Eskediul ti Gimong ti Serbisio
Lawas ti Agosto 13
13 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Paregtaen ti amin a buyaenda ti video a The New World Society in Action kas panagsagana iti diskusion iti Gimong ti Serbisio iti lawas ti Agosto 27.
17 min: “Kayatyo Kadi nga Ad-adu Pay ti Maaramidanyo?”a Iraman dagiti singasing no kasano a maikagumaan a makasabaan dagiti ganggannaet a tattao iti teritoriayo. Komentuanyo iti ababa ti Hunio 15, 1997, Pagwanawanan, panid 26-9.
15 min: “Pagtalinaedenyo ti Panaglinglingay iti Umiso a Lugarna.” Ti konduktor ti panagadal iti libro ket makisarita iti maysa nga agassawa kalpasan ti panagadal. Sidadayaw nga ibagana a nabiit pay a nadlawna a didan mangaskasaba wenno makigimgimong iti ngudo ti lawas. Ilawlawag ti agassawa nga okupadoda iti panagbakasion ken dadduma pay nga aktibidad iti kalgaw. Repasuen ti panglakayen dagiti kangrunaan a punto iti artikulo, a tulonganna ti agassawa tapno mabigbigda a kanayon koma a maipangpangruna dagiti naespirituan a banag. Iyebkasda ti apresasion kadagita a nasayaat a pammalagip. Umannugotda a mangikeddeng no ania ti nasaysayaat nga iyun-una iti masanguanan.—Kitaenyo ti Oktubre 1, 2000, Pagwanawanan, panid 19-20.
Kanta 68 ken pangserra a kararag.
Lawas ti Agosto 20
8 min: Lokal a pakaammo. Report ti kuenta.
15 min: “Maysakayo a ‘Bubuyaen iti Teatro’!”b Dakamaten ti sumagmamano a lokal a pasamak a nangyeg iti nasayaat a komento iti trabaho wenno kondukta dagiti Saksi ni Jehova.—Kitaenyo Ti Pagwanawanan, Marso 15, 1998, panid 10, ken Enero 15, 1999, panid 32.
22 min: “Nasayaat a Kababalin—Galad a Pakabigbigan Dagiti Nadiosan a Tattao.” Lima a minuto a palawag ti panglakayen maibatay iti parapo 1-5. Kalpasanna, dagiti dadduma pay a paset ti artikulo ti pakisaritaanna iti maysa a panglakayen ken maysa a ministerial nga adipen iti entablado. Pagsasaritaanda no kasano a daeran ti sumagmamano nga awan kaes-eskanna a banag a mangsinga iti panaggigimongtayo ken mangkissay iti magunggonatayo. Itampokda no kasano a ti panaglalangentayo ket pudno a makapabileg no iparangarangtayo ti naayat a pannakaseknan iti pagimbagan ti sabsabali.—Fil. 2:4.
Kanta 72 ken pangserra a kararag.
Lawas ti Agosto 27
10 min: Lokal a pakaammo. Palagipan dagiti agibumbunannag nga itedda ti reportda iti tay-ak ti serbisio para iti Agosto. Mangted iti ababa a singasing no kasano nga itukon ti libro a Creation iti panagministerio iti Setiembre.—Kitaenyo dagiti pagarigan iti Ti Ministeriotayo iti Pagarian, Setiembre 1996, panid 8, ken Hunio 1995, panid 4.
10 min: Lokal a kasapulan.
25 min: “Historikal a Panangrepaso iti The New World Society in Action.” Pannakisarita kadagiti agdengdengngeg ken interbiu. Kalpasan a mapagsasaritaan dagiti naipaay a saludsod, mainterbiu ti asinoman a nakabuya iti orihinal a pelikula wenno nakatabuno iti internasional a kombension idi dekada 1950. Paisalaysayyo kadakuada no ania ti malagipda maipapan kadagidi nga okasion, ti naespirituan nga epektona kadakuada, ken ti panamatida a daytoy ti organisasion ni Jehova. (Tandaanan: Kadagiti kongregasion nga awanan iti daytoy a video, mabalin a maipalawag ti tema a “Kasano a Sanguen ti Pannakaupay?,” a naibasar iti Nobiembre 15, 1999 a Pagwanawanan, panid 28-31.) Inton Oktubre, repasuentayo ti video a United by Divine Teaching.
Kanta 74 ken pangserra a kararag.
Lawas ti Setiembre 3
8 min: Lokal a pakaammo.
17 min: “Kasano Kapateg ti Nakristianuan a Timpuyog?”c Iramanyo dagiti komento iti sidong ti subtema a “Babaen ti Kongregasion” iti Enero 15, 1996, Pagwanawanan, panid 22.
20 min: No Adda Agkuna. Diskusion ken demostrasion. Iti ministerio, no adda ibaga wenno saludsoden dagiti tattao a ditay ninamnama, ikagumaantayo koma a sungbatan imbes a baliwantayo wenno putden ti saritaan. Masansan a makatulong ti libro a Panakirinnason iti daytoy a banag. Dakamatenyo ti sumagmamano a kadawyan a komento, ket paidemostrayo kadagiti agibumbunannag no kasano a sungbatan dagiti komento a nailanad iti libro a Panakirinnason. Kas pagarigan: ‘Diak mamati iti Dios.’ (p.118-9) ‘Apay a dikay makiraman kadagiti aktibidad a mangpasayaat iti komunidad?’ (p.381-2) ‘Saan a napateg no ania a relihion ti ayanmo.’ (p. 371) Paregtaenyo amin nga usarenda daytoy a paset ti libro a Panakirinnason no maipasangoda kadagiti di ninamnama a kasasaad iti tay-ak.
Kanta 121 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a diskusion.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a diskusion.
c Limitaran dagiti panglukat a komento iti awan pay maysa a minuto, sa isaruno ti saludsod ken sungbat a diskusion.