Kanta 153
Jehova, Dios ti Pannakaisalakantayo
1. Apo Jehova, ’diay ngato,
Basolmit’ pinakawanmo.
Nainawkam silalabsing,
Ket kinapudnot’ nailemmeng.
Apo, isalakannakam.
Idalannakam ’diay dagam.
Parabur ’yegmo, ket inkam
Kantaen pannakaisalakan.
Kantaen pannakaisalakan.
2. Naummongkam kas arbanmo,
Karnero, impadton Kristo.
Panangispalmo, Dios, dimteng
Maipaay nayaw-awanen.
Ipaaymot’ kinatalna
Iti puso a naemma.
Masirib agbuteng kenka,
Asideg pannakaispalda.
Asideg pannakaispalda.
3. Kinapudno, asim, rumsuak!
Pakaigapuan panagragsak.
Nakaskasdaaw bambanag,
Sipud nagturayen Anak.
Tiempon bileg ti Pagarian,
Agbuselen kinatalnan.
Sapay ta maiwaragawag
Naited a pannakaisalakan.
Naited a pannakaisalakan.