Eskediul ti Gimong ti Serbisio
Lawas ti Oktubre 14
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Iparegtayo iti amin a basaenda ti Numeros kapitulo 25 ken ti Insight, Tomo 2, panid 419, parapo 3-5, kalpasanna, buyaenda ti video a Warning Examples for Our Day kas panagsagana iti diskusion iti Gimong ti Serbisio iti lawas ti Oktubre 28. (Daytoy ti damo a video a drama nga inaramid ti Sosiedad. Iti Setiembre a Ti Ministeriotayo iti Pagarian, naipakaammo a magun-oden iti Pilipinas daytoy a video. No saankayo pay a nagpedido, nasayaat no aramidenyo itan.) Babaen ti panangusar kadagiti singasing iti panid 8, mangiparang ti dua a demostrasion no kasano nga ipaima ti Oktubre 15 a Pagwanawanan ken Oktubre 22 nga Agriingkayo!
15 min: Lokal a kasapulan.
20 min: “No Kasano a Mangipakita iti Personal nga Interes Dagiti Manangaywan iti Panagadal iti Libro ti Kongregasion.” Saludsod ken sungbat a panangusig nga idauluan ti maysa a manangaywan iti Panagadal iti Libro ti Kongregasion. Iti introduksion, apagbiit nga ilawlawag no kasano a nangrugi ti urnos a panagadal iti libro. (jv 237, par. 4) Iyurnosyo a nasaksakbay ti dua wenno tallo nga agibumbunannag nga agkomento no kasano a nagunggonaanda iti personal nga interes a naipakita kadakuada babaen ti Panagadal iti Libro ti Kongregasion.
Kanta 65 ken pangserra a kararag.
Lawas ti Oktubre 21
10 min: Lokal a pakaammo. Report ti kuenta.
20 min: “Iturongyo iti Organisasion Dagiti Iyad-adalanyo iti Biblia.” Saludsod ken sungbat a panangusig. Iti parapo 4, pagsaritaan dagiti nadumaduma a paset ti broshur a Dagiti Saksi ni Jehova ken paregtaenyo ti amin a mangitugotda iti kopiada iti ministerio. Paidemostra iti ababa no kasano a mausar ti broshur no awisen a tumabuno kadagiti gimong ti maysa nga agad-adal iti Biblia.
15 min: Palawag a naibatay iti artikulo a “Napasnek a Panagregget—Kaano a Bendisionan ni Jehova?” a naibatay iti Agosto 1, 2002 a Pagwanawanan, panid 29-31.
Kanta 194 ken pangserra a kararag.
Lawas ti Oktubre 28
8 min: Lokal a pakaammo. Paregtaenyo ti amin a repasuenda dagiti notada iti naudi a programa ti aldaw ti espesial nga asamblea, kas panagsagana iti diskusion iti Gimong ti Serbisio iti sumaganad a lawas. Babaen ti panangusar kadagiti singasing iti panid 8, paidemostra iti maysa a kabsat a babai no kasano nga iparang ti Nobiembre 1 a Pagwanawanan ken maysa a kabsat a lalaki a mangiparang iti Nobiembre 8 nga Agriingkayo!
15 min: “Makapabilegkayo Koma.” Palawag ti maysa a panglakayen a pakipasetan ti tallaong.
22 min: “Maysa a Napasnek a Pammaregta nga Ipangag Dagiti Pasamak a Pakaballaagantayo Ita.” Limitaran dagiti panglukat a komento iti awan pay maysa a minuto, kalpasanna pagsaritaan ti tallaong ti tunggal saludsod a naiparang iti artikulo. (Palagip: Kadagiti kongregasion nga awanan iti daytoy a video, mabalin nga ipalawag ti “No Kasano a Daeran ti Kinaawan Namnama,” a naibatay iti Mayo 8, 2000 nga Agriingkayo!, panid 20, 21.) Inton Disiembre, repasuentayo ti video a No Blood—Medicine Meets the Challenge.
Kanta 41 ken pangserra a kararag.
