Saludsod

◼ Siasino ti rumbeng a maaddaan iti lapel badge card ti kombension distrito?

Makatulong unay dagiti lapel badge card ti kombension iti panangilasin kadagiti kakabsattayo ken iti pannakaipablaak ti kombension. Nupay kasta, saan koma a ti la adda ti pakaitedan dagita. Ipabigbigna a daydiay agusar ket nasayaat ti takderna iti partikular a kongregasion dagiti Saksi ni Jehova.

Adda espasio iti card a pakaisuratan ti nagan ti indibidual agraman ti nagan ti kongregasion. No kasta, masapul a talaga a naitimpuyog ti maysa a tao iti nainaganan a kongregasion. Mangipatulod ti Sosiedad kadagiti card iti kada kongregasion sigun iti naipatulod a pedido iti Special Order Blank for forms. No agpedidokayo, laglagipen koma dagiti kongregasion a mayanatup nga ikkan iti card ti kada bautisado ken di bautisado nga agibumbunannag a tumabunonto iti kombension. Kasta met, mabalin a maipaayan dagiti ubbing ken dadduma pay a regular a makigimgimong iti kongregasion ken rumangrang-ay a dandanin makipaset iti tay-ak ti ministerio. Saan a rumbeng nga ikkan iti lapel badge card ti kombension ti tao a nailaksid.

No addanto dagita a card, siguraduen koma dagiti panglakayen a maiwarasda sigun kadagitoy a pagsurotan.