Pagtuladan a Presentasion

Panangirugi iti panangyadal iti Biblia iti umuna a Sabado iti Hulio

“Dandani amin a tattao iti lugartayo kayatda ti maaddaan iti napaut ken naragsak a biag. Isu a kayatmi a maammuan no ania ti makunayo iti daytoy a saludsod: Kabaelanto ngata ti siensia ken medisina nga ipaay ti biag nga agnanayon? [Palubosanyo a sumungbat.] Kitaem no ania ti kunana ditoy.” Ipakita ti Hulio 1 a Pagwanawanan, ken usigenyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti sumaruno a saludsod.

Palagip: Maidemostra daytoy a presentasion iti taripnong sakbay ti panangasaba iti Hulio 6.

Ti Pagwanawanan Hulio 1

“Adu kadagiti nakasaritami ti addaanen iti relihion. Ngem ibaga met ti dadduma nga awanen ti talekda iti relihion. Ania met ti makunayo maipapan iti relihion? [Palubosanyo a sumungbat.] Nangipaay ni Jesus iti pagibasaran a tumulong kadatayo a mangtingiting iti relihion. [Basaenyo ti Lucas 6:44a.] Ilawlawag daytoy a magasin dagiti sumagmamano a dakes a bunga a patpatauden ti relihion. Sungbatanna met ti saludsod nga, Adda kadi relihion a mapagtalkam?”

Agriingkayo! Hulio

“Makisarsaritakami kadagiti kaarrubami maipapan iti problema a kinaawan hustisia. Adda dagiti tattao nga agprotprotesta tapno maparmek ti kinaawan hustisia. Panagkunayo, kabaelanda ngata nga ipaay ti panagbalbaliw? [Palubosanyo a sumungbat.] Kitaenyo no ania ti kuna ti Biblia a makaipaay iti pudpudno a panagbalbaliw iti lubong. [Basaenyo ti Mateo 6:9, 10.] Sungbatan daytoy a magasin ti saludsod a, Ti kadi protesta ti solusion?”

Naimbag a Damag Manipud iti Dios

“Bumisbisitakami kadagiti pamilia ditoy lugaryo ta kayatmi nga iranud ti makaparegta nga impormasion manipud iti Biblia. Adu kadagiti nakasarsaritami ti agsalsaludsod no apay nga ipalpalubos ti naayat a Dios ti panagsagaba a mapaspasamak iti lubong. Iti panagkunayo, paset ngata ti orihinal a panggep ti Dios ti panagsagaba iti daga?” Palubosanyo a sumungbat. Kalpasanna, mapankayo iti Leksion 5, sa basaen ken pagsaritaanyo ti umuna a dua a parapo ken dagiti teksto a nakaitaliko. Ipaimayo ti broshur, ken ibagayo nga agsublikayto tapno pagsaritaanyo ti sumaganad a saludsod a napuskol ti pannakaisuratna.