Lawas ti Nobiembre 4
10 min: Lokal a pakaammo. Repasuenyo iti apagbiit ti sumagmamano a singasing manipud iti suplemento ti Mayo 2002 a Ti Ministeriotayo iti Pagarian iti panangiparang iti broshur a Kalikaguman ken libro a Pannakaammo. Idemostra ti maysa kadagiti presentasion.
13 min: Di Ibain ti Naimbag a Damag. (Roma 1:16) Maysa nga agtutubo nga addaan iti parikut ti umasideg iti amana. Bumdeng ti agtutubo a mangyam-ammo iti bagina kas maysa a Saksi ni Jehova di la ket ta umsien dagiti kapatadanna. Agyaman ti ama ta impudno ti agtutubo dayta a banag. Isalaysayna no ania ti inaramid ni Pedro idi maitudo kas adalan ni Jesus. (Mat. 26:69-74) Kastoy ti ibalakad ti ama: Ditay koma pulos ibain a Kristianotayo. (Mar. 8:38) Makagunggona no iyam-ammom idiay eskuelaan a maysaka a Saksi. No maammuanda, adu a mannursuro ti mangraem iti patpatiem ken saandaka nga iraman kadagiti aktibidad a matmatam a di makaay-ayo. Dagiti awan prinsipiona nga agtutubo saandaka a basta piliten nga agaramid iti dakes. Ad-adda a matarusanto ti dadduma a kaeskuelaam no apay a pinilim ti saan a maki-date, makipaset kadagiti isport, wenno makiraman kadagiti aktibidad kalpasan ti klase. No ipalubos ti tiempo, pagsaritaan ti agama dagiti punto manipud iti subtitulo a “Panangipaduyakyak a Publiko iti Pannakigayyemyo iti Dios” iti libro nga Iyimtuod ti Agtutubo, panid 315-18. Iyebkas ti tinedyer ti panagyamanna iti nasayaat a balakad.
22 min: Agpasakupkayo iti Dios—Busorenyo ti Diablo. (Sant. 4:7) Babaen ti panangusar kadagiti saludsod a naipaay ditoy, maysa a panglakayen ti mangidaulo iti nabiag a panagsasarita ti tallaong maipapan iti programa ti aldaw ti espesial nga asamblea a naangay ita a tawen. (Mabalin a matudingan a nasaksakbay no siasino dagiti sumungbat.) Itampokyo dagiti sumaganad a paset ti programa: (1) “Panagpasakup iti Dios iti Naadipen a Lubong.” Apay a nasken nga alertotayo a mangliklik kadagiti silo ti lubong? (2) “Panangipakita iti Nadiosan a Panagpasakup kas Miembro ti Pamilia.” Apay a naganat iti uneg ti organisasion ni Jehova ti panangpalagda iti relasion ti pamilia? Kasanotayo a maaramid dayta? (3) “Tulongan Dagiti Baro nga Adalan nga Agtalinaed a Natibker iti Dasig ni Jehova.” Kasanotayo a matulongan dagiti kabbaro tapno mapagballigianda dagiti bangen a mangsubok iti pammatida? (4) “No Ania ti Kaipapanan ti Panangbusor iti Diablo.” Ania ti tulbek tapno agtultuloy a masarangettayo ti Diablo? Kasano a salaknibannatayo ti naespirituan a kabal a nadeskribir iti Efeso 6:11-18? (w92 5/15 21-3) (5) “Dagiti Agtutubo a Sibaballigi a Simmaranget iti Daydiay Nadangkes” ken “Dagiti Agtutubo a Nagunggonaan iti Nadiosan a Panagpasakup.” Ania ti sumagmamano a gakat ni Satanas a nasken a pagannadan dagiti agtutubo? Kasano a magunggonaan dagiti agtutubo no agpasakupda ken Jehova? (w90 8/1 13-14, par. 15-17) (6) “Magunggonaan iti Panagpasakup iti Dios.” Ilawlawag no kasano nga ipakita dagiti Kristiano ti panagpasakup kadagiti autoridad iti gobierno, iti amo iti pagtrabahuan, iti uneg ti pamilia, ken iti kongregasion Kristiano. Ania dagiti galad a tumulong kadatayo a mangaramid iti dayta?
Kanta 185 ken pangserra a kararag.