanguanan.
Kanta 11 ken pangserra a kararag.
Lawas ti Mayo 10
10 min: Lokal a pakaammo. Report ti kuenta.
20 min: Ragpatenyo ti Kalat a Panagserbi iti Amin-Tiempo. Panagsasarita ti panglakayen ken maysa wenno dua nga agtutubo, a naibatay iti Disiembre 15, 1988, a Pagwanawanan, panid 25-7. Ikagkagumaan nga ikeddeng dagiti agtutubo no ania dagiti kalat a ragpatenda kalpasan ti panagturposda iti eskuelaan. Ipakitada ti interes kadagiti namaterialan a gunggona nga ituktukon dagiti nailubongan a kurso. Ipakita ti panglakayen dagiti naimbag a rason no apay a nasaysayaat nga amang ti panangragpat iti kinapayunir a serbisio. Umanamong dagiti agtutubo ngem agpangpangaduada no kabaelanda ti agpayunir ken mangpataud kadagiti material a kasapulanda. Ipakita ti panglakayen no kasano a maseknan met dagiti nagannak maipapan iti panangsuportarda iti bagbagida ket di pagduaduaan a makaipaay dagiti nagannak iti makatulong a balakad maipapan iti daytoy, nga usarenda dagiti punto iti parapo 13 iti panid 21 ti Agosto 15, 1997, a Pagwanawanan. Kalpasanna, mangdakamat kadagiti kapadasan manipud iti artikulo ti Pagwanawanan a Disiembre 15, 1988, a mangipakita a ti panagpayunir ket nasayaat a kalat, nalaka a ragpaten, ken mangyeg rag-o kadagiti adu. Agpatingga ti panagsasarita babaen ti panangapresiar dagiti agtutubo kadagiti komento ti panglakayen ken iyebkasda ti determinasionda a mangutob a sipapasnek iti panangragpat iti kalat a makiraman a naan-anay iti serbisio ti Pagarian.
15 min: Palawag iti “Kasanom a Maipakita ti Pudno a Kinapakumbaba?” Maibatay daytoy iti artikulo ti Pebrero 1, 1999, a Pagwanawanan, panid 6 ken 7.
Kanta 19 ken pangserra a kararag.
Lawas ti Mayo 17
10 min: Lokal a pakaammo.
15 min: “Agplano a Nasakbay!” Saludsod ken sungbat a panangusig iti artikulo. Repasuen amin a teokratiko nga aktibidad a naiplano iti lokal para kadagiti sumagsaganad a bulan. Paregtaen ti amin a markaanda dagita a petsa iti kalendarioda ket dida ipalubos dagiti dadduma a banag a mangsinga.
20 min: Panangsanay Kadagiti Annak iti Gimong ken iti Tay-ak ti Serbisio. Palawag ti panglakayen. Manipud kinaubingda, rumbeng a makigimong dagiti annaktayo ken makiramanda iti serbisio a kaduatayo. Ti pannakasanay ken kapadasan a magun-odda isu ti mangipaay iti nabileg a pakaibatayan ti pammati ken regtada inton agmataenganda. Kadagiti gimong, makikatugaw koma dagiti annak kadagiti nagannak kadakuada ken saanda koma a makaisturbo kadagiti sabsabali. Kasta met, saanda koma nga agtaraytaray iti uneg wenno ruar ti Kingdom Hall sakbay ken kalpasan dagiti gimong. (Kitaenyo ti om, panid 63 ken 64.) Iti panangasaba, nasken ti kinapasnek dagiti annak iti ministerio ken agsingsingpetda koma. Saanda koma nga agal-alikuteg; ti panangasaba ket saan a panawen ti panagay-ayam. Nasaysayaat no makikaduada kadagiti nataengan. Masapul a matulonganda a mangipaay kadagiti presentasion sigun iti kabaelanda. (Kitaenyo ti Agosto 1, 1988, a Pagwanawanan, panid 15, parapo 20.) Ti panangaywan ket rebbengen dagiti nagannak; saanda koma nga ibaon dagiti ubbing kadagiti taripnong iti panangasaba no awan nataengan a mangaywan kadakuada. Komendaran ti nasayaat a gapuanan dagiti annak.
Kanta 29 ken pangserra a kararag.
Lawas ti Mayo 24
15 min: Lokal a pakaammo. Repasuen ti surat ti Sosiedad nga Abril 15, 1999, mainaig iti pormas a Please Follow Up (S-43). Ilawlawag no kasano a makatulong daytoy iti panangsurnad iti interes a masarakan kabayatan ti di pormal a panangasaba wenno no addada makasaritatayo a sabali ti pagsasaoda. Paregtaen dagiti agibumbunannag nga usarenda a naimbag dagitoy a pormas.
12 min: Palawag ti panglakayen kadagiti punto iti “Saludsod” iti panid 3.
18 min: Makiramramantayo Aya iti Trabaho a Panamaglalasin? Makagutugot a palawag ti manangaywan iti serbisio, a naibatay iti Hulio 1, 1997, a Pagwanawanan, panid 30-1.
Kanta 32 ken pangserra a kararag.
Lawas ti Mayo 31
15 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Mayo. Repasuen ti literatura a tukon iti Hunio. No itukonyo ti libro a Pannakaammo, mabalinyo ti mangiragpin iti 192-panidna a libro a nabayagen a na-stock iti kongregasion. Mangidemostra iti pagtuladan a presentasion.
15 min: Lokal a kasapulan.
15 min: Aniat’ Dakes iti Relihionko? Panagsarita ti dua a ministerial nga adipen. Adu ti masarakantayo a tattao a pagragsakanda ti kinapudno ken raemenda dagiti Saksi ni Jehova. Nupay kasta, makatubeng kadakuada ti pannakaisinggalut iti relihionda. Marigatanda a mamati nga adda kadatayo ti kakaisuna a pudno a relihion ken maikuna a palso ti panagdaydayawda. Daytoy ti agbalin a kangrunaan a lapped iti naespirituan nga irarang-ayda. Repasuen dagiti kakabsat ti innem a bambanag a nadakamat iti panid 377-78 ti libro a Panakirinnason, a sibabatad a mangipakita a saan a sursuroten dagiti sabsabali a relihion ti linaon ti Biblia. Paregtaen ti tallaong nga usarenda dagitoy a punto iti sitataktika a panangtulong kadagiti napasnek a tattao a mangutob iti narelihiosuan a pammatida.
Kanta 50 ken pangserra a kararag